HABAKUK
1 I lipôdôl lini jon mpôdôl Habakuk* a bi kôhna ikété yiinda:
2 a Yéhôva, letee ni ngéda mbe me nlama lond inyu bat mahôla, ndi u nok bé?+
Letee ni ngéda mbe m’a bat mahôla le u loo i mélés bisañ,* ndi u nlo* bé?+
3 Inyuki u mboñ le me tehe bibéba bi mam?
Inyuki u nihbe i tehe bôt ba ntééñga bape?
Inyuki tjiba ni bisañ bi yé me i bisu?
Inyuki momol ni mindañ bi mbôl?
4 Jon mbén i nwo ngui,
mbagi sép i ta bé.
Inyule bibéba bi bôt bi nkéña bôt ba téé sép;
inyu hala nyen mbagi sép i kôdi.+
5 “Nuna ikété biloñ, ni hek ki pék!
Ni ga hel, hala a suk ki bé;
inyule jam li ga bôña i dilo dinan,
ibale ba yé le ba añle bé jo, ki n’a hémle bé.+
Ba nhiôm ni hisi hiosôna
inyu kadal minkoñ mi mi ta bé nwap.+
7 Ba nkônha woñi, bôt ba sehlaga inyu yap.
Ba ntéé yap mbagi sép, ni yap énél.*+
8 Bihosi gwap bi nke ngwéé iloo njéé,
bi nyai iloo ngwo-njéé ni juu.+
Bihosi gwap bi gwét bi mpind;
bihosi gwap bi nlôl haa.
Bi nhoo kiki nyôgôl le u nke i gwel nuga.+
9 Bobasôna ba nlo inyu jo gwét.+
I ngéda ba nkodba bobasôna, ba yé kiki mbebi i nlôl i pes likôl,+
ba nhôgôl minkol kiki lisege.
10 Ba nol bikiñe hiol,
ba ndeglege bangomin bakeñi.+
Ba yanak mapénd;+
ba mboñ yak hikôa hi biték inyu jôp ikété tison, ba yoñ yo.
11 I mbus, ba nke kiki mbebi, ba tagbe,
ndi ba ga ba bé ngi nsohi,+
12 A Yéhôva, baa u niñ bé ibôdôl i boga ni boga?+
A Nyambe wem, a Numpubi wem, u nwo bé.*+
13 U nlôôha ba mpubi inyu tehe béba,
u nla bé ki to nihbe maboñok mabe.+
14 Inyuki u mboñ le bôt ba binam ba yila kiki tjobi di tuye,
kiki binuga bi tuye bi bi gwé bé ñane?
15 A* nlop tjodisôna ni nlop wé.
A ngwel tjo ni pése yé,
a nkot ki tjo ikété mbunja yé.
Inyu hala nyen a nkon maséé ngandak.+
16 Inyu hala nyen a nsémél pése yé bisesema,
a nti ki mbunja yé bisesema;*
Inyule ni njel yap nyen a nkuhul ngandak bijek,*
yak ni bijek bilam.
17 Baa a ga ke ni bisu i gwel tjobi ni pése yé, a téédaga tjo?*
Baa a ga ke ni bisu i tjé biloñ ibabé konangoo?+
2 M’a yégle me téé i homa wem litédél,+
me ga telep i ngii lipénd.
M’a kônde bem inyu tehe jam a ga kal ni njel yem,
ni jam me ga timbhe i ngéda a ga kodol me.
2 Ha nyen Yéhôva a bi timbhe me le:
3 Inyule yiinda i gwé ntéak ngéda,
i yé bebee ni yon,* i ga tembee bé.
To ibale i ntiñha,* kônde bem yo!*+
Inyule i ga yon ibabé set.
I ga tagbe bé ngéda yé.
4 Béñge mut nu a ngôgôp;
a téé bé sép.
Ndi mut a téé sép a ga niñ inyu ndéñbe* yé.+
5 Inyule wai i yé malôga,
mut lipamal a’ yônôs bé njômbi yé.
Mbina yé je i yé ikeñi kiki Soñ;*
a yé kiki nyemb, a nuu bé.
