KAAT BISU I MIÑAÑ

5 Bon bôlôm ba Yafet le: Gômer, Magôg, Madai, Yavan, Tubal,+ Mések+ ni Tiras.+

6 Bon bôlôm ba Gômer le: Askénas, Rifat ni Tôgarma.+

7 Bon bôlôm ba Yavan le: Élisa, Tarsis, Kitim ni Rôdanim.

8 Bon bôlôm ba Ham le: Kus,+ Misraim, Put ni Kanaan.+

9 Bon bôlôm ba Kus le: Séba,+ Havila, Sabta, Raama+ ni Sabtéka.

Bon bôlôm ba Raama le: Séba ni Dédan.+

10 Kus a bi gwal Nimrôd.+ Nimrôd nyen a bi bôk a ba mpémba mut hana ’isi.

11 Misraim a bi gwal Ludim,+ Anamim, Léhabim, Naftuhim,+ 12 Patrusim,+ Kaluhim (nyen a bi bot Lôk Filistia),+ ni Kaftôrim.+

13 Kanaan a bi gwal Sidôn,+ Sidôn a bé mbôkgwéé wé, ni Hét,+ 14 nyen a bi bot yak Lôk Yébus,+ Lôk Amôr,+ Lôk Girgas,+ 15 Lôk Hivi,+ Lôk Ark, Lôk Sin, 16 Lôk Arvad,+ Lôk Zémar ni Lôk Hamat.

18 Arpaksad a bi gwal Séla,+ Séla a gwal Éber.

19 Éber a bééna bon bôlôm iba. Wada a bééna jôl le Péleg,*+ inyule ha ngéda yé nyen i bôt ba bé hana ’isi ba bi bagla.* Jôl li manyañ li bé le Yôktan.

20 Yôktan a bi gwal Almôdad, Sélef, Hazarmavet, Yéra,+ 21 Hadôram, Uzal, Dikla, 22 Ôbal, Abimael, Séba, 23 Ôfir,+ Havila+ ni Yôbab; bobasôna ba bé bon ba Yôktan.

28 Bon bôlôm ba Abraham le: Isak+ ni Ismael.+

29 Mbôda Ismael ini, inoñnaga ni mahaa map: Nébaiôt+ mbôkgwéé wé; i mbus, Kédar,+ Adbéel, Mibsam,+ 30 Misma, Duma, Masa, Hadad, Téma, 31 Yétur, Nafis ni Kédéma. Bon ba Ismael ba.

32 I bon bana bon Kétura,+ linyaa li Abraham, a bi gwal: Simram, Yôksan, Médan, Madian,+ Isbak ni Sua.+

Bon bôlôm ba Yôksan le: Séba ni Dédan.+

33 Bon bôlôm ba Madian le: Éfa,+ Éfer, Hanok, Abida ni Elda.

Bobasôna ba bé bon bôlôm ba Kétura.

34 Abraham a bi gwal Isak.+ Bon bôlôm ba Isak le Ésau+ ni Israel.+

35 Bon bôlôm ba Ésau le: Élifas, Réuel, Yéus, Yalam ni Kôra.+

36 Bon bôlôm ba Élifas le: Téman,+ Ômar, Zéfô, Gatam, Kénas, Timna ni Amalek.+

37 Bon bôlôm ba Réuel le: Nahat, Zéra, Sama ni Misa.+

38 Bon bôlôm ba Séir+ le: Lôtan, Sôbal, Zibéôn, Anah, Disôn, Ézer ni Disan.+

39 Bon bôlôm ba Lôtan le: Hôri ni Hômam. Manyañ Lôtan nu muda a bé le Timna.+

40 Bon bôlôm ba Sôbal le: Alvan, Manahat, Ébal, Séfô ni Ônam.

Bon bôlôm ba Zibéôn le Aya ni Anah.+

41 Man munlôm* nu Anah le Disôn.

Bon bôlôm ba Disôn le Hemdan, Esban, Itran ni Kéran.+

42 Bon bôlôm ba Ézer+ le: Bilhan, Zaavan ni Akan.

Bon bôlôm ba Disan le Us ni Aran.+

43 I bikiñe bini gwon bi bi ane loñ Édôm+ ilole kiñe yo ki yo i ñane Lôk Israel:*+ Béla man Béor; jôl li tison yé li bé le Dinhaba. 44 I ngéda Béla a bi wo, Yôbab man Zéra, mut Bôzra,+ a bôdôl ane. 45 I ngéda Yôbab a bi wo, Husam, mut loñ i Lôk Téman, a bôdôl ane. 46 I ngéda Husam a bi wo, Hadad man Bédad, nu a bi yémbél Lôk Madian gwét i nkoñ* u Môab, a bôdôl ane, jôl li tison yé le Avit. 47 I ngéda Hadad a bi wo, Samla, mut Masréka, a bôdôl ane. 48 I ngéda Samla a bi wo, Saul, mut Réhôbôt nu a yé ipañ Lom, a bôdôl ane. 49 I ngéda Saul a bi wo, Baal-Hanan man Akbor, a bôdôl ane. 50 I ngéda Baal-Hanan a bi wo, Hadad a bôdôl ane. Jôl li tison yé le Pau, jôl li nwaa li bé le Méhétabel, ngond Matred, ngond Mézahab. 51 I mbus, Hadad a wo.

Baane ba Édôm bana le: ñane le Timna, ñane le Alva, ñane le Yétet,+ 52 ñane le Ôhôlibama, ñane le Éla, ñane le Pinôn, 53 ñane le Kénas, ñane le Téman, ñane le Mibzar, 54 ñane le Magdiél ni ñane le Iram. Baane ba Édôm ba.

2 Bon bôlôm ba Israel+ le: Ruben,+ Siméôn,+ Lévi,+ Yuda,+ Isakar,+ Zébulôn,+ 2 Dan,+ Yôsep,+ Benyamin,+ Naftali,+ Gad+ ni Aser.+

3 Bon bôlôm ba Yuda le: Er, Ônan ni Séla. Bo baa bon ngond Sua, ngond Lôk Kanaan+ i bi gwélél nye. Ndi Er mbôkgwéé nu Yuda a bé lémél bé Yéhôva, jon a bi nol+ nye. 4 Nkiya Yuda le Tamar,+ a bi gwélél nye Péres+ ni Zéra. Yuda a bi bana bon bôlôm batan.

5 Bon bôlôm ba Péres le: Hezrôn ni Hamul.+

6 Bon bôlôm ba Zéra le: Zimri, Étan, Héman, Kalkol ni Dara. Ba bé bo batan.

7 Man munlôm* nu Karmi le Akar* nu a bi lona bikuu* i Israel,+ nyen a bi bôk mbén i i mbéñge i yom i nlama tjiba.+

8 Man munlôm* nu Étan le Azaria.

9 Bon bôlôm Hezrôn a bi bana, ba bé le: Yéraméel,+ Ram+ ni Kelubai.*

10 Ram a bi gwal Aminadab.+ Aminadab a bi gwal Naasôn,+ nyen a yé ñane i mbôda Yuda. 11 Naasôn a bi gwal Salma.+ Salma a bi gwal Bôas.+ 12 Bôas a bi gwal Ôbed. Ôbed a bi gwal Yésé.+ 13 Yésé a bi bana man le Éliab, nyen a bé mbôkgwéé; nu yônôs iba le Abinadab,+ nu yônôs aa+ le Siméa, 14 nu yônôs ina le Nétanel, nu yônôs itan le Radai, 15 nu yônôs isamal le Ôzem, nu yônôs isaambok le David.+ 16 Lôknyañ yap i bôda i bé le Séruya ni Abigail.+ Séruya a gwal bon bôlôm baa le Abisai,+ Yôab+ ni Asahel.+ 17 Abigail a bi gwal Amasa,+ isañ Amasa le Yéter, man Lôk Ismael.

18 Kaleb,* man Hezrôn, a bi bana bon bôlôm ni nwaa wé Azuba, yak ni Yériôt; bon bôlôm ba muda nu le: Yéser, Sôbab ni Ardon. 19 I ngéda Azuba a bi wo, Kaleb a bii Éfrat,+ a gwélél nye Hur.+ 20 Hur a bi gwal Uri. Uri a bi gwal Bézalél.+

21 I mbus ngéda, Hezrôn a bi lalna ngond Makir,+ isañ Giléad.+ Hezrôn a bii nye i ngéda a bééna 60 ma nwii, muda nu a gwélél nye Ségub. 22 Ségub a bi gwal Yair,+ nu a bééna 23 bitison i nkoñ u Giléad.+ 23 I mbus ngéda, bôt ba Gésur+ ni bôt ba Siria+ ba kadal bo Havôt-Yair,+ yak ni Kénat+ lôñni minkoñ nwé,* hala a yé 60 ma bitison. I bôt bana bobasôna ba yé mbôda Makir isañ Giléad.

24 I mbus nyemb Hezrôn+ i Kaleb-Éfrata, nwaa Hezrôn le Abiya a bi gwélél nye Ashur+ nu a yé isañ Tékôa.+

25 Bon bôlôm ba Yéraméel, mbôkgwéé nu Hezrôn bana: mbôkgwéé le Ram; i mbus, Buna, Ôren, Ôzem ni Ahiya. 26 Yéraméel a bééna nwaa numpe, jôl jé li bé le Atara. Nyen a bi gwal Ônam. 27 Bon bôlôm ba Ram, mbôkgwéé nu Yéraméel le: Maas, Yamin ni Éker. 28 Bon bôlôm ba Ônam le Samai ni Yada. Bon bôlôm ba Samai le Nadab ni Abisur. 29 Jôl li nwaa Abisur le Abihail, nyen a bi gwélél nye Aban ni Môlid. 30 Bon bôlôm ba Nadab le Séled ni Apaim. Ndi Séled a bi wo ngi man munlôm. 31 Man munlôm* nu Apaim le Isi. Man munlôm* nu Isi le Sésan. Man munlôm* nu Sésan le Alai. 32 Bon bôlôm ba Yada, manyañ Samai, le Yéter ni Yônatan. Ndi Yéter a bi wo ngi man munlôm. 33 Bon bôlôm ba Yônatan le Pélet ni Zaza. Mbôda Yéraméel i.

