NAHUM
1 Lipôdôl li li nkolba Ninivé:+ kaat yiinda i Nahum,* mut Elkôs:
2 Yéhôva a yé Nyambe nu a ngwés le ba bégés ndigi nyetama,+ a yé ki Nyambe nu mapuna;
Yéhôva a mpun nyemede, a yé ki bebee i unda hiun hié.+
Yéhôva a mpun nyemede i ngii bôt ba nkolba nye,
a ntéédana baoo bé hiun.
A nlo kiki mbuk mbebi ni nop nkeñi,
ond i yé kiki lipum li biték isi makôô mé.+
Bikai bi Basan ni bi Karmel bi nwo,+
yak mbônji i Libañ i nkudi.
5 A mboñ le dikôa di nyeñg,
yak bon ba dikôa ba nyimbi.+
Su wé u mboñ le hisi hi paaba,
hisi ni bôt bobasôna ba nyééne mu.+
6 Njee a nla telep i bisu gwé i ngéda a ñunup?+
Njee a nla hônba mbimba i hiun hié?+
Hiun hié hi nloñ kiki hié,
a mboñ yak le maaa ma bôô.
7 Yéhôva a yé loñge,+ a yé lisolbene i ngéda njiiha.+
A ntôñ* i bôt ba nyéñ lisolbene i nyeni.+
8 A ga tjé i homa nu* ni ntida malép,
yak jiibe li ga noñ baoo bé.
9 Baa ni nla ôô jimb inyu kolba Yéhôva?
Nyen a ntjé, tjé yosôna.
Njiiha y’a lo bé ngélé iba.+
10 Inyule ba yé nlibdaga kiki biloo,
ba bak wengoñle bôt ba ba nhiôô maok;*
ndi ba ga lék kiki dikaha le di nkôt.
11 Mut a ñôô jimb inyu kolba Yéhôva a ga lôl i weeni,
a tinak maéba ma ma gwé bé nseñ.
12 Yéhôva a nkal le:
“To hala kiki ba gwé ngui, ba bak ngandak,
ba ga tjiba, ba séha* ki.
Me bi bôk me nôgha we* njôghe, ndi me ga nôgha ha bé we njôghe.
13 Ndi nano, m’a bôk kop yé nson i i yé i ngii yoñ,+
m’a pat yak minsañ nwoñ bipes biba.
14 Yéhôva a mal ti oda inyu yoñ* le:
‘W’a bana ha bé mbôda i i gwé jôl joñ.
Me ga mélés mintjok mi biôñgba ni bisat bi kei* ikété ndap* i banyambe boñ.
Me ga tém soñ yoñ inyule u yé yom nyega.’
15 Nuna-ki makôô ma mut a ñañal ñañ nlam i ngii dikôa,
mut a nlegel nwin u nsañ.+
Lôôs mangand moñ+ a Yuda, yônôs yak makak moñ,
inyule béba mut i ga lo ha bé i weeni.
I ga tjiba, tjiba yosôna.”
2 Nu a nsand nyen a nlo i jôs we.*+
Tada mapénd.
Tada yak minloñ.
Kôôbana,* ni ba makénd.
2 Inyule Yéhôva a ga timbis lipém li Yakôb,
a ga timbis yak lipém li Israel,
inyule batjé bôt ba bi tjé bo;+
ba ôbôs yak minkôô nwap mi wai.
3 Biben bi mimpémba nwé mi bôt bi nkôyôp tjôôm,
bôt bé ba gwét ba hééba mambot ma nkôyôp.
Bikei* bi bikak gwé bi mbai kiki hié,
i kel a nkôôba inyu jo gwét,
ba mpa makoñ map ma ma yé mbañak ni e junipa.*
4 Bikak bi gwét bi nke ngwéé i minloñ.
Bi mbet, bi sôhôk ni makanda ma nloñ.
Bi mbai kiki nwai, bi nwegek kiki nwegnwek.
5 A ga sébél baane ba ntôñ wé gwét.
Ba ga baage i ngéda ba mba ba nke.
Ba ga ke ngwéé i lipénd li tison;
ba hémb jo.
6 Manwemel ma lom ma mba ma néhi,
yak yale i kiñe i ga kuuba.*
7 Mbén i bi mal pam:* a nyeli,
ba yé i kena nye, yak minkol nwé mi bôda mi nsiida;
mi kwayak kiki dibeñ, mi bébék tôl.*
8 Ibôdôl kôba, Ninivé+ a yé kiki titimba malép,
ndi nano, bôt bana ba nke ngwéé.
“Ni ke bañ! Ni ke bañ!”
Ndi mut to wada a ntémb bé ni mbus.+
9 Badnana silba, badnana gôl!
Masôô mé ma nkus ma nla bé mal.
Ma gwé mintén mi tik gwom nwominsôna.
10 Tison i nyégle hôlô, yom i ta ha bé mu, i ntjiba!+
Miñem nwap mi nsehla ni woñi, maboñ map ma nyeñg, bibôbôk gwap bi ndeñg;
masu map momasôna ma njum.
11 Hee liyééne li mbondo njéé li yé,+ i het bon ba mbondo njéé ba njél,
i het mbondo njéé i mpémél ni man wé,
ibabé le mut a kônha bo woñi?
12 Mbondo njéé i bé was jôga li binuga inyu bon bé,
i nolok ki inyu miñin mi mbondo njéé.
I bé yônôs binuga i bihôk gwé,
mayééne mé ma bé nyonok ni bikét bi binuga.
