MIKA

Hisi ni i gwom gwobisôna bi yé mu, bi sédi maôô,

Yéhôva Nwet Bayemlikok a mbok mbôgi ikolba bé,+

Yéhôva a yé i témpel yé ipubhaga.

 3 Nuna-ki! Yéhôva a nyodi i liyééne jé;

a ga sôs, a kil i ngii dikôa di yé hana ’isi.

 4 Dikôa d’a nyimbi isi makôô mé,+

yak minsôsôgô* mi ga bôô

kiki babi wéi ipañ hié,

kiki i ngéda malép ma nkuli i mpuge.

 5 I mam mana momasôna ma mbôña inyu ndok i Yakôb,

inyu bibéba bi ndap Israel.+

 6 M’a yilha Samaria kiki likund ikété bikai,

homa inyu sal nwom mi minkôô mi wai;

m’a nyuge* ngok yé ikété nsôsôgô,

m’a bii yak dikuu tjé i mbamba.

 7 M’a nyugut mintjok nwé mi biôñgba,+

yak makébla momasôna a bi kôhna mu libambe jé,* ma ga lék i hié,+

m’a tjé bisat gwé gwobisôna.

Inyule gwom gwobisôna a bi kot bi yé nsaa u libambe,

bi ga yila ki nsaa u bôda ba libambe bape.”

 8 Inyu hala nyen me ga ee, me londok ki;+

me ga ke makôô nso ni nyuu nso.+

M’a bégél kiki dibaa di njéé,

yak maéya mem ma ga ba kiki ma njok hinuni.

 9 Inyule poo yé i nla bé mal;+

i mpam letee ni i Yuda.+

10 “Ni legel bañ hala i Gat;

ni ee bañ to.

12 I bôt ba nyééne* i Marôt ba bi bem jam lilam,

ndi jam libe jon Yéhôva a bi lona i nwemel u Yérusalem.

Béba i ngond Siôn i bi lôl i weeni,

inyule i weeni nyen ba bi léba mam mabe ma Israel.+

Boña liseha kiki nyôgôl,

inyule ba nhéya bon banan, ba kena bo i minkôm.”+

2 “Ngoo ni bôt ba nhek bipék bibe,

ba ba nhoñol mam mabe i ngii binañi gwap!

I ngéda kel i nye, ba mboñ mo,

inyule ba gwé ngui i boñ hala.+

 2 Ba ntam nwañan nwom, ba kadal ki nwo;+

yak mandap, ba yoñ mo;

ba nyoñ ndap mut ni njel malôga,+

ba nlôk ki mut inyu yoñ ngababum yé.

 4 I hilo hi, bôt ba ga kéne ngén inyu nan,

ba ga siida ki ngandak inyu nan.+

 5 Inyu hala, w’a bana ha bé mut ikété likoda li Yéhôva,

nu a nhek nkoñ ni nkôô inyu kap wo.

“Ba nlama bé añal i mam mana;

di ga kôhna bé wonyuu!”

Ni nkadal bieñg bilam ni* mambot i mbamba,

mambot ma bôt ba ntagbe ni ñem nwee wengoñle bôt ba nlôl i gwét.

 9 Ni nluhul bôda ba litén jem ikété mandap map malam;

ni nhéya ki bon bap lipém jem mba ni mba.

12 Me ga kot bé bobasôna, a Yakôb;

ibabé pééna, me ga kot bôt ba Israel ba ba nyégle.+

Me ga kot bé ikété adna kiki mintômba ikété kotoo,

kiki bémba i i yé i homa i njél bikai;+

liyôgbe li ngandak bôt li ga ba ha.’+

13 Nu a mbôk lipénd a’ ba bo bisu;

ba ga bôk ngim homa, ba tagbene ha, ba pam.+

Kiñe yap i ga ba bo bisu,

Yéhôva a bak mbôgna wap.”+

3 Me bi kal le: “Soho emblana, a baéga ba Yakôb;

yak bé, a baane ba ndap Israel.+

 2 Ndi ni ñoo loñge,+ ni gwéhék béba;+

ni nkoñol bôt ba litén jem kôgôô, ni wahak minsôn mu bihés gwap.+

 3 Ni nje minsôn mi litén jem,+

ni koñlak ki kôgôô yap,

ni bôgôk bihés, ni nyugdak gwo bikét bikét,+

kiki bijek le ba nlamb ikété hibee,* kiki minsôn le ba mbélés ikété ntjéñe.

 4 Ha ngéda i, ba ga lôndôl Yéhôva le a hôla bo,

ndi a ga timbhe bé bo.