34 Sésan a bi bana bé bon bôlôm, ndik bon bôda. Sésan a bééna ngwélél wada nu a bé man Égiptô, jôl jé li bé le Yarha. 35 Sésan a bi ti ngond yé i libii yak ngwélél wé le Yarha; i ngond i i gwélél nye Atai. 36 Atai a bi gwal Natan, Natan a bi gwal Zabad. 37 Zabad a bi gwal Éflal. Éflal a bi gwal Ôbed. 38 Ôbed a bi gwal Yéhu. Yéhu a bi gwal Azaria. 39 Azaria a bi gwal Héles. Héles a bi gwal Éléasa. 40 Éléasa a bi gwal Sismai. Sismai a bi gwal Salum. 41 Salum a bi gwal Yékamia. Yékamia a bi gwal Élisama.

42 Bon bôlôm ba Kaleb,*+ manyañ Yéraméel, le Mésa mbôkgwéé wé nu a bé isañ Zif; ni bon bôlôm ba Marésa, nu a yé isañ Hébrôn. 43 Bon bôlôm ba Hébrôn le Kôra, Tapua, Rékem ni Séma. 44 Séma a bi gwal Raham. Raham a bi gwal Yorkéam. Rékem a bi gwal Samai. 45 Man munlôm nu Samai le Maon. Maon a bi gwal Bét-Zur.+ 46 Linyaa li Kaleb le Éfa li bi gwal Haran, Môza ni Gazez. Haran a bi gwal Gazez. 47 Bon bôlôm ba Yadai le Régem, Yôtam, Gésan, Pélet, Éfa ni Saaf. 48 Linyaa li Kaleb le Maaka li bi gwal Séber ni Tirhana. 49 I mbus ngéda, li bi gwal ki Saaf isañ Madmana+ ni Séva isañ Makbéna bo Gibéa.+ Ngond Kaleb+ i bé le Aksa.+ 50 Mbôda Kaleb i.

Bon bôlôm ba Hur,+ mbôkgwéé nu Éfrata+ le Sôbal, isañ Kiriat-Yéarim, 51 Salma isañ Bétléhém,+ ni Haref isañ Bét-Gader. 52 Sôbal isañ Kiriat-Yéarim a bi bana bon bôlôm: Harôé ni pes i Ménuhôt yada. 53 Mahaa ma Kiriat-Yéarim le Lôk Yéter,+ Lôk Put, Lôk Sumat ni Lôk Misra. Mu mahaa ma nyen Lôk Zôrat ni Lôk Éstaôl ba bi lôl. 54 Bon bôlôm ba Salma le Bétléhém,+ ni bôt ba Nétôfa, ni Atrôt-Bét-Yôab, ni pes i Manahat yada, ni Lôk Zôr. 55 Mahaa ma bôt ba matila ma ma bé yééne i Yabes le: Lôk Tirat, Lôk Siméat ni Lôk Sukat. I bôt ba Lôk Ken+ ba bon ba yé mbôda Hamat, isañ Lôk Rékab.+

3 Bon bôlôm ba David ba ba bi gwéé i Hébrôn+ bana le: mbôkgwéé wé le Amnôn,+ nyañ le Ahinôam+ nu a bé lôl i Yézréel; nu yônôs iba le Daniel, nyañ le Abigail+ nu a bé lôl i Karmel; 2 nu yônôs aa le Absalôm,+ nyañ le Maaka, ngond Talmai, kiñe Gésur; nu yônôs ina le Adôniya,+ nyañ le Hagit; 3 nu yônôs itan le Séfatia, nyañ le Abital; nu yônôs isamal le Itréam, nyañ le Égla, nwaa David numpe. 4 I bon bôlôm 7 ba David bana bon ba bi gwéé i Hébrôn; a bi ane nyoo nwii 7 ni sôñ 6, a ane i Yérusalem+ 33 nwii.

5 Bon bôlôm ba David ba ba bi gwéé i Yérusalem+ bana le: Siméa, Sôbab, Natan+ ni Salômô;+ bo ba-na, nyañ wap a bé le Batséba,+ ngond Amiel. 6 A bééna ki bon bôlôm bôô le: Ibhar, Élisama, Élifélet, 7 Nôga, Néfeg, Yafia, 8 Élisama, Éliada ni Élifélet. 9 Bobasôna ba bé bon bôlôm ba David, ibabé i soñgol bon bôlôm ba manyaa mé, manyañ wap nu muda a bé le Tamar.+

10 Man Salômô le Réhôbôam;+ man Réhôbôam le Abiya;+ man Abiya le Asa,+ man Asa le Yéhôsafat,+ 11 man Yéhôsafat le Yéhôram,+ man Yéhôram le Ahazia,+ man Ahazia le Yôas,+ 12 man Yôas le Amazia,+ man Amazia le Azaria,+ man Azaria le Yôtam,+ 13 man Yôtam le Ahas,+ man Ahas le Hézékia,+ man Hézékia le Manasé,+ 14 man Manasé le Amôn,+ man Amôn le Yôsia.+ 15 Bon bôlôm ba Yôsia bana le: mbôkgwéé le Yôhanan, nu yônôs iba le Yéhôyakim,+ nu yônôs aa le Sédékia,+ nu yônôs ina le Salum. 16 Man* Yéhôyakim le Yékônia,+ man Yékônia le Sédékia. 17 Bon bôlôm ba Yékônia nu a bé i mok le: Séaltiel, 18 Malkiram, Pédaya, Sénazar, Yékamia, Hôsama ni Nédabia. 19 Bon bôlôm ba Pédaya le Sôrôbabel+ ni Siméi; bon bôlôm ba Sôrôbabel le Mésulam ni Hanania (manyañ wap nu muda le Sélômit); 20 bon bé bôlôm batan bape bana le: Hasuba, Ôhel, Bérékia, Hasadia ni Yusab-Esed. 21 Bon bôlôm ba Hanania le Pélatia ni Yésaya; man* Yésaya le Réfaya; man* Réfaya le Arnan; man* Arnan le Ôbadia; man* Ôbadia le Sékania; 22 bon bôlôm ba Sékania le Sémaya, bon bôlôm ba Sémaya bana le: Hatus, Igal, Baria, Néaria ni Safat, ba bé bo basamal. 23 Bon bôlôm ba Néaria bana le: Éliôénai, Hizkia ni Azrikam, ba bé bo baa. 24 Bon bôlôm ba Éliôénai le Hôdavia, Éliasib, Pélaya, Akub, Yôhanan, Délaya ni Anani, ba bé bo basaambok.

4 Bon bôlôm ba Yuda le, Péres,+ Hezrôn,+ Karmi,+ Hur+ ni Sôbal. 2 Réaya man Sôbal a bi gwal Yahat; Yahat a bi gwal Ahumai ni Lahad. Mahaa ma Lôk Zôrat+ ma. 3 I mut a bi gwal* Étam,+ bon bé bôlôm le Yézréel, Isma ni Idbas (jôl li manyañ wap nu muda le Hazélelpôni), 4 Pénuel a bi gwal Gédôr, Ézer a bi gwal Husa. Bon bôlôm ba Hur+ ba, mbôkgwéé nu Éfrata, isañ Bétléhém.+ 5 Ashur+ nu a bi gwal Tékôa+ a bééna baa iba: Héla ni Naara. 6 Naara a bi gwélél nye Ahuzam, Héfer, Téméni ni Hahastari. Bon bôlôm ba Naara ba. 7 Bon bôlôm ba Héla le Zéret, Izhar ni Étan. 8 Kos a bi gwal Anub, Zôbéba ni mahaa ma Aharhel, man Harum.

9 Yabes a bééna lipém iloo bilôk bi nyañ; nyañ a o nye jôl le Yabes,* a kal le: “Me bi gwal ikété njôghe.” 10 Yabes a bi soohe Nyambe nu Israel le: “Soho, sayap me, kéñbaha nkoñ wem, woo woñ u ba ni me, sôñ ki me inyu boñ le bikuu bi kwél bañ me!” Nyambe a bi bôñôl nye i jam a bi bat.

11 Kélub a bé manyañ Suha; Kélub a bi gwal Méhir; Méhir a gwal Estôn. 12 Estôn a bi gwal Bétrafa, Paséa ni Téhina nu a bi gwal Ir-Nahas. Bôt ba Réka ba. 13 Bon bôlôm ba Kénas le Ôtniel+ ni Séraya, man* Ôtniel le Hatat. 14 Méônôtai a bi gwal Ôfra. Séraya a bi gwal Yôab nu a bi gwal bôt ba Gé-Harasim,* ba bé sébél bo hala inyule ba bé ôô gwom.

15 Bon bôlôm ba Kaleb+ man Yéfuné le Iru, Éla ni Naam; man* Éla le Kénas. 16 Bon bôlôm ba Yéhalélel le Zif, Zifa, Tiria ni Asarel. 17 Bon bôlôm ba Esra le Yéter, Méred, Éfer ni Yalon; a* bi nembee, a gwal Miriam, Samai ni Isba nu a bi gwal Éstémôa. 18 (Nwaa wé nu a bé ngond Lôk Yuda a bi gwal Yéred isañ Gédôr, Héber isañ Sôkô ni Yékutiel isañ Zanôa.) Bon bôlôm ba Bitia ba, ngond Faraô, i Méred a bi bii.