A nke ni bisu i kot biloñ gwobisôna,
a nkot ki matén momasôna inyu yé nyemede.+
6 Baa bobasôna b’a kéne bé ngén, ba podok minjôha, ba nyumblaga* nye?+
Ba ga kal le:
‘Ngoo ni mut a nkot gwom bi bi ta bé gwé,
letee ni ngéda mbe?
Ni nu a nkéñbaha pil wé!
7 Baa i bôt ba mbat we pil b’a telbene bé we kunda yada?
B’a telep, ba nyiñgis we ni ngui,
b’a kadal ki nkus woñ.+
8 Hala kiki u bi kadal nkus u ngandak biloñ,
i bôt bobasôna ba nyégle mu biloñ bi, b’a kadal nkus woñ,+
inyule u bi kôp matjél ma bôt,
ni inyu bisañ u bi jôs biloñ,
bitison ni bôt ba nyééne mu.+
9 Ngoo ni nu a nlona nkus u ngitelepsép i ndap yé,
le ndi a oñ jumbul jé nyoo ngingii,
inyu ke bikuu ngwéé!
10 Bipék gwoñ bibe bi nlona lihaa joñ hison.
Kiki u bi tjé ngandak matén, u bi boñ wemede béba.+
11 Inyule ngok i ga lond mu libap,
leñ i nyôl i timbhe yo.
12 Ngoo ni nu a nkôp matjél inyu oñ tison,
ni nu a ntéé nkoñ ni ngitelepsép!
13 Nuna-ki! Baa sômbôl i Yéhôva nu mintôñ mi gwét bé le matén ma tumbba inyu gwom bi nsôk i hié,
yak biloñ bi tumbba yañga?+
14 Inyule hisi hi mba nyonok ni yi i lipém li Yéhôva
kiki malép ma nhô tuye.+
15 Ngoo ni nu a nyus bôt bé ba libôk,
ndi a kônde nyayak ni hiun mu inyu boñ le ba hiôô,
le ndi a tehe minso nwap.
16 W’a nuu hison, ha lipém bé.
Yak we nyo, libak joñ li ngi kweeba li yeli.*
Libôndô li li yé i woo walôm u Yéhôva l’a lo i weeni,+
wonyuu y’a hô lipém joñ;
17 i béba u bi boñ loñ Libañ i ga timbil we,
kiki u bi tjé binuga bi bi bé kon we woñi, hala nyen u ga tjiba,
inyule u bi kôp matjél ma bôt,
ni inyu bisañ* u bi jôs biloñ,
bitison ni bôt ba nyééne mu.+
18 Ntjok ôñgba u nhôla kii
i ngéda mut a mal tjo wo?
Ñôôk ôñgba* i nhôla kii, yak nniiga nu bitembee,
to hala kiki i mut a mbañ yo a mbôdôl yo ñem?
A mboñ banyambe ba ba gwé bé nseñ, to pot ba mpot bé.+
19 Ngoo ni nu a nkal kék le: “Tôde!”
Tole nu a nkal ngok i i mpot bé le: “Telep! Niiga bés!”
20 Ndi Yéhôva a yé ikété témpel yé ipubhaga.+
Hisi hiosôna hi mom nwee i bisu gwé!’”+
3 Masoohe ma mpôdôl le Habakuk, ma ma mpôna minlénd:*
2 a Yéhôva, me bi nok ngan inyu yoñ.
A Yéhôva, nson woñ u nkônha me woñi.
I ntéak woñ ngéda,* yônôs wo!
I ntéak woñ ngéda,* boñ le u yiba.
Hoñol i unda bés konangoo i ngéda w’a lona bikuu.+
Lipém jé li nhô ngii;+
yak hisi hi yé nyonok ni bibégés gwé.
4 A bé bai kiki mapubi.+
Mapubi ma bé pémél i woo wé,
mu ki nyen ngui yé i sôlne.
5 Himala hi kon hi bé bôk nye bisu,+
lihep li bé noñ nye mbus.
6 A bi telep, a nyiñgis hisi.+
A nun biloñ, bi kahal pind.+
Dikôa di boga di bôô,
dikôa di kwañ di ôôp.+
Manjel ma kôba ni kwañ ma yé mé.
7 Me bi tehe mandutu ikété mandap ma mabadô ma Kusan.
Mandap ma mabadô ma Madian ma bi nyeñg.+
8 A Yéhôva, baa balom bon u ñunbene,
Baa inyu balom nyen hiun hioñ hi nkala?