A ga sôô bo su wé ha ngéda i,+

inyu maboñok map mabe.+

 5 Haana nyen Yéhôva a mpot inyu bapôdôl ba ba nyumus litén jem,+

ba ba ñañal le ‘Nsañ!’+ i ngéda ba nti bo yom i je,*+

nu a nha bé bo yom i nyo, ba njôs nye gwét:*

 6 ‘U w’a sudne bé;+ yiinda y’a ba ha bé;+

jiibe jotama jon li ga ba inyu nan, ba ga bo ha bé ngambi.

Bapôdôl ba ga tehe ha bé mapubi ma hiañgaa,

kel y’a kôp jiibe inyu yap.+

 7 Batehemam ba ga kon hison,+

babo ngambi ba ga wo nyuu.

Bobasôna ba ga yip manyo map,*

inyule Nyambe a ga timbhe bé bo.’”

 8 Ndi me, me yé nyonok ni ngui ni njel mbuu u Yéhôva,

ni télepsép lôñni lipémba,

inyu añle Yakôb ndok yé, yak Israel béba yé.

 9 Soho emblana i jam lini, a baéga ba ndap Yakôb

yak bé baane ba ndap Israel,+

bé ba ni ñoo mbagi sép, ni nkôde ki mam momasôna ma téé sép,+

10 bé ba ni ñoñ Siôn ni matjél, yak Yérusalem ni ngitelepsép.+

11 Baéga* bap ba nyoñ bitek inyu kéés,+

biprisi gwap bi nyoñ nsaa inyu niiga,+

yak bapôdôl bap ba nyoñ moni* inyu bo ngambi.+

12 Jon inyu nan,

siôn a ga séla kiki ba nsal wom,

Yérusalem a ga yila likund,+

hikôa hi Témpel* hi ga yila kiki hikôa ikété lipan.*+

4 I dilo di nsôk,

hikôa hi ndap Yéhôva+

hi ga ba hi umi siñ siñ i ngii dikôa,

hi ga bet iloo dikôa dipe,

matén ma ga ke nyoo.+

“Loga, di bedek i hikôa hi Yéhôva

i ndap Nyambe nu Yakôb.+

A ga niiga bés manjel mé,

d’a kil ki i dinjela tjé.”

Inyule mbén* y’a pémél i Siôn,

bañga i Yéhôva i lôlak i Yérusalem.

 3 A’ kéés ngandak matén,+

a kodol ki mam* ma mbéñge ngandak biloñ i i yé haa.

B’a yilha paminsoñ yap disoo,

yak makoñ map m’a yila njasô i wom.+

Loñ y’a pa ha bé pansoñ inyu jôs loñ ipe,

b’a nigil ha bé to i jo gwét.+

 4 Ba ga yén,* hiki mut isi nkôô wé wai ni e yé faigé,+

mut nye ki nye a ga kônha bé bo woñi,+

inyule nyo u Yéhôva nu mintôñ mi gwét u mpot hala.

 5 Inyule hiki litén li ga kil i jôl li nyambe wé,

ndi bés d’a kil i jôl li Yéhôva Nyambe wés+ i boga ni boga.

 6 Haana nyen Yéhôva a mpot: “I kel i,

m’a kot ba ba yé bôk,

me kot ki ba ba bi sanda,+

yak ba me bi kogse.

 7 M’a yégla ndék bôt ikété ba ba yé bôk,+

me yilha ba ba bi sanda, mpémba loñ;+

Yéhôva a ga ba kiñe yap i hikôa Siôn,

ibôdôl nano letee ni i boga ni boga.

 8 Ndi inyu yoñ, a litédél li bémba,

a hikôa hi ngond Siôn,+

énél bisu* y’a lo i weeni,+

ane i ngond Yérusalem.+

Baa u gwé bé kiñe,

tole ntipék woñ a bi wo,

inyu boñ le u kahal nok njôghe kiki muda le a yé i gwal?+

10 Siidaga, kémék ki a ngond Siôn,

kiki muda nu a yé i gwal,

inyule nano, u ga nyodi i tison, u kee u yééne bikai.

W’a ke letee ni i Babilôn,+

nyoo nyen ba ga sôñ we;+

nyoo ki nyen Yéhôva a ga kobol we i moo ma baoo boñ.+

11 Nano, ngandak biloñ y’a kodba inyu jôs we;

i kalak le: ‘Wéhna nye nyuu,

inyu boñ le mis més ma tehe i jam li ga pémél Siôn.’

12 Ndi ba nyi bé mahoñol ma Yéhôva,

ba nok bé to sômbôl* yé;

inyule a ga kot bo homa wada kiki ba nkot tén i blé i litidil i ngéda ba ntip kit yo.