19 Bon bôlôm ba nwaa Hôdia, manyañ Naham nu muda, bon ba bé basañ ba Kéila mut Gar ni Éstémôa mut Maaka. 20 Bon bôlôm ba Simôn le Amnôn, Rina, Ben-Hanan ni Tilon. Bon bôlôm ba Isi le Zôhet ni Ben-Zôhet.

21 Séla+ man Yuda, bon bé bôlôm le Er nu a bi gwal Léka, Laada nu a bi gwal Marésa, ni mahaa ma ndap Asbéa ma ma bé boñ biloñge bi mabadô, 22 ni Yôkim, ni bôt ba Kôzéba, ni Yôas, ni Saraf nu a bi bii bôda ba Môab, yak ni Yasubi-Léhém. I bikaat bi mahaa bini bi yé minlômbi mi bikaat.* 23 Ba bé mma dibee, ba yéénege i Netaim ni i Gédéra. Ba bé yééne nyoo, ba salak inyu kiñe.

24 Bon bôlôm ba Siméôn+ le Némuel, Yamin, Yarib, Zéra ni Saul.+ 25 Man Saul le Salum, man Salum le Mibsam, man Mibsam le Misma. 26 Bon bôlôm ba Misma le Hamuel, man Hamuel le Zakur, man Zakur le Siméi. 27 Siméi a bi bana 16 bon bôlôm ni bon bôda 6; ndi lôkisañ i bi bana bé ngandak bon bôlôm, mahaa map ma bi bôl bé to kiki mahaa ma bon ba Yuda.+ 28 Ba bé yééne i Béer-Séba,+ Môlada,+ Hazar-Sual,+ 29 Bilha, Ézem,+ Tôlad, 30 Bétuel,+ Hôrma,+ Ziklag,+ 31 Bét-Markabôt, Hazar-Susim,+ Bét-Biri ni Saaraim. Bitison gwap bi, letee ni i ngéda David a bôdôl énél.

32 Ba bé yééne i Étam, Ain, Rimôn, Tôken ni Asan,+ bitison bitan, 33 yak ni mambai ma ma bé kéña bitison bi gwobisôna letee ni Baal. Bikaat bi mahaa map bi, yak ni bahoma ba bé yééne. 34 Mbôda Siméôn ipe i bé le Mésôbab, Yamlek, Yôsa man Amazia, 35 Yôel, Yéhu man Yôsibia, Yôsibia man Séraya, Séraya man Asiel, 36 yak ni Éliôénai, Yaakôba, Yésôhaya, Asaya, Adiel, Yésimiel, Bénaya, 37 Ziza man Sifi, Sifi man Alon, Alon man Yédaya, Yédaya man Simri, Simri man Sémaya; 38 i bôt di ntip sima ba bé baane ikété mahaa map, yak mandap ma bikôkôa ma basôgôlsôgôl bap ma bi bôl ngandak. 39 Ba bi ke i lijubul li Gédôr, i pes likôl i nsôsôgô, inyu yiñil bilém gwap bikai. 40 Ba bi sôk ba léba bahoma i het bikai bi bé ngandak, bi bak bilam; i nkoñ u, u bé nkeñi, u bak nwee, bôt ba niñik nyoo ikété nsañ. I ngéda bisu, Lôk Ham+ yon i bé yééne nyoo. 41 I bôt ba gwé môl map munu kaat lihaa ini ba bi lo mu nkoñ u i ngéda kiñe Yuda le Hézékia+ a bé ane, ba bôk mandap ma mabadô ma Lôk Ham ni ma Lôk Méunim i i bé yééne mu nkoñ u. Ba tjé bo, to wada a ta ha bé niñ letee ni len; ba yén mu nkoñ wap inyule u bééna bahoma ba bikai inyu bilém gwap.

42 Ngim bôt i Lôk Siméôn i bi ke i hikôa Séir,+ ba bé 500 bôt; bon bôlôm ba Isi le Pélatia, Néaria, Réfaya ni Uziel ba bé ane i bôt ba. 43 Ba nol Lôk Amalek+ i i bi solop nyoo, ba yii ki mu nkoñ wap letee ni i len ini.

5 Bon ba Ruben,+ mbôkgwéé nu Israel. Nyen a bé man nu bisu, ndi kiki a bi lalna linyaa li isañ,*+ tel yé i man nu mañ i bi ke yak bon ba Yôsep,+ man Israel, jon ba bi tila bé i kaat lihaa le nyen a yé man nu mañ. 2 Yuda+ a bi bana lipém iloo lôkisañ, i mbôda yé ki nyen ñane+ a bi lôl; ndi tel i man nu mañ i bi ke yak Yôsep. 3 Bon bôlôm ba Ruben, mbôkgwéé nu Israel le Hanok, Palu, Hezrôn ni Karmi.+ 4 Bon bôlôm ba Yôel bana: man wé Sémaya, man wé Gôg, man wé Siméi, 5 man wé Mika, man wé Réaya, man wé Baal, 6 man wé Béera, nu kiñe Asiria le Tilgat-Pilnéser+ a bi kena i minkôm; a bé ñane wada i litén li Ruben. 7 Lôkisañ yé ini ni mahaa map kiki i yé ntilga ikété kaat lihaa: ñane le Yéel, ni Sakaria, 8 ni Béla man Azaz, man Séma, man Yôel, nu a bé yééne i nkoñ u mbôdôl i Arôer+ letee ni i Nébô ni i Baal-Méôn.+ 9 Ba bi ke ba yén i pes likôl bebee ni bibôdle bi ñoñ u lom Ufraté,+ inyule bilém gwap bi bi bôl i loñ Giléad.+ 10 I ngéda Saulô a bé ane, ba bi jôs Lôk Hagar gwét, ba yémbél bo, ba kadal nkoñ wap wonsôna u u yé i pes likôl i Giléad, ba bôdôl yééne i mandap map ma mabadô.

11 Mbôda Gad i bé yééne ipañ yap, i nkoñ u Basan letee ni i Saléka.+ 12 I nkoñ u Basan, Yôel nyen a bé ane, Safam a bé ba nyônôs iba; yak Yanai ni Safat ba bééna bitel nyoo. 13 Ba bé ndap bikôkôa yada lôñni lôkisañ yap ini: Mikael, Mésulam, Séba, Yôrai, Yakan, Zia, ni Éber, bôt basaambok. 14 Bon bôlôm ba Abihail ba, nyemede a bé man Huri, man Yarôa, man Giléad, man Mikael, man Yésisai, man Yadô, man Buz. 15 Ahi man Abdiel, man Guni nyen a bé éga ndap bikôkôa yap. 16 Ba bé yééne i Giléad,+ i Basan,+ ni i minkoñ nwé,* yak ni mu minkoñ nwominsôna mi Saron, letee ni minwaa nwap. 17 I dilo di kiñe Yuda le Yôtam+ ni i dilo di kiñe Israel le Yérôbôam,*+ môl map ma bé ntilga ikété kaat lihaa.

18 Litén li Ruben ni li Gad, ni pes litén i Manasé ba bééna ntôñ gwét u 44 760 mimpémba mi bôt ba gwét, ba ba bééna biben ni paminsoñ, ba leñek mimpihlôñgô,* ba bé ki nkôôbaga inyu gwét. 19 Ba bi jôs Lôk Hagar+ gwét, ba jôs yak mbôda Yétur, i Nafis+ ni i Nôdab. 20 Nyambe a bi hôla bo, ba yémbél Lôk Hagar ni bôt bap bobasôna. Ba bi lôndôl Nyambe le a hôla bo i gwét, a emble masoohe map inyule ba bi bôdôl nye ñem.+ 21 Ba yoñ bilém gwap: 50 000 ma kamél, 250 000 mintômba ni 2 000 di magas. Ba gwel ki 100 000 di bôt.* 22 Ba bi nol ngandak bôt, inyule bañga Nyambe+ a bi hôla bo i jo gwét. Ba yééne ki minkoñ nwap letee ni i ngéda loñ i bi ke i minkôm.+

23 Bon ba pes litén i Manasé+ ba bé yééne i nkoñ u mbôdôl i Basan letee ni i Baal-Hermôn, i Sénir ni i hikôa Hermôn.+ Ba bé ngandak. 24 Baéga ba mandap ma bikôkôa map le Éfer, Isi, Éliel, Azriel, Yérémia, Hôdavia ni Yadiel; ba bé mimpémba mi bôt ba gwét, ba bé yiba ngandak, ba bak baéga ba mandap map ma bikôkôa. 25 Ndi ba bi ndogbene Nyambe nu basôgôlsôgôl bap, ba ke i bégés banyambe ba bôt ba biloñ+ Nyambe a bi tjé i bisu gwap. 26 Ha nyen Nyambe a bi tinde kiñe Asiria+ le Pul (hala wee Tilgat-Pilnéser,+ kiñe Asiria) le a kena litén li Ruben ni li Gad ni pes litén i Manasé i minkôm, a bi kena bo i Hala, i Habôr, i Hara ni i lom Gôzan,+ ba ngi yii nyoo letee ni len.

6 Bon bôlôm ba Lévi+ le: Gersôn, Kôhat+ ni Mérari.+ 2 Bon bôlôm ba Kôhat le Amram, Izhar,+ Hébrôn ni Uziel.+ 3 Bon* ba Amram+ le Arôn,+ Môsi+ ni Miriam.+ Bon bôlôm ba Arôn le Nadab, Abihu,+ Éléazar+ ni Itamar.+ 4 Éléazar a bi gwal Finéhas;+ Finéhas a bi gwal Abisua. 5 Abisua a bi gwal Buki; Buki a bi gwal Uzi. 6 Uzi a bi gwal Zérahia; Zérahia a bi gwal Mérayôt. 7 Mérayôt a bi gwal Amaria; Amaria a bi gwal Ahitub.+ 8 Ahitub a bi gwal Zadok;+ Zadok a bi gwal Ahimaas.+ 9 Ahimaas a bi gwal Azaria; Azaria a bi gwal Yôhanan. 10 Yôhanan a bi gwal Azaria. Nyen a bé gwel nson u prisi i ndap Salômô a bi oñ i Yérusalem.