Tole batuye bon u ñunbene?+
9 U bi sodol mpihlôñgô woñ, u kôôba ki wo.
U bi gwélél bikék* inyu yônôs soñ u bi kum.* (Selah)
U bi gwélél balom inyu kan hisi.
10 Dikôa di bi tehe we, di kahal kôôga.+
Banop bakeñi ba bi no.
Ndip malép i bi kumb.+
I pihil malép mé i ngii.
11 Hiañgaa ni sôñ bi bi yégle i mayééne map makeñi.+
Makoñ moñ ma bi pam kiki mapubi.+
Likoñ joñ li bé bai kiki nwegnwek.
12 U bi hiôm munu nkoñ ’isi ni liyot.
U tét* ki biloñ ni hiun.
13 U bi pam inyu tohi i litén joñ, inyu tohol nhook woñ.
U bi nyagat ñéga* nu ndap i béba mut.
U bi bôk yo ibôdôl isi ikepam i ngii.* (Selah)
14 U bi tôp miño mi bôt bé ba gwét ni bijôl gwé bi gwét* nyemede
i ngéda a bi lo kiki mbuk mbebi inyu sand me.
Ba bé maséé i nol nyendek mut bisôsôli.
15 U bi tagbana bihosi gwoñ i ngii tuye,
I ngii malép makeñi ma ma mpél.
16 Me bi nok, me kahal sehla;*
me nok kiñ, bibép gwem bi kahal sehla.
Bihés gwem bi kahal lôñ;+
makôô mem ma kahal nyeñg.
Ndi me mbem hilo hi njiiha nwee,+
inyule hi nlo inyu bôt ba njôs bés.
17 To ibale e faigé i nsem ha bé,
tole nkôô wai u nti ha bé matam;
to ibale e ôlivé i nti ha bé matam,
tole nwom* mi nti ha bé bijek;
to ibale mintômba mi ta ha bé ikété kotoo,
tole nyaga i ta ha bé ikété ndap bilém;
18 ndi me, m’a hak inyu Yéhôva;
m’a kon maséé ni Nyambe nu tohi yem.+
19 Yéhôva, Nwet Bayemlikok a yé ngui yem;+
a’ yilha makôô mem kiki makôô ma miñin mi ngôlôñ,
a boñ ki me le me kil i bahoma ba nyôgi.+
Inyu ñéga kôa; lôñni bikôkôda bi manganda.
Hala a nla kobla le “Sambla ni gwéha.”
Tole “njôô.”
Tole “ntohol.”
Tole “lipém.”
I nla ki ba, “ngui yap i yé nyambe wap.”
I nla ki ba, “d’a wo bé.”
Tole “u bi téé bo inyu kodol.”
Hala wee, ñoo le Kaldéa.
Tole “hiida hi bisesema.”
Ni hop Lôk Héber, “ngaba i i gwé môô.”
I nla ki ba, “i nimbil pansoñ yé.”
Tole “mabam.”
Tole “hoo.”
Ni hop Lôk Héber, “bebee ni lisuk jé.”
Tole “ibale i nene wengoñle i ntiñha.”
Tole “u hôô bañ moo i tôl, u kahal bem.”
I nla ki ba, “hémle.”
Tole “Séôl.” Béñge Ndoñi bibuk.
Tole “ba kôbge kôbi inyu nyumbla.”
I nla ki ba, “Yak we nyo, u kahal ndiñg.”
Tole “njôô.”
Tole “ôñgba ba mboñ ni kei le ba nyimbi.”
Tole “tjémbi di maéya.”
Ni hop Lôk Héber, “Mukété nwii.”
Ni hop Lôk Héber, “Mukété nwii.”
Béñge Ndoñi bibuk.
Tole “bi yé tohi.”
I nla ki ba, “makoñ.”
I nla ki ba, “matén ma bi kum soñ.”
Tole “tidbe.”
Ni hop Lôk Héber, “ño.”
Ni hop Lôk Héber, “ibôdôl dikuu ikepam i joo.”
Ni hop Lôk Héber, “bikék gwé.”
Ni hop Lôk Héber, “libum jem li nkahal nyeñg.”
Tole “nwom mi dikôa.”