YÔEL
1 Lana nyen Yéhôva a bi pôdôs Yôel,* man Pétuel, a kal nye le:
2 “A bé mimañ mi bôt, ni emble i jam lini,
yak bé bobasôna ba ni nyééne mu loñ,* ni sédi maôô.
Baa i nya jam ini i ma bôña mu dilo dinan,
tole mu dilo di basôgôlsôgôl banan?+
3 Añlana jo bon banan,
bon banan ki ba añle jo bon bap,
yak bon bap ba añle jo hiai hi noñ.
4 I yom bakôlô ba bi yék, bitandi bi bi je yo;+
i yom bitandi bi bi yék, biomb bi bi je yo;
i yom biomb bi bi yék, sômbôô i bi je yo.+
5 A bé bôt ba lihiua, ni tôde, ni ee ki!+
A bé banyo wai bobasôna, ni bégél,
inyule ba nhéya loñge wai mu manyo manan.+
6 Inyule ntôñ u bôt u bi jôs loñ yem, mimpémba mi bôt mi ba nla bé soñgol.+
Masoñ map ma yé masoñ ma mbondo njéé,+ yak mañg nwap mi bak mañg mi mbondo njéé.
7 Ba bi ôbôs wom wem u minkôô mi wai, ba boñ le e yem faigé i yégle ndik kumul,
ba bi héya mbabi yap yosôna, ba leñ yo ipañ,
to yom i bi yégle bé mu mintjep nwap.
9 Likébla li bijek+ ni likébla li wai+ bi mal i ndap Yéhôva;
biprisi, bagwelnson ba Yéhôva, ba yé i maéya.
11 Basalnwom ba yé nhelek, basalnwom mi minkôô mi wai ba mbégél,
inyu blé ni kôn;*
inyule mabumbul ma nwom ma mal ôbi.
12 Wom u minkôô mi wai u mal kôt,
e faigé i nkudi.
A bé bagwelnson ba Nyambe wem, ni jôp, ni haba minsugut u wonsôna;
inyule mut nye ki nye a nlona ha bé likébla li bijek,+ to likébla li wai+ i ndap Nyambe nan.
14 Ni kal bôt le ba sôga je;* ni naña likoda li tôbôtôbô.+
Ni kot mimañ mi litén ni bôt ba loñ bobasôna,
i ndap Yéhôva Nyambe nan,+ ni sébél ki Yéhôva i mahôla.
15 Kinje ndutu i kel ini i ga lona!
Inyule hilo hi Yéhôva hi yé bebee,+
hi ga lo kiki tjiba i i nlôl yak Nu ngui yosôna!
16 Baa ba bi héya bé bijek i bisu gwés, di tehge,
yak maséé ni mahak i ndap Nyambe wés?
17 Mbôô* i bi ôbi isi bisoble gwap.
Mandugi ma bijek ma yé hôlô.
Bisañga bi mal bugi, inyule kôn i ñôbi.
18 Yak bilém bi ñumnde!
Mauñ ma nyaga ma nyôm, inyule ma gwé ha bé bahoma ba njél bikai!
Yak bibémba bi mintômba bi nok ndutu.
19 Éé a Yéhôva, we nyen m’a lôndôl;+
inyule hié hi mal ligis bitegep bi bahoma ba bikai bi ñoñ,
yak lindômbôô li hié li mal ligis bie gwobisôna bi bikai.
20 Ngo yak binuga bi bikai bi nun ndik we,
inyule diléléba di nsa
yak hié hi mal ligis bitegep bi bahoma ba bikai bi ñoñ.”
2 “Ni hem hioñ i Siôn!+
Ni leñ nlondok u gwét mu hikôa hiem hipubhaga.
2 Hi yé hilo hi jiibe ni hi jiibe likeñi,+
hilo hi ond ni hi ond mbibi,+
hi yé kiki mapubi ma maye ma kel ma ma mbai i ngii dikôa.
Hala nyen litén jada li yé: li gwé ngandak bôt, li ban-ga ki ngui;+
litén to jada li maa bé ba kiki jo,
litén to jada li ga ba bé to kiki jo
mu tjai tjodisôna di ga yik lo.