11 Azaria a bi gwal Amaria; Amaria a bi gwal Ahitub. 12 Ahitub a bi gwal Zadok;+ Zadok a bi gwal Salum. 13 Salum a bi gwal Hilkia;+ Hilkia a bi gwal Azaria. 14 Azaria a bi gwal Séraya;+ Séraya a bi gwal Yéhôsadak.+ 15 Yéhôsadak a bi ke i minkôm i ngéda Yéhôva a bi nwas le Nébukadnézar a kena bôt ba Yuda ni ba Yérusalem i minkôm.

16 Bon bôlôm ba Lévi le Gersôm,* Kôhat ni Mérari. 17 Môl ma bon bôlôm ba Gersôm le Libni ni Siméi.+ 18 Bon bôlôm ba Kôhat le Amram, Izhar, Hébrôn ni Uziel.+ 19 Bon bôlôm ba Mérari le Mali ni Musi.

Mahaa ma Lôk Lévi mana inoñnaga ni mandap map ma bikôkôa:+ 20 mbôda Gersôm:+ man wé Libni, man wé Yahat, man wé Zima, 21 man wé Yôa, man wé Idô, man wé Zéra, man wé Yéaterai. 22 Bon bôlôm ba* Kôhat: man wé Aminadab, man wé Kôra,+ man wé Asir, 23 man wé Elkana, man wé Ébiasaf,+ man wé Asir, 24 man wé Tahat, man wé Uriel, man wé Ôsiya ni man wé Saul. 25 Bon bôlôm ba Elkana le Amasai ni Ahimôt. 26 Bon bôlôm ba Elkana: man wé Zôfai, man wé Nahat, 27 man wé Éliab, man wé Yérôham, man wé Elkana.+ 28 Bon bôlôm ba Samuel+ bana: mbôkgwéé le Yôel, nu yônôs iba+ le Abiya. 29 Bon bôlôm ba* Mérari: man wé Mali,+ man wé Libni, man wé Siméi, man wé Uza, 30 man wé Siméa, man wé Hagia, man wé Asaya.

31 I bôt bana bon David a bi pohol le ba éga ntuba tjémbi i ndap Yéhôva i ngéda ba bi jôbna nkuu Malômbla mu.+ 32 Bon ba bi éga ntuba tjémbi i ndap libadô i likoda letee ni i ngéda Salômô a bi oñ témpel* Yéhôva i Yérusalem,+ ba bé noñ biniigana ba bi kôhna inyu gwel nson wap.+ 33 I bôt bana bon ba bé gwel nson lôñni bon bap: inyu Lôk Kôhat, ntôp tjémbi le Héman,+ man Yôel,+ man Samuel, 34 man Elkana,+ man Yérôham, man Éliel, man Tôa, 35 man Zuf, man Elkana, man Mahat, man Amasai, 36 man Elkana, man Yôel, man Azaria, man Sôfônia, 37 man Tahat, man Asir, man Ébiasaf, man Kôra, 38 man Izhar, man Kôhat, man Lévi, man Israel.

39 Asaf+ a bé telep i pes walôm i maasañ le Héman; Asaf a bé man Bérékia, man Siméa, 40 man Mikael, man Baaséya, man Malkiya, 41 man Etni, man Zéra, man Adaya, 42 man Étan, man Zima, man Siméi, 43 man Yahat, man Gersôm, man Lévi.

44 Lôkisañ yap mu mbôda Mérari+ i bé telep i pes waé; bo bana le: Étan+ man Kisi, man Abdi, man Maluk, 45 man Hasabia, man Amazia, man Hilkia, 46 man Amzi, man Bani, man Sémer, 47 man Mali, man Musi, man Mérari, man Lévi.

48 Bon ba Lôk Lévi bape* ba bi pohlana* inyu gwel minson nwominsôna mi lap, hala wee ndap i bañga Nyambe.+ 49 Arôn ni bon bé bôlôm+ ba bé sem bisesema bi ntul i hié+ i ngii juu li bisesema, ni i ngii juu li binjinjiñ,+ ba gwelek minson mi mbéñge gwom bi nlôôha bipubhaga, inyu sas béba i Israel,+ inoñnaga ni mam momasôna ngwélél bañga Nyambe le Môsi a bi pot. 50 Mbôda Arôn+ ini: man wé Éléazar,+ man wé Finéhas, man wé Abisua, 51 man wé Buki, man wé Uzi, man wé Zérahia, 52 man wé Mérayôt, man wé Amaria, man wé Ahitub,+ 53 man wé Zadok,+ ni man wé Ahimaas.

54 Munu bahoma bana nyen bon ba Lôk Lévi ba bi oñ mandap* mu nkoñ wap: mbôda Arôn i i nlôl i Lôk Kôhat yon i bi kôhna ngababum i bisu, 55 ba bi kôhna tison Hébrôn,+ i nkoñ u Yuda ni minkoñ mi mi yé bebee inyu bilém gwap. 56 Ndi nwom ni mambai ma ma bé bebee ni tison, ba bi ti nwo Kaleb+ man Yéfuné. 57 I bitison bi* lisolbene+ bini gwon ba bi ti mbôda Arôn: Hébrôn,+ Libna+ ni minkoñ nwé inyu bilém gwap, Yatir,+ Éstémôa ni minkoñ nwé inyu bilém gwap,+ 58 Hilen ni minkoñ nwé inyu bilém gwap, Débir+ ni minkoñ nwé inyu bilém gwap, 59 Asan+ ni minkoñ nwé inyu bilém gwap, lôñni Bét-Sémes+ ni minkoñ nwé inyu bilém gwap; 60 ba bi ti ki bo bitison bipe mu nkoñ u litén li Benyamin: Géba+ ni minkoñ nwé inyu bilém gwap, Alémet ni minkoñ nwé inyu bilém gwap, Anatôt+ ni minkoñ nwé inyu bilém gwap. I bitison gwobisôna ba bi ti mahaa map bi bé 13 bitison.+

61 I bon ba Lôk Kôhat ba bi yégle, ba bi kôhna* jôm li bitison bi bi bé i minkoñ mi matén mape, ni i nkoñ u pes litén, hala wee pes litén i Manasé.+

62 Mahaa ma Lôk Gersôm ma bi kôhna 13 bitison bi bi bé i nkoñ u litén li Isakar, i nkoñ u litén li Aser, i nkoñ u litén li Naftali, ni i nkoñ u litén li Manasé, nyoo i Basan.+

63 Mahaa ma Lôk Mérari ma bi kôhna 12 bitison bi bi bé i nkoñ u litén li Ruben, i nkoñ u litén li Gad, ni i nkoñ u litén li Zébulôn.+

64 Hala nyen bon ba Israel ba bi ti bon ba Lôk Lévi bitison ni minkoñ inyu bilém gwap.+ 65 Ba bi leñ mbam inyu kébha bo bitison bi bi bé i nkoñ u litén li Yuda, i nkoñ u litén li Siméôn, ni i nkoñ u litén li Benyamin. Ba nsima bitison bini ni môl map.

66 Ngim mahaa ma Lôk Kôhat ma bi kôhna bitison i nkoñ u litén li Éfraim.+ 67 Ba bi kôhna bitison bi* lisolbene bini le: Sikem+ ni minkoñ nwé inyu bilém gwap i mbok dikôa i Éfraim, Gézer+ ni minkoñ nwé inyu bilém gwap, 68 Yôkméam ni minkoñ nwé inyu bilém gwap, Bét-Hôron+ ni minkoñ nwé inyu bilém gwap, 69 Ayalôn+ ni minkoñ nwé inyu bilém gwap, Gat-Rimôn+ ni minkoñ nwé inyu bilém gwap. 70 I mahaa ma Lôk Kôhat ma ma bi yégle, ma bi kôhna bitison bini mu nkoñ u pes litén i Manasé: Aner ni minkoñ nwé inyu bilém gwap, lôñni Biléam ni minkoñ nwé inyu bilém gwap.

71 Mbôda Gersôm i bi kôhna bitison mu nkoñ u pes litén i Manasé: Gôlan+ i Basan ni minkoñ nwé inyu bilém gwap, yak Astarôt ni minkoñ nwé inyu bilém gwap;+ 72 ba bi kôhna ki bitison mu nkoñ u litén li Isakar: Kédes ni minkoñ nwé inyu bilém gwap, Dabérat+ ni minkoñ nwé inyu bilém gwap,+ 73 Ramôt ni minkoñ nwé inyu bilém gwap, Anem ni minkoñ nwé inyu bilém gwap. 74 Ba bi kôhna ki bitison mu nkoñ u litén li Aser: Masal ni minkoñ nwé inyu bilém gwap, Abdon ni minkoñ nwé inyu bilém gwap,+ 75 Hukok ni minkoñ nwé inyu bilém gwap, Réhôb+ ni minkoñ nwé inyu bilém gwap. 76 Ba bi kôhna ki bitison mu nkoñ u litén li Naftali: Kédes+ i Galiléa+ ni minkoñ nwé inyu bilém gwap, Hamôn ni minkoñ nwé inyu bilém gwap, Kiriataim ni minkoñ nwé inyu bilém gwap.