13 Telep a ngond Siôn, u kahal tét;+

inyule m’a yilha bitoñ gwoñ kei,*

me yilha ki bipal gwoñ mamuna,

w’a nyugut ngandak biloñ.+

U ti ki Yéhôva nkus ba bi kôhna ni malôga,

yak lingwañ jap, u ti jo bañga Nwet nu hisi hiosôna.”+

5 “Nano, u yé i kek wemede,

a ngond ini, bôt ba nlo i jôs we gwét;

ba nkéña bés inyu jôs bés.+

 2 Ndi we, a Bétléhém Éfrata,+

u nlôôha ba ntitigi ikété bitison* bi Yuda,

i weeni nyen nkena Israel a’ pémél+ inyu boñ sômbôl yem,

nu a yé ibôdôl ngéda kôba, ibôdôl i dilo di kôba ni kwañ.

 3 Jon a ga tjôô bo,

letee ni i ngéda muda nu a nlama gwal, a’ gwal.

 4 A ga telep, a éga ki bo ni ngui Yéhôva,+

ni bikeñi bi jôl li Yéhôva Nyambe wé.

Ba ga niñ ikété nsañ,+

inyule lipémba jé li ga pam letee ni i masuk ma hisi.+

Ibale man Asiria a njôp i loñ yés, a tjé ki minkum nwés mi mandap,+

di ga ômle nye batééda bémba basaambok inyu jôs nye, ñ, baane* juem ikété bôt ba binam.

 6 Ba ga kogse loñ Asiria ni pansoñ,+

ba kogse yak loñ Nimrôd+ i minwaa nwé mi nkoñ.

A ga tohol bés i moo ma man Asiria,+

i ngéda a njôp i loñ yés, a téé ki kôô i nkoñ wés.

 7 Bôt ba Yakôb ba ba nyégle ba ga ba ikété ngandak biloñ,

kiki manwee ma ma nlôl yak Yéhôva,

yak kiki nop nu a nôl bikai,

nu a mbôdôl bé mut binam ñem,

a mbem bé to le bon ba bôt ba bôñôl nye jam.

 8 Bôt ba Yakôb ba ba nyégle ba ga ba ikété ngandak matén,

ba ga ba ikété ngandak biloñ,

kiki mbondo njéé ipôla binuga bi bikai,

yak ni kiki man mbondo njéé* ikété bémba i mintômba,

a nsooma, a gwel ntômba, a was wo bikét bikét;

mut a ta bé inyu tohol nwo.

 9 Woo woñ u ga kahap i ngii bôt ba nkolba we,

yak baoo boñ bobasôna ba ga tjiba.”

10 “I yokel nu,” hala nyen Yéhôva a mpot,

“m’a nol bihosi gwoñ, me tjé ki bikak gwoñ.

11 M’a tjé bitison bi nkoñ woñ,

me bôk ki masolbene moñ momasôna.

12 M’a mélés liemb u nke,*

mut makañ nye ki nye a ga yégle bé i weeni.+

13 Me ga tjé mintjok nwoñ mi biôñgba ni mél moñ ma yé i weeni,

w’a ôôp ha bé i bisu bi gwom u bi bañ.+

14 M’a nup mbiñ ipubhaga*+ i i yé i weeni,

me tjé ki bitison gwoñ.

15 Ikété liyot ni hiun, m’a kogse

biloñ bi bi nôgôl bé me.”

Telep i minkaa i bisu bi dikôa dikeñi,

pot inyu boñ le bon ba dikôa ba nok kiñ yoñ.+

 2 A dikôa, emblana hop Yéhôva a gwé,

a bé dikuu di hisi di di mpiñgla bé,+

inyule Yéhôva a gwé hop ni litén jé;

nye ni Israel bon ba yé i minkaa:+

 4 Inyule me bi nyodna we i loñ Égiptô,+

me kobol we i ndap minkol;+

me bi om Môsi, Arôn ni Miriam+ i bisu gwoñ.

 5 A litén jem, soho bigda mahoñol ma Balak, kiñe Môab,+

ni i jam Balam, man Béor, a bi timbhe nye,+

i mam ma bi tagbe ipôla Sitim+ ni Gilgal,+

le ndi u yi maboñok ma telepsép ma Yéhôva.”

Baa m’a telep nye i bisu ni bisesema bi ntul i hié,

lôñni bon ba nyaga ba nwii wada?+

 7 Baa Yéhôva a’ kon maséé ni dikôô di balôm ba mintômba,

tole ni ngandak môô?+

Baa m’a ti mbôkgwéé wem inyu liboñok jem libe,

tole man wem inyu béba yem?+

Ndik le u boñ mam ma téé sép,*+ u unda ki loñgeñem,*+

u kiha ki ni Nyambe woñ+ lôñni ñem nsôhga!+

 9 Kiñ Yéhôva i nôga i tison;

i bôt ba gwé bañga pék ba ga kon jôl jé woñi.