13 Yéhôva nu mintôñ mi gwét a mpot le: “Nun-ki! Me nlo i jôs we,+
me ga ligis bikak gwoñ bi gwét, bi ga tu hiida,+
yak pansoñ y’a nol bon boñ ba mbondo njéé.*
M’a mélés lem yoñ i gwel binuga hana ’isi,
yak kiñ i balegelnwin boñ i ga nôga ha bé.”+
3 Ngoo ni tison i manola!*
I yôni ni malôga ni wip.
I nhañ bé ni nuga i gwel!
2 Nyoo nyen mbimba i hisôô i nôga, yak mbimba i makôô ma bikak,
yak ni hosi i i nke ngwéé ni bikak bi bi mpind.
3 Nlukhosi a yé i ngii hosi, pansoñ i nwegek, likoñ li bayak,
ngandak mim ni nwind mi mim,
mim mi gwé bé nsoñgi.
Ba mbômda nwo homa nyensôna.
4 Mam ma yé hala inyu ngandak libambe i muda libambe,
a gwé maôñg malam, a nkona ki ngôñ, muda liemb,
nu a ngwel biloñ mu hiandi hi libambe jé, a gwelek mahaa ni liemb jé.
5 Yéhôva nu mintôñ mi gwét a mpot le: “Nun-ki! Me nlo i jôs we,*+
me ga pa mbot yoñ, i hô we su;
m’a boñ le biloñ bi tehe nso woñ,
yak biane bi tehe hison hioñ.
7 Hiki mut a ntehe we, a ga ke we ngwéé,+ a kalak le:
‘Ninivé a ntjiba!
Njee a ga ee nye?’
Hee m’a lébna bôt inyu hôgbaha we?
8 Baa u nloo Nô-Amôn*+ nu a bé bebee ni lom Nil?+
Malép ma bé kéña nye;
tuye a bé lingwañ jé, tuye ki nyen a bé lipénd jé.
9 Étiôpia a bé ti nye ngui manjel momasôna, yak ni Égiptô.
Put+ ni bôt ba Libia ba bé hôla nye.+
10 Ndi to hala, a bi ke i loñ ipe;
a bi ke i minkôm.+
Hiki likanda li nloñ,* ba bi kit bon bé ngéñ ngéñ.
Ba bi leñ mbam inyu mintôô nwé mi bôt,
yak bañga yé bôt yosôna, ba bi kañ bo minsañ i makôô.
11 Yak we, u ga hiôô maok;+
u ga ke, u solop.
U ga yéñ homa inyu solop ñoo woñ.
12 Mapénd moñ momasôna ma yé kiki bie bi faigé bi bi num matam ma bisu;
ibale ba nsugde mo, matam ma nkwél ndik bôt i nyo ngélé yada, ba je mo.
13 Nun-ki! Ntôñ woñ bisônda u yé kiki bôda.
Manwemel ma tison yoñ ma ga nahap le baoo boñ ba jôp.
Hié hi ga ligis bihimbil bi manwemel moñ.
14 Ap malép inyu kôôba le ba ga kéña we!+
Lédés lipénd joñ.
Jôp i ndobo, u tjo ték lima;
yoñ bibil i brik.
15 Ndi to hala, hié hi ga ligis we.
Pansoñ i ga nol we.+
M’a je we kiki bitandi bi nje bikai.+
Bôl kiki bitandi!
Ñ, bôl yaga kiki bakôlô!
16 U bi bulus bôt boñ ba nyuñga kiki tjôdôt di ngii.
Bitandi bi nyandal bipapai, bi puue.
17 Batat boñ ba yé kiki bitandi,
baane ba ntôñ woñ bisônda ba yé kiki liuñ li bitandi.
Bi nsolop ipôla ngok i mabap i ngéda lihep li yé,
ndi i ngéda hiañgaa hi mpam, bi mpuue;
mut a nyi bé hee bi nke.
18 Hilo hi ntôñgôl batééda bémba yoñ, a kiñe Asiria;
mintôô nwoñ mi bôt mi nyégle ikété mandap map.
Bôt boñ ba nsanda i ngii dikôa,
mut a ta bé inyu kot bo.+
19 Hogbe i ta bé inyu bikuu bi nkwél we.
Poo yoñ i nla bé mal.
I bôt bobasôna ba ga nok ñañ inyu yoñ ba ga bamb moo;+
inyule njee a bi nok bé ndutu inyu béba yoñ ñem?”+
Hala a nkobla le “Mut a nhôgbaha.”
Tole “A nyoñ ngéda ni.” Ni hop Lôk Héber, “ A nyi.”
Hala wee, Ninivé.
Tole “biye ba mboñ ni blé.”
I nla ki ba, “mal.”
Hala wee, Yuda.
Hala wee, Asiria.
Tole “biôñgba ba mboñ ni kei le ba nyimbi.”
Tole “témpel.”
Hala wee, Ninivé.
Ni hop Lôk Héber, “Lédhana bôbôk.”
Tole “Éña.”
I e ini yon ba nsébél ni hop Pulasi le génévrier.
Ni hop Lôk Héber, “i ga sôyi.”
Tole “tééba.”
Ni hop Lôk Héber, “miñem.”
Tole “bon ba mbondo njéé ba ba gwé liyéé.”
Tole “tison i nkôp matjél.”
Hala wee, Ninivé.
Hala wee, Tébes.
Ni hop Lôk Héber, “i miño mi minloñ nwominsôna.”