77 I bon ba Lôk Mérari ba ba bi yégle, ba bi kôhna bitison mu nkoñ u litén li Zébulôn:+ Rimônô ni minkoñ nwé inyu bilém gwap, Tabor ni minkoñ nwé inyu bilém gwap. 78 Ba bi kôhna ki bitison i mapañ ma Yordan, bebee ni Yérikô, ni nyoo i pes likôl i Yordan, mu nkoñ u litén li Ruben: Bézer nu a yé i ñoñ ni minkoñ nwé inyu bilém gwap, Yahaz+ ni minkoñ nwé inyu bilém gwap, 79 Kédémôt+ ni minkoñ nwé inyu bilém gwap, Méfaat ni minkoñ nwé inyu bilém gwap. 80 Ba bi kôhna ki bitison mu nkoñ u litén li Gad: Ramôt i Giléad ni minkoñ nwé inyu bilém gwap, Mahanaim+ ni minkoñ nwé inyu bilém gwap, 81 Hesbôn+ ni minkoñ nwé inyu bilém gwap, Yazer+ ni minkoñ nwé inyu bilém gwap.

7 Bon bôlôm ba Isakar le Tôla, Pua, Yasub ni Simrôn,+ bôt ba-na. 2 Bon bôlôm ba Tôla le Uzi, Réfaya, Yériel, Yamai, Ibsam ni Sémuel, ba bé baéga ba mandap map ma bikôkôa. Mimpémba mi bôt ba gwét mi bi lôl i mbôda Tôla, mi bé 22 600 i dilo di Kiñe David. 3 Mbôda* Uzi ini: Izra, bon bôlôm ba Izra le Mikael, Ôbadia, Yôel ni Isiya, bo batan ba bé baéga.* 4 Mbôda yap inoñnaga ni mandap map ma bikôkôa, i bééna ntôñ gwét u 36 000 bisônda nkôôbaga inyu gwét; inyule ba bééna ngandak baa ni bon. 5 Lôkisañ yap i mahaa ma litén li Isakar i bé mimpémba mi bôt ba gwét, inoñnaga ni bikaat bi mahaa+ ba bé 87 000.

6 Bon bôlôm ba Benyamin+ le Béla,+ Béker+ ni Yédael,+ bôt baa. 7 Bon bôlôm ba Béla le Ezbôn, Uzi, Uziel, Yérimôt ni Iri, bôt batan; ba bé baéga ba mandap map ma bikôkôa, ba bak mimpémba mi bôt ba gwét; inoñnaga ni bikaat bi mahaa,+ nsoñgi wap u bé 22 034. 8 Bon bôlôm ba Béker le Zémira, Yôas, Éliézer, Éliôénai, Ômri, Yérémôt, Abiya, Anatôt ni Alémet, bobasôna ba bé bon bôlôm ba Béker. 9 Inoñnaga ni bikaat bi mahaa, mbôda i baéga ba mandap ma bikôkôa i bééna 20 200 mimpémba mi bôt ba gwét. 10 Bon bôlôm ba Yédael+ le Bilhan, bon bôlôm ba Bilhan le Yéus, Benyamin, Éhud, Kénaana, Zétan, Tarsis ni Ahisahar. 11 Bobasôna ba bé bon bôlôm ba Yédael; i ngéda ba bi soñgol bo inoñnaga ni baéga ba mandap map ma bikôkôa, ntôñ wap gwét u bééna 17 200 mimpémba mi bôt, nkôôbaga inyu jo gwét.

12 Lôk Supim ni Lôk Hupim i bé bon ba Ir;+ Lôk Husim i bé bon ba Aher.

13 Bon bôlôm ba Naftali+ bana le: Yaziel, Guni, Yézer ni Salum, mbôda* Bilha.+

14 Bon bôlôm ba Manasé+ le Asriel, nu linyaa jé, ngond Siria, li bi gwélél nye. (A bi gwal yak Makir,+ isañ Giléad. 15 Makir a biine Hupim bo Supim baa, jôl li manyañ wap nu muda le Maaka.) Jôl li man nu yônôs iba le Zélôféhad,+ ndi Zélôféhad a bi gwal ndik bon bôda.+ 16 Nwaa Makir le Maaka a bi gwal man munlôm, a o nye jôl le Péres; jôl li manyañ nu munlôm li bé le Séres; bon bé bôlôm le Ulam ni Rékem. 17 Man munlôm* nu Ulam le Bédan. Bon bôlôm ba Giléad ba, man Makir, man Manasé. 18 Manyañ Giléad nu muda le Hamôléket. Nyen a bi gwal Ishôd, Abiézer ni Mala. 19 Bon bôlôm ba Sémida le Ahian, Sikem, Liki ni Aniam.

20 Bon bôlôm ba Éfraim+ bana le: man wé Sutéla,+ man wé Béred, man wé Tahat, man wé Éléada, man wé Tahat, 21 man wé Zabad, man wé Sutéla, Ézer ni Éléad. Bôt ba Gat+ ba ba bi yééne mu loñ, ba bi nol bo inyule ba bi ke i kadal bilém gwap. 22 Isañ wap Éfraim a bi ee bo ngandak dilo, lôkisañ yé i bé lo i hôgbaha nye. 23 I mbus ngéda, a lalna nwaa, nwaa a nembee, a gwal man munlôm. Ndi Éfraim a o nye jôl le Béria,* inyule muda a bi gwal i ngéda ndutu i bé i ndap yé. 24 Ngond yé i bé le Sééra, nyen a bi oñ Bét-Hôron nu makuli+ ni Bét-Hôron nu mabeda,+ yak ni Uzin-Sééra. 25 Réfa ni Résef ba bé mbôda Éfraim. Man Résef le Téla, man Téla le Tahan, 26 man Tahan le Ladan, man Ladan le Amihud, man Amihud le Élisama, 27 man Élisama le Nun, man Nun le Yôsua.*+

28 Nkoñ wap ni mayééne map ma bé le: Bétel+ ni minkoñ nwé;* i pes likôl, Naaran; i pes hiôñg, Gézer ni minkoñ nwé; Sikem ni minkoñ nwé, ikepam i Aya* ni minkoñ nwé; 29 bebee ni nwaa nkoñ u mbôda Manasé: Bét-Séan+ ni minkoñ nwé,* Taanak+ ni minkoñ nwé, Mégidô+ ni minkoñ nwé, Dôr+ ni minkoñ nwé. Munu bitison bini nyen mbôda Yôsep, man Israel, i bé yééne.

30 Bon bôlôm ba Aser le: Imna, Isva, Isvi ni Béria,+ manyañ wap nu muda le Séra.+ 31 Bon bôlôm ba Béria le: Héber ni Malkiel, nu a bi gwal Birzait. 32 Héber a bi gwal Yaflet, Sômer, Hôtam ni manyañ wap nu muda le Sua. 33 Bon bôlôm ba Yaflet le Pasak, Bimhal ni Asvat. Bon bôlôm ba Yaflet ba. 34 Bon bôlôm ba Sémer* le Ahi, Rôga, Yéhuba ni Aram. 35 Bon bôlôm ba manyañ wé Hélem* le Zôfa, Imna, Séles ni Amal. 36 Bon bôlôm ba Zôfa le Sua, Harnéfer, Sual, Béri, Imra, 37 Bézer, Hod, Sama, Silsa, Itran ni Béera. 38 Bon bôlôm ba Yéter le Yéfuné, Pispa ni Ara. 39 Bon bôlôm ba Ula le Ara, Haniel ni Rizia. 40 I bôt bana bobasôna ba bé bon ba Aser, baéga ba mandap map ma bikôkôa, mimpohlak mi bôt, mimpémba mi bôt, ba bak i ngii baane ba mintôñ mi gwét. Inoñnaga ni bikaat bi mahaa,+ ntôñ wap gwét u bééna 26 000 bôt,+ nkôôbaga i jo gwét.

8 Mbôkgwéé nu Benyamin+ le Béla,+ nu yônôs iba le Asbel,+ nu yônôs aa le Ahara, 2 nu yônôs ina le Nôha, nu yônôs itan le Rafa. 3 Bon bôlôm ba Béla le Adar, Géra,+ Abihud, 4 Abisua, Naaman, Ahôa, 5 Géra, Séfufam ni Huram. 6 Bon bôlôm ba Éhud bana, ba bé baéga ba mandap ma bikôkôa ma bôt ba Géba+ ba ba bi ke i minkôm i Manahat: 7 Naaman, Ahiya ni Géra. Géra nyen a bi éga bo i ngéda ba bé ke i minkôm, a bi gwal Uza ni Ahihud. 8 I ngéda a bi mal luhul bo, Saharaim a bi bana bon i nkoñ* u Môab. Môl ma baa bé le Husim ni Baara.* 9 Nwaa wé Hôdes a bi gwélél nye Yôbab, Zibia, Mésa, Malkam, 10 Yéus, Sakia ni Mirma. Bon bé bôlôm ba, ba bé baéga ba mandap ma bikôkôa.

11 Nwaa wé Husim a bi gwélél nye Abitub ni Elpaal. 12 Bon bôlôm ba Elpaal le Éber, Misam, Sémed (nu a bi oñ Ônô+ lôñni Lôd+ ni minkoñ nwé*), 13 Béria ni Séma. I bôt bana bon ba bé baéga ba mandap ma bikôkôa ma bôt ba Ayalôn.+ Bon ba bi luhul bôt ba Gat. 14 Ahiô, Sasak, Yérémôt, 15 Zébadia, Arad, Éder, 16 Mikael, lspa, Yôha, bon bôlôm ba Béria ba; 17 Zébadia, Mésulam, Hizki, Héber, 18 Ismerai, Izlia, Yôbab, bon bôlôm ba Elpaal ba; 19 Yakim, Zikri, Zabdi, 20 Éliénai, Zilétai, Éliel, 21 Adaya, Béraya, Simrat, bon bôlôm ba Siméi ba; 22 Ispan, Éber, Éliel, 23 Abdon, Zikri, Hanan, 24 Hanania, Élam, Antôtiya, 25 lfdéya, Pénuel, bon bôlôm ba Sasak ba; 26 Samsérai, Séharia, Atalia, 27 Yaarésia, Éliya, Zikri, bon bôlôm ba Yérôham ba. 28 Bikaat bi mahaa bi ñunda le ba bé baéga ba mandap ma bikôkôa. I baéga ba, ba bé yééne i Yérusalem.