10 Baa nkus béba mut i bi kôhna ni manjel mabe, u ngi yii i ndap yé,

yak hihéga hi éfa* hi hi yôni bé, hion hi yé jam li nsuñgaha ñem?

11 Baa me nla ba nginsohi* ibale me nhéñha kilô inyu lôk bôt,

tole ni bot i i yé nyonok ni matam ma kilô ma malôga?+

12 Mingwañ nwé mi bôt mi ngwés bisañ* ngandak,

yak bôt ba ba nyééne i nyeni ba mpot bitembee;+

manyo map ma mpot ndigi bitembee.+

13 “Me ga bép we, me babaa we,+

me ntjé ki we inyu bibéba gwoñ.

14 U ga je, ndi w’a nuu bé;

libum li ga ba we hôlô.+

Gwom u nyoñ, w’a kena bé gwo,

gwom u nkena, b’a kadal we gwo ni pansoñ.

W’a tjo matam ma ôlivé, ndi w’a gwélél bé i môô ma;

w’a tjo ki matam ma nkôô wai, ndi w’a nyo bé wai.+

16 Inyule ni noñ biniigana bi Ômri ni maboñok momasôna ma ndap Ahab,+

ni nôgôl ki maéba map.

Inyu hala nyen m’a yilha we yom bilim,

yak bôt ba nyééne i nyeni, yom diyana;*+

jon matén ma ga ndegle bé.”+

7 Ngoo ni me! Me yé kiki mut le,

i mbus libumbul li matam ma ngéda sép,

yak i ngéda ba mal bada matam ma nkôô wai i mbus libumbul,

a nléba bé liyuu li matam ma nkôô wai inyu je,

to litam li faigé li li nkon nye ngôñ.

 2 Mut maliga a ta ha bé* hana ’isi;

mut to wada a téé bé sép.+

 3 Moo map ma gwé makeñge i boñ béba;+

ñane a mbat makébla,

nkéés a mbat nsaa,+

bañga mut i nyéñ mam ma nkon nye ngôñ,+

ba gwé mahoñol mada.*

 4 Nu a nlôôha ba loñge ikété yap a yé kiki biloo,

nu a nlôôha ba telepsép a yé béba iloo lipénd li biloo.

 5 U hémle bañ mut woñ libôk,

to liwanda joñ li ñem nyuu, u bôdôl bañ jo ñem.+

 6 Inyule man munlôm a nyan isañ,

man muda a nkolba nyañ,+

yak nkiya a nkolba nyôgôl wé;+

baoo ba mut ba yé bôt ba ndap yé.+

To me nkwo, me ga telep;

to ibale me nyééne i jiibe, Yéhôva a ga ba mapubi mem.

 9 M’a hônba hiun hi Yéhôva

inyule me bi boñ nye béba,+

letee a kéés hop wem, a pémhene ki me mbagi sép.

A ga yoñ me, a kena me i mapubi;

m’a tehe ki telepsép yé.

10 Yak ñoo wem a ga tehe hala,

a wo ki nyuu, nyen a bé bat me le:

11 Hala a ga ba hilo inyu oñ mabap moñ ma ngok;

i hilo hi, ba ga kéñbaha minwaa nwoñ mi nkoñ.*

12 I hilo hi, ba ga lo i weeni,

ba lôlak i Asiria ni i bitison bi Égiptô,

ibôdôl i Égiptô ikepam i Lom;*

ibôdôl nunu tuye ikepam nuu tuye numpe, ibôdôl hini hikôa ikepam hii hikôa hipe.+

13 Loñ y’a tjiba inyu béba i bôt ba ba nyééne mu,

inyu mam ba bi boñ.*

14 Éga litén joñ ni ntoñgo woñ, bémba i ngababum yoñ,+

i i bé niñ yotama ikété lipan, i ñemkété bikai.

15 “Kiki i ngéda u bi nyodi i loñ Égiptô,

m’a unda we bihélha bi mam.+

Bi ga yip manyo;

yak maôô map ma ga kwo ndok.

17 Bi ga je biték kiki nyoo;+

kiki binuga bi bi ñôdba ’isi, bi ga nyodi ikété masolbene map, bi sehlaga.

Bi ga lo yak Yéhôva Nyambe wés, bi konok woñi,

bi ga kon we woñi.+

18 Njee a yé Nyambe kiki we,

nu a nwéhél béba ni liboñok libe+ li bôt ba nyégle ikété ngababum yé?+

A’ tééda bé hiun hié mba ni mba,

inyule loñgeñem* yon i nkônha nye maséé.+

20 W’a téñbe ikété maada moñ ni Yakôb,

w’a unda ki Abraham loñgeñem,*

kiki u bi kumul basôgôlsôgôl bés soñ i ngéda kôba.+