3 Hié hi hi nligis hi mbôk bôt ba litén i bisu,
yak lindômbôô li hié li li nsiiha li noñ bo i mbus.+
I bisu gwap, nkoñ u yé kiki wom Éden,+
ndi i mbus yap, u yé ñoñ ni homa ba ntjé,
yom yo ki yo i nla bé pei.
4 Maôñg map ma yé kiki maôñg ma bihosi,
ba nke ngwéé kiki bihosi bi gwét.+
5 Liyôgbe ba mboñ i ngéda ba mpind mu ngii dikôa li yé kiki liyôgbe li bikak bi gwét,+
kiki hié hikeñi hi nkas i ngéda hi ligis minumuk mi bikai.
Ba yé wengoñle mpémba litén u u yé ntjegek kiki mintôñ mi gwét.+
6 Ba ga kônha matén woñi.
Woñi u ga nene i masu momasôna.
7 Ba nleñ gwét kiki bajogwét,
ba mpind libap kiki bisônda,
hiki wada a nke ndik i bisu gwé,
ba nyoñ bé njel ipe.
8 Ba nkumlana bé;
hiki mut a noñ njel yé.
Ibale bijôl bi gwét* bi nkwés bahogi,
bana bape ba nyodi bé mu minlôñ nwap.
9 Ba mpala jôp ikété tison, ba nke ngwéé i ngii mabap.
Ba mbet i ngii mandap, ba njubul i biwinda kiki mut wip.
10 Loñ i nsehla i bisu gwap, yak ngii i nyeñg.
Hiañgaa ni sôñ bi nkôp jiibe,+
to tjôdôt di mbai ha bé.
11 Yéhôva a ga bam i bisu bi ntôñ wé gwét,+ inyule mintôñ nwé mi yé ngandak kiyaga.+
Nu a nyônôs bañga yé a yé mpémba;
ñ, hilo hi Yéhôva hi yé hikeñi, hi nkônha ki woñi.+
Njee a nla hônba hio?”+
12 Yéhôva a nkal le: “Ndi to nano yaga, ni témb i meeni ni miñem minan nwominsôna,+
inyule a yé konangoo, a ban-ga ñem ngôô,* a mpala bé to unup,+ a ntéñbe ki i unda ngandak gwéha,+
a ga héñha mahoñol,* a lona ha bé ndutu.
14 Njee a nyi? Bebek le a ga témb mu makidik mé, a héñha mahoñol*+
a yigle ki bé bisai,
kayéle ni ti Yéhôva Nyambe nan likébla li bijek ni likébla li wai.
15 Ni hem hioñ i Siôn!
Ni kal bôt le ba sôga je;* ni naña likoda li tôbôtôbô.+
16 Ni kot bôt ba litén; ni yilha likoda lipubhaga.+
Ni kot mimañ mi bôt;* ni kot boñge lôñni minkéñéé mi bon.+
I munlôm a ntip biiba a pam mu tuñ yé kété, yak muda nu a ntip biiba a pam mu tuñ i bôt ba ntip biiba.
17 Biprisi, bagwelnson ba Yéhôva, ba ee
ipôla libebe ni juu li bisesema,+ ba kalak le:
‘Éé a Yéhôva, kon litén joñ ngoo;
u nwas bañ le ba yan bum yoñ,
kayéle biloñ bipe bi ane yo.
Inyuki bôt ba matén ba kôli kal le: “Nyambe wap a yé hee?”’+
18 Ha nyen Yéhôva a ga sôñ litén jé ni makénd
a kon ki litén jé ngoo.+
19 Yéhôva a ga timbhe litén jé le:
‘Me nunu me yé i ômle bé kôn ni wai yondo lôñni môô,
ni ga nuu yaga;+
m’a nwas ha bé le biloñ bipe bi yan bé.+
20 M’a boñ le nu a nlôl i pes ñombok a kee bé haa;
m’a boñ le a kee i ñoñ, homa nu a gwé bé malép to bôt,
m’a buñga* babôgna* ntôñ wé le ba kee nyoo i pes likôl i tuye*
me luhul yak bôt ba nsôk ba ntôñ wé le ba kee nyoo i pes hiôñg i tuye.*
21 Éé a loñ, u kon bañ woñi.
Ba maséé, u hagak, inyule Yéhôva a ga boñ mam makeñi.