29 Yéel a bé yééne i Gibéôn.+ Nyen a bi bot i tison i. Jôl li nwaa li bé le Maaka.+ 30 Mbôkgwéé wé le Abdon, i mbus, Zur, Kis, Baal, Nadab, 31 Gédôr, Ahiô ni Zéker. 32 Miklôt a bi gwal Siméa. Bobasôna ba bé yééne i Yérusalem bebee ni lôkisañ yap, lôñni lôkisañ yap ipe.

33 Ner+ a bi gwal Kis; Kis a bi gwal Saulô;+ Saulô a bi gwal Yônatan,+ Malkisua,+ Abinadab+ ni Esbaal.*+ 34 Man Yônatan le Mérib-Baal.*+ Man Mérib-Baal le Mika.+ 35 Bon bôlôm ba Mika le Pitôn, Mélek, Taréa ni Ahas. 36 Ahas a bi gwal Yéhôada; Yéhôada a bi gwal Alémet, Azmavet ni Zimri. Zimri a bi gwal Môza. 37 Man Môza le Binéa, man Binéa le Rafa, man Rafa le Éléasa, man Éléasa le Azel. 38 Azel a bééna bon bôlôm basamal, môl map le Azrikam, Bôkeru, Ismael, Séaria, Ôbadia ni Hanan. Bobasôna ba bé bon bôlôm ba Azel. 39 Bon bôlôm ba manyañ wé Esek bana: mbôkgwéé wé le Ulam, nu yônôs iba le Yéus, nu yônôs aa le Élifélet. 40 Bon bôlôm ba Ulam ba bé mimpémba mi bôt, ba bé baleñ mpihlôñgô,* ba bééna ki ngandak bon ni balal, nsoñgi wap u bé 150. Bobasôna ba bé mbôda Benyamin.

9 Môl ma bon ba Israel momasôna ma bé i kaat lihaa, ma bé ki ntilga i Kaat bikiñe bi Israel. Ndi bôt ba Yuda ba bi ke i minkôm i Babilôn inyule ba bi ndogbene+ Nyambe. 2 Bôt ba bisu ba ba bi témb i minkoñ nwap ni i bitison gwap, ba bé ndék bon ba Israel, biprisi, Lôk Lévi ni bôt ba nsal i témpel.*+ 3 Yak ndék bôt i mbôda Yuda,+ i Benyamin,+ i Éfraim ni i Manasé i bi yén i Yérusalem; bo bana le: 4 Utai man Amihud, man Ômri, man Imri, man Bani, ba bé mbôda Péres+ man Yuda. 5 Mu mbôda Silô, mbôkgwéé wé le Asaya, ni bon bé bôlôm. 6 Mu bon ba Zéra,+ Yéuel ni 690 lôkisañ.

7 Mu mbôda Benyamin, Salu man Mésulam, man Hôdavia, man Hasénua; 8 Ibnéya man Yérôham; Éla man Uzi, man Mikri; yak ni Mésulam man Séfatia, man Réuel, man Ibniya. 9 Inoñnaga ni bikaat bi mahaa, lôkisañ yap i bé 956. I bôt bana bobasôna ba bé baéga ba mandap map ma bikôkôa.*

10 Biprisi bi bé: Yédaya, Yéhôyarib, Yakin,+ 11 Azaria man Hilkia, man Mésulam, man Zadok, man Mérayôt, man Ahitub, a bé ñéga wada i ndap* bañga Nyambe; 12 Adaya man Yérôham, man Pasur, man Malkiya; Maasai man Adiel, man Yazéra, man Mésulam, man Mésilémit, man Imer; 13 yak ni lôkisañ yap, baéga ba mandap ma bikôkôa, 1 760 mimpémba mi bôt, ba yik gwel nson u ndap bañga Nyambe.

14 Lôk Lévi i bé: Sémaya+ man Hasub, man Azrikam, man Hasabia, mu mbôda Mérari; 15 yak ni Bakbakar, Héres, Galal, Matania man Mika, man Zikri, man Asaf; 16 Ôbadia man Sémaya, man Galal, man Yédutun; Bérékia man Asa, man Elkana nu a bé yééne i mambai ma bôt ba Nétôfa.+

17 Batat manwemel+ ba bé: Salum, Akub, Talmôn, Ahiman ni manyañ wap Salum nu a bé ñane, 18 i ngéda bisu, a bé i nwemel u kiñe i pes likôl.+ Bon ba bé tat manwemel i bahoma Lôk Lévi i bé yééne. 19 Salum man Kôré, man Ébiasaf, man Kôra, ni lôkisañ yap i i bé i nlélém ndap bikôkôa, bon ba Lôk Kôra, bon ba bé éga nson u batat manwemel i lap; basañ bap bon ba bé tat lijubul li lap i Yéhôva. 20 I ngéda kôba, Finéhas+ man Éléazar+ nyen a bé ñéga wap; Yéhôva a bé lôñni nye. 21 Sakaria+ man Mésélémia, a bé tat nwemel u lijubul li ndap libadô i likoda.

22 I bôt bobasôna ba bi pohol inyu tat majubul, nsoñgi wap u bé 212. Ba bé yééne i bahoma bap inoñnaga ni bikaat gwap bi mahaa.+ David bo ntehemam+ le Samuel bon ba bi téé bo mu nson u inyule ba bé bôdôl bo ñem. 23 Bo ni bon bap bon ba bé éga nson u tat manwemel ma ndap Yéhôva+ hala wee ndap libadô. 24 Batat manwemel ba bé i bipes gwo bina: pes likôl, pes hiôñg, pes ñombok ni pes nwelmbok.+ 25 Ngim mangéda, bilôk bisañ gwap bi bé bi nyodi i bahoma ba bé yééne inyu ke i sal lôñni bo dilo disaambok. 26 Ba bi téé baane* ba-na ikété batat manwemel inyule ba bé bôdôl bo ñem. Ba bé bon ba Lôk Lévi, ba gwelek nson i bituñ* ni i matéédana* ma nkus ma ndap Nyambe.+ 27 Ba bé tégbaha u i bahoma bap ba bôlô, inyule ba bé tat ndap bañga Nyambe yosôna, bon ba bééna ki hiliba inyu yibil yo hiki kegla.

28 Bape, nson wap u bé le ba yoñ ngéda ni bisélél ba bé gwélél inyu bibégés;+ ba bé soñgol gwo i ngéda ba njubus gwo, ba soñgol ki gwo i ngéda ba mpémés gwo. 29 Ba bi téé bape inyu yoñ ngéda ni bisélél, bisélél bipubhaga+ gwobisôna, flawa ilam,+ wai,+ môô,+ binunumba+ ni môô ma bie bi bi numb loñge.*+ 30 Ngim bon ba biprisi i bé bôñôl môô ma bie bi bi numb loñge* inyu lamb binunumba. 31 Man Lôk Lévi le Matitiya, mbôkgwéé nu Salum, man Lôk Kôra, nyen a bééna nson u bôm bikoga+ inyule ba bé bôdôl nye ñem. 32 Lôkisañ yap ipe i i bé bon ba Lôk Kôhat yon i bééna nson i kééha bret,*+ ba kôôbaga gwo hiki sabat.+

33 Batôp tjémbi bana: baéga ba mandap ma bikôkôa ma Lôk Lévi, ba bé ikété bituñ* bi témpel, ba bééna bé minson mimpe; inyule juu kiki njamuha, ba bé lama gwel nson wap. 34 Bikaat bi mahaa bi ñunda le ba bé baéga ba mandap ma bikôkôa ma Lôk Lévi. I baéga ba, ba bé yééne i Yérusalem.

35 Yéel a bé yééne i Gibéôn.+ Nyen a bi bot i tison i. Jôl li nwaa li bé le Maaka. 36 Mbôkgwéé wé le Abdon, i mbus, Zur, Kis, Baal, Nadab, 37 Gédôr, Ahiô, Sakaria, Miklôt. 38 Miklôt a bi gwal Siméam. Bobasôna ba bé yééne i Yérusalem bebee ni lôkisañ yap, lôñni lôkisañ yap ipe. 39 Ner+ a bi gwal Kis; Kis a bi gwal Saulô;+ Saulô a bi gwal Yônatan,+ Malkisua,+ Abinadab+ ni Esbaal. 40 Man Yônatan le Mérib-Baal.+ Man Mérib-Baal le Mika.+ 41 Bon bôlôm ba Mika le Pitôn, Mélek, Taréa ni Ahas. 42 Ahas a bi gwal Yara; Yara a bi gwal Alémet, Azmavet ni Zimri. Zimri a bi gwal Môza. 43 Man Môza le Binéa, man Binéa le Réfaya, man Réfaya le Éléasa, man Éléasa le Azel. 44 Azel a bééna bon bôlôm basamal, môl map le Azrikam, Bôkeru, Ismael, Séaria, Ôbadia ni Hanan. Bon bôlôm ba Azel ba.

10 Bôt ba Filistia ba bé jôs Lôk Israel gwét. Bon ba Israel ba bi ke bôt ba Filistia ngwéé, ngandak yap i wo i hikôa Gilbôa.+ 2 Bôt ba Filistia ba bi noñ Saulô ni bon bé bôlôm, ba sôk ba koba bo, bôt ba Filistia ba nol Yônatan, Abinadab ni Malkisua,+ bon bôlôm ba Saulô. 3 Gwét bi bi ke bé loñge inyu Saulô, baleñ mimpihlôñgô+ ba tihba nye, ba babaa nye. 4 I mbus, Saulô a kal mbegee bijôl gwé bi gwét le: “Yoñ pansoñ yoñ, u ôm me yo, tiga le i bôt ba ngikweeba bana ba lo, ba kép me mbai.”*+ Ndi mbegee bijôl gwé bi gwét a bé top bé boñ hala, inyule a bé kon woñi ngandak. Ha nyen Saulô a bi yoñ pansoñ, a kwél yo i ngii.+ 5 I ngéda mbegee bijôl gwé bi gwét a bi tehe le Saulô a nwo, yak nye a kwo i ngii pansoñ yé, a wo. 6 Hala nyen Saulô ni bon bé bôlôm bo baa ba bi wo; yak bôt bé ba lihaa bobasôna ba ba bé i gwét, ba wo.+ 7 I ngéda bon ba Israel ba ba bé yééne i nsôsôgô* ba bi tehe hiki mut a nke ngwéé, ni le Saulô ni bon bé bôlôm ba nwo, yak bo ba tjôô bitison gwap, ba ke ngwéé; bôt ba Filistia ba lo, ba yén mu.

8 I kel i bé noñ ha, kiki bôt ba Filistia ba nlo i hun mambot ma mim, ba koba mim u Saulô ni mim mi bon bé bôlôm i hikôa Gilbôa.+ 9 Ha nyen ba bi kit ño u Saulô, ba yoñ bijôl gwé bi gwét, ba om ki bôt ni loñ Filistia yosôna inyu legel nwin i mandap ma bisat+ gwap ni yak bôt ba loñ. 10 I mbus, ba bii bijôl gwé bi gwét i ndap* nyambe wap, ba kéi kégéé yé ño i ndap Dagôn.+

11 I ngéda bôt ba Yabes+ i Giléad bobasôna ba bi nok i mam momasôna bôt ba Filistia ba bi boñ Saulô,+ 12 bajogwét ba tison bobasôna ba telep, ba begee mim u Saulô ni mim mi bon bé bôlôm. Ba kena nwo i Yabes, ba jô bihés gwap isi e ikeñi i Yabes,+ ba sôga je* dilo disaambok.

13 Hala nyen Saulô a bi wo inyule a bi téñbe bé ni Yéhôva;+ a bi nôgôl bé to lipôdôl li Yéhôva, a ke ki i tehe muda makañ,+ 14 iloole a bat Yéhôva sômbôl yé. Inyu hala nyen Nyambe a bi boñ le a wo, a yoñ ane, a ti yo David man Yésé.+

11 I mbus ngéda, bon ba Israel bobasôna ba bi kodba yak David i Hébrôn,+ ba kal nye le: “Bés ni we, di yé matjél mada.*+ 2 To i ngéda Saulô a bé kiñe, wen u bé éga mintôñ mi gwét+ mi Israel.* Yéhôva Nyambe woñ a bi kal we le: ‘U ga tééda litén jem Israel, we ki nyen u ga ane Israel.’”+ 3 Ha ni nyen mimañ mi Israel nwominsôna mi bi lo yak Kiñe David i Hébrôn, David a boñ malômbla ni bo i bisu bi Yéhôva. I mbus, ba téé David kiñe Israel,+ inoñnaga ni jam Yéhôva a bi pot ni njel Samuel.+

4 I mbus ngéda, David ni bon ba Israel bobasôna ba ke i Yérusalem, hala wee i Yébus;+ Lôk Yébus+ yon i bé yééne mu nkoñ u. 5 Ndi Lôk Yébus i kahal ndegle David, i kalak nye le: “U ta bé le u jôp munu tison+ ini!” Ndi to hala, David a bi yoñ nkoñ u gwé mapénd ma ngui le Siôn,+ won ba nsébél i len ini le Nkoñ u David.+ 6 David a kal le: “Nu ni nu a mba mut bisu i ke i jôs Lôk Yébus, a ga yila ñéga* ni ñane.” Yôab,+ man Séruya, nyen a bi ba mut bisu i leñ gwét, jon a yila ñéga. 7 David a bi yééne mu nkoñ u u gwé mapénd ma ngui. Inyu hala nyen ba nsébél wo le Nkoñ u David. 8 A bi oñ mapénd ma tison ni mandap mape bipes gwobisôna, ibôdôl i Milô* letee ni bahoma ba yé mu mapañ; Yôab a bi tibil bipes bi tison bi bi yégle. 9 Hala nyen ngui i David i bé bet ndigi, bet ni bet;+ yak Yéhôva nu mintôñ mi gwét a bé lôñni nye.

10 Bana bon ba bé baane ba mimpémba mi bôt ba gwét ba David, bon ba bi nit ane yé, yak Israel yosôna i bi nit nye; inyu boñ le a yila kiñe inoñnaga ni jam Yéhôva a bi pot inyu Israel.+ 11 Môl ma mimpémba mi bôt ba gwét ba David mana: Yasôbéam,+ lok i man Lôk Hakmôn wada. Nyen a bé ane mimpémba mi bôt ba gwét baa.+ Kel yada, a bi nol 300 bôt ni likoñ jé.+ 12 I mut a bé noñ ha, a bé Éléazar,+ man Dôdô, man Lôk Ahôhi.+ A bé mu nsoñgi u mimpémba mi bôt ba gwét baa. 13 A bé lôñni David i Pas-Damim,+ i het bôt ba Filistia ba bi kodba inyu jo gwét. Wom u kôn* u bé nyoo; yokel, bôt ba bi ke bôt ba Filistia ngwéé. 14 Ndi nye a bi telep i ñemkété u wom, a sôñ wo. A nol bôt ba Filistia, kayéle Yéhôva a bi yémbél* i nya i mbuma ñañ.+

15 Ikété 30 ma baane ba ntôñ gwét, bôt baa ba bi sôs i hôk liaa i Adulam,+ i homa David a bé; ntôñ gwét u bôt ba Filistia u bak i nsôsôgô* u Réfaim.+ 16 David a bé i lisolbene jé, ntôñ gwét wada u bôt ba Filistia u bé i Bétléhém. 17 Kel yada, David a bi bana ngôñ i nyo malép, a kal le: “Éé, ibale me bak to le me nyo malép ma bee i i yé bebee ni nwemel u Bétléhém!”+ 18 Ha nyen bo baa ba bi jôp ni ngui i homa ntôñ gwét u bôt ba Filistia u bé, ba ap malép ma bee i i bé bebee ni nwemel u Bétléhém, ba kena mo David; ndi David a tjél nyo mo, a sop mo inyu jôl li Yéhôva. 19 A kal le: “Inyu jôl li Nyambe, me ta bé le me nyo i malép mana! A yé wengoñle me yé i nyo matjél ma bôt bana, ba ba bak le ba nimis niñ+ yap.” Jon a bi tjél nyo mo. I mam mana mon mimpémba mi bôt mini nwo maa mi bi boñ.

20 Abisai,+ manyañ Yôab,+ a bé ane mimpémba mi bôt maa mimpe; kel yada, a bi nol 300 bôt, yak nye a bé yiba ngandak kiki mimpémba mi bôt maa+ mi bisu. 21 Ikété bo baa, nyen a bé yiba iloo bana bo iba, a bak ki ñañe wap; ndi a bi pam bé i likala li mimpémba mi bôt maa mi bisu.

22 Bénaya,+ man Yéhôyada, a bé lôs mut;* a bi boñ mimpémba mi mam i Kabzéel,+ nyen a bi nol bon bôlôm bo iba ba Ariel nu Môab. Nye ki nyen a bi sôs kel yada ikété bee i ngéda libu li lisuni* li bé kwo, a nol mbondo njéé yada.+ 23 A nol ki man Égiptô wada nu a bé mbôñgô mut, ntel+ wé u bé dikéñéé di moo ditan.* To hala kiki man Égiptô a bééna likoñ i woo wé, li li bé likeñi kiki kék ba ngwélél inyu bañ mabadô,+ Bénaya a bi ke i jôs nye ni ntoñgo, a kadal likoñ li li bé i woo u man Égiptô, a nol nye ni likoñ+ li. 24 I mimpémba mi mam mini nwon Bénaya, man Yéhôyada, a bi boñ; a bé yiba ngandak kiki mimpémba mi bôt ba gwét maa mi bisu. 25 To hala kiki a bé yiba ngandak iloo mana 30 ma bôt bape, a bi pam bé likala li mimpémba mi bôt ba gwét maa+ mi bisu. Ndi David a bi téé nye le a ane i bôt ba bé tat nye.