22 A bé binuga bi bikai, ni kon bañ woñi,
inyule bitegep bi bahoma ba bikai bi ñoñ bi ga too,+
yak bie bi ga num matam;+
e faigé ni nkôô wai bi ga num ngandak kiyaga.+
23 A bé bon ba Siôn, ni kon maséé, ni hagak inyu jam Yéhôva a’ boñ!+
Inyule a’ ti bé banop ba bisu* i nya i kôli,
a’ éble ki bé banop bakeñi,*
banop ba bisu ni banop ba nsôk kiki ngéda bisu.+
25 M’a saa i gwom ni bi nimis mu nwii mi nwominsôna
i gwom bitandi, biomb, sômbôô ni bakôlô bi bi je,
ñ, ntôñ wem gwét nkeñi u me bi om inyu kolba bé.+
26 Ni ga je, ñ, ni ga nuu,+
ha nyen ni ga bégés jôl li Yéhôva Nyambe nan,+
nu a bi bôñôl bé bihélha bi mam;
litén jem li ga wo ha bé nyuu kekikel.+
27 Ha nyen ni ga yi toi le me yé i ñemkété Israel+
ni le men me yé Yéhôva Nyambe nan,+ numpe a ta yaga bé!
Litén jem li ga wo ha bé nyuu kekikel.
28 I mbus hala nyen m’a kôp mintén mi bôt nwominsôna* mbuu mpubi wem,+
ha nyen bon bôlôm banan ni bon bôda banan ba ga pot mbañ,
mimañ mi bôt minan mi ga emel bieem,
yak boñge banan ba wanda b’a tehe biyiinda.+
29 Mu dilo di, m’a kôp ki mbuu wem
i ngii minkol nwem mi bôlôm ni mi bôda.
31 Hiañgaa hi ga kôp jiibe, yak sôñ i yila matjél+
ilole hilo hikeñi hi Yéhôva, hi hi nkônha woñi, hi nlo.+
32 Hiki mut a nlôndôl jôl li Yéhôva a’ kôhna tohi;+
inyule kiki Yéhôva a mal pot, i bôt ba nso ba ga ba mu Hikôa Siôn ni i Yérusalem,+
Yéhôva nyen a nsébél i bôt ba mpei.”
3 “Inyule nuna-ki! Mu dilo di, ni ha ngéda i,
i ngéda m’a témbna bôt ba Yuda ni ba Yérusalem ba ba bi ke i minkôm,+
2 m’a kot biloñ gwobisôna
Nyoo nyen m’a kéés gwo+
inyu mam ba mboñ litén jem ni bum yem le Israel,
inyule ba bi tjam bo ikété biloñ,
ba kabna ki loñ yem.+
3 Ba bi leñ mbam inyu kabna litén jem;+
ba nuñul mañge munlôm inyu saa muda libambe
ba nuñlak ki ngond muda inyu nyo wai.
4 Yak bé, a Tir ni Sidôn lôñni mambok ma Filistia momasôna,
ni mbédél kii me?
Baa ni yé i pun bébomede inyu ngim jam me bi boñ bé?
5 Inyule ni bi yoñ silba yem ni gôl yem,+
ni jôbna ki tik yem gwom mukété bitémpel binan;
6 ni bi nuñul bôt ba Yuda ni ba Yérusalem i moo ma bôt ba Grikia,+
inyu kena bo haa ni nkoñ wap;
7 Inyu hala nyen me ga témbna bo, ba nyodi i homa ni bi nuñle bo,+
m’a boñ le mapuna manan ma timbil bé.*
8 M’a nuñul bon bôlôm banan ni bon bôda banan i moo ma bôt ba Yuda,+
yak bôt ba Yuda b’a nuñul bo i moo ma bôt ba Séba, loñ i i yé yaga haa;
inyule me Yéhôva, me mal pot hala.
9 Añlana i jam lini ikété biloñ:+
‘Kôôbana gwét!* Tina mimpémba mi bôt makénd!
Bisônda gwobisôna bi tiige bebee! Bi jôp i njel!+
10 Ni yilha disoo dinan paminsoñ,* ni yilha ki mangwende manan makoñ.
I mut a mbomb a kal le: “Me gwé ngui.”
11 A bé biloñ gwobisôna bi bi yé ha ipañ, ni lona mahôla manan, ni kodba!’”+
Éé a Yéhôva, sôhna mimpémba nwoñ mi bôt* ha homa nu.
12 “Biloñ bipe bi tôde, bi kee ki nyoo i nsôsôgô* u Yéhôsafat;
inyule nyoo nyen m’a yén ’isi inyu kéés biloñ gwobisôna bi bi yé ha ipañ.+
13 Ni gwélél nhôdôk kwade, inyule bijek bi nhôlôl.
Ni sôs inyu tjo matam ma minkôô mi wai, inyule waa* u nyon.+
Bihél bi nyon, bi sôbak, inyule béba yap i nlôôha.
15 Hiañgaa ni sôñ bi ga kôp jiibe,
to tjôdôt di ga bai ha bé.
16 Yéhôva a ga kônd i Siôn,
kiñ yé i ga nôga i Yérusalem.
Ngii ni ’isi bi ga nyeñg;
ndi Yéhôva a ga ba lisolbene inyu litén jé,+
a ga ba ki nkum ndap inyu litén li Israel.
17 Ha nyen ni ga yi le men me yé Yéhôva Nyambe nan, nu a yiine i Siôn, hikôa hiem hipubhaga.+
18 I yokel nu nyen loñge wai i ga kuli i dikôa,+
milik mi ga kuli i homa a nyôgi,
malép ma kulak i diléléba di Yuda tjodisôna,
lingen li malép li ga pémél i ndap Yéhôva.+
Li ga yôôs nsôsôgô* u Bie bi Akasia.
19 Ndi Égiptô a ga yégle hôlô,+
yak Édôm a ga yila ñoñ ni homa ba ntjé,+
inyule ba nlôôha tét litén li Yuda,+
ni le ba bi kôp matjél ma bôt ba nginsohi mu loñ yé.+
20 Ndi bôt ba ga yén i Yuda i boga ni boga,
ba ga yén yak i Yérusalem mu tjai tjap tjodisôna.+
21 M’a tehe bo* kiki bôt ba nginsohi, to hala kiki me bé tehe bé bo kiki bôt ba nginsohi;+
Yéhôva a ga yééne i Siôn.”+
Hala a nkobla le “Yéhôva a yé Nyambe.”
Tole “hisi.”
Tole “konji.”
Tole “nlôm.”
Unu ntén kôn won ba nsébél ni hop Pulasi le orge.
Ni hop Lôk Héber, “ni téñba.”
Tole “ni bép tôl.”
Ni hop Lôk Héber, “Ni yilha sôga je pubhaga.”
I nla ki ba, “Minumuk mi matam ma faigé.”
Tole “hisi.”
Tole “makoñ.”
Tole “ni kôôba yén njal.”
Tole “a tôñôk bape.”
Tole “a ntam.”
Tole “a tam.”
Ni hop Lôk Héber, “Ni yilha sôga je pubhaga.”
Tole “mimañ mi litén.”
Tole “buñge.”
Tole “su.”
Hala wee, tuye Nwoga.
Hala wee, tuye Méditérané.
Tole “nop makôs.”
Tole “biôôm.”
Tole “bahoma ba ntjo wai tole môô.”
Ni hop Lôk Héber, “minsôn nwominsôna.”
Tole “manyaga.”
Tole “tegep mbok i i yé nyoo isi nsôsôgô.”
Hala a nkobla le “Yéhôva a yé nkéés.”
Ni hop Lôk Héber, “ma timbil bé i miño.”
Ni hop Lôk Héber, “ma timbil bé i miño.”
Ni hop Lôk Héber, “Yilhana gwét pubhaga.”
Ni hop Lôk Héber, “Ni ôô paminsoñ ni disoo dinan.”
Tole “bôt boñ ba gwét.”
Tole “tegep mbok i i yé nyoo isi nsôsôgô.”
Tole “i homa ba ntjo wai tole môô.”
Tole “tegep mbok i i yé nyoo isi nsôsôgô.”
Tole “makidik.”
Tole “tegep mbok i i yé nyoo isi nsôsôgô.”
Tole “makidik.”
Tole “hiléléba hi nsôsôgô.”
Tole “M’a tehe pil wap matjél.”