26 Mimpémba mi bôt mi mi bé ikété ntôñ gwét mi bé le: Asahel+ manyañ Yôab, Elhanan man Dôdô nu a bé lôl i Bétléhém,+ 27 Samôt mut Harôd, Héles mut Pélon. 28 Ira+ man Ikes, mut Tékôa; Abiézer+ mut Anatôt; 29 Sibekai+ mut Husa; Ilai man Lôk Ahôhi; 30 Mahari+ mut Nétôfa; Héled+ man Baana, mut Nétôfa; 31 Itai man Ribai nu a bé lôl i Gibéa nu Lôk Benyamin;+ Bénaya mut Piratôn; 32 Hurai nu malép* ma Gaas;+ Abiel mut Bét-Araba; 33 Azmavet mut Bahurim; Éliaba mut Saalbim; 34 bon ba Hasem mut Gizon; Yônatan man Sagé, mut Harar; 35 Ahiam man Sakar, mut Harar; Élifal man Ur; 36 Héfer mut Mékéra; Ahiya mut Pélon, 37 Hézrô mut Karmel; Naarai man Ézbai; 38 Yôel manyañ Natan; Mibhar man Hagri; 39 Zélek man Lôk Amôn; Naharai mut Béérôt, nyen a bé begee bijôl bi gwét bi Yôab man Séruya; 40 Ira man Lôk Yéter; Gareb man Lôk Yéter; 41 Uriya+ man Lôk Hét; Zabad man Alai; 42 Adina man Siza, man Lôk Ruben, ñane wada nu Lôk Ruben, 30 ma bôt ma bé lôñni nye; 43 Hanan man Maaka; Yôsafat mut Mitni; 44 Uzia mut Astarôt; Sama ni Yéel, bon ba Hôtam, mut Arôer; 45 Yédael man Simri ni manyañ wé Yôha nu a bé mut Tis; 46 Éliel mut Mahavim; Yéribai ni Yôsavia bon ba Elnaam; Itma mut Môab, 47 Éliel, Ôbed ni Yaasiel mut Mésôbaya.

12 I bôt bana bon ba bi lo yak David i Ziklag+ i ngéda a bé bé le a hiôm i mbamba inyule Saulô+ man Kis a bé yéñ nol nye; ba bé ikété mimpémba mi bôt mi mi bi nit nye i gwét.+ 2 Ba bééna mimpihlôñgô, ba bé gwélél moo map mo ima, woo walôm ni woo waé+ inyu leñ ndamb+ yak makoñ ma mpihlôñgô. Ba bé bon ba Lôk Benyamin,+ lôkisañ i Saulô. 3 Ahiézer nyen a bé ñane wap, lôñni Yôas. Bo iba ba bé bon ba Sémaa mut Gibéa.+ Yéziel ni Pélet bon ba Azmavet+ ba bé mu lôñ i, yak ni Béraka, Yéhu mut Anatôt; 4 Ismaya mut Gibéôn,+ mpémba njogwét, a bé ikété nsoñgi u 30+ ma bôt, a bé loo ki bo; ni Yérémia, Yahaziel, Yôhanan, Yôzabad mut Gédéra; 5 Éluzai, Yérimôt, Béalia, Sémaria, Séfatia mut Harif; 6 Elkana, Isiya, Azarel, Yoézer, Yasôbéam, bon ba Lôk Kôra;+ 7 Yoéla ni Zébadia, bon ba Yérôham mut Gédôr.

8 Ngim bon ba litén li Gad i bi ke i pes i David i ngéda a bé i lisolbene jé i ñoñ;+ ba bé mimpémba mi bôt ba gwét, bisônda bi bi bé nkôôbaga inyu gwét, ba bééna likeñge inyu gwélél ben ni likoñ, masu map ma bé kiki masu ma mbondo njéé; ba bé pala ngwéé kiki sô titigi i ngii dikôa. 9 Ézer a bé ñane wap, nu yônôs iba le Ôbadia, nu yônôs aa le Éliab, 10 nu yônôs ina le Mismana, nu yônôs itan le Yérémia, 11 nu yônôs isamal le Atai, nu yônôs isaambok le Éliel, 12 nu yônôs juem le Yôhanan, nu yônôs bôô le Elzabad, 13 nu yônôs jôm le Yérémia, nu yônôs jôm ni yada le Makbanai. 14 I bon ba litén li Gad+ ba, ba bé baane ikété ntôñ gwét. Nuntitigi ikété yap a bé le a jôs 100 bôt, nunkeñi ikété yap a bé le a jôs 1 000+ hi bôt. 15 I bôt bana bon ba bi yap lom Yordan i sôñ bisu i ngéda a nhôl, a bet i nkoñngii; ba luhul i bôt bobasôna ba bé yééne i bitegep bi mambok, i likôl ni i hiôñg.

16 Ngim bôt i litén li Benyamin ni li Yuda i bi ke yak David i lisolbene+ jé. 17 David a bi pam i boma bo, a kal bo le: “Ibale ni nlo i meeni ni nsañ inyu hôla me, ñem wem w’a ba lôñni bé. Ndi ibale ni nlo i liibana me le baoo bem ba gwel me, to hala kiki me mboñ bé bé jam libe jo ki jo, Nyambe nu basôgôlsôgôl bés a ga tehe i jam li, a pémés ki mbagi.”+ 18 Ha nyen mbuu u Nyambe u bi tinde Amasai,+ ñéga 30 ma bôt, i pot le:

“A David, di yé bôt boñ, di yé lôñni we, a man Yésé.+

I mbus hala nyen David a bi leege bo, a téé bo baane ikété ntôñ wé gwét.

19 Yak ngim bôt i litén li Manasé i tjôô ntôñ gwét u Saulô, i ke i koba David i ngéda a bé ke i hôla bôt ba Filistia i jôs Saulô gwét. Sôk i nsôk, David a bi hôla ha bé bôt ba Filistia inyule baane ba bôt ba Filistia+ ba bi hek pék, ba huuha nye, ba kalak le: “A ga tjôô bés, a koba nwet wé Saulô, ba nol+ bés.” 20 I bôt ba litén li Manasé bana bon ba bi nyodi i ntôñ gwét u Saulô, ba koba David i ngéda a bi ke i Ziklag:+ Adnah, Yôzabad, Yédael, Mikael, Yôzabad, Élihu ni Zilétai, baane ba dikôô di bôt ba litén li Manasé.+ 21 Ba bi hôla David i jôs mintôñ mi mintonba inyule bobasôna ba bé mimpémba mi bôt, ba ban-ga makénd;+ ba bi yila baane ikété ntôñ gwét u David. 22 Hiki kel, bôt ba bé lo yak David+ inyu hôla nye, letee ntôñ wé gwét u yila nkeñi kiki ntôñ gwét u Nyambe.+

23 I bôt ba gwét ba bi lo yak David i Hébrôn+ inyu ti nye ane i Saulô kiki Yéhôva a bi pot,+ nsoñgi wap unu: 24 Bôt ba litén li Yuda ba ba bé begee biben ni makoñ ba bé 6 800, nkôôbaga inyu gwét. 25 Bôt ba litén li Siméôn ba ba bé ikété ntôñ gwét ba bé 7 100 mimpémba mi bôt mi mi bééna makénd.

26 Bôt ba litén li Lévi, ba bé 4 600. 27 Yéhôyada+ nyen a bé ane bon ba Arôn,+ 3 700 bôt i bé lôñni nye, 28 yak Zadok,+ mpémba mañge wanda u u bééna makénd, yak ni 22 baéga ba ba bé i ndap bikôkôa yada ni nye.

29 Bôt ba litén li Benyamin, lôkisañ i Saulô,+ ba bé 3 000; jôga likeñi mukété yap li bé nit lihaa li Saulô ngéda bisu. 30 Bôt ba litén li Éfraim ba bé 20 800 mimpémba mi bôt mi mi bééna makénd, ba bé yiba ikété mandap map ma bikôkôa.

31 Bôt ba pes litén i Manasé ba ba bi pohlana i ke i téé David kiñe ba bé 18 000. 32 Bôt ba litén li Isakar ba ba bé yi jam litén li Israel li nlama boñ ni imbe ngéda li nlama bôña, ba bé 200 baane; lôkisañ yap yosôna i bé isi énél yap. 33 Bôt ba litén li Zébulôn ba bé 50 000. Ba bé nkôôbaga i gwélél mintén mi bijôl bi gwét nwominsôna, bobasôna ba bi ke yak David ni ñem wap wonsôna.* 34 Litén li Naftali li bi om 1 000 hi baane lôñni 37 000 bôt ba ba bééna biben bikeñi ni makoñ. 35 Litén li Dan li bééna 28 600 bôt ba ba bé nkôôbaga inyu gwét. 36 Litén li Aser li bééna 40 000 bôt ba ba bé nkôôbaga inyu gwét.

37 Bôt ba litén li Ruben ni li Gad ni pes litén i Manasé ba ba bi lôl nyoo uu nwii u Yordan+ ba bé 120 000 bisônda, ba ban-ga mintén mi bijôl bi gwét nwominsôna. 38 Bobasôna ba bé bôt ba gwét, nkôôbaga inyu gwét. Ba bi lo yak David i Hébrôn ni ñem wap wonsôna inyu téé nye kiñe i loñ Israel yosôna. Yak i bôt ba Israel bobasôna ba bi yégle ba bé kiñ yada* i téé David kiñe.+ 39 Bôt ba bi yén yak David dilo daa, ba jek, ba nyok i gwom bilôk bisañ gwap bi bi kôôbana bo. 40 I bôt ba bi lôl bebee, yak i bôt ba bi lôl haa kiki bo i minkoñ mi Isakar, mi Zébulôn ni mi Naftali, ba bé lona bijek i ngii magas, i ngii kamél, i ngii minyabén mi hosi* ni ngii nyaga; ba bi lona flawa, bikoga bi matam ma faigé ni bi matam ma nkôô wai, wai, môô, yak ngandak nyaga ni ngandak mintômba; inyule maséé ma bé i Israel.

13 David a bi sébél baane ba dikôô ni baane ba mbôgôl ni baéga+ bobasôna, ba kwel. 2 I mbus, David a kal litén li Israel jolisôna le: “Ibale hala a nene loñge i mis manan, ibale hala a nlémél ki Yéhôva Nyambe wés, di ômle bilôk bikéé gwés nwin, bi bi nyégle i minkoñ mi Israel nwominsôna, yak ni biprisi ni Lôk Lévi i i yé i bitison+ gwap ni i minkoñ nwap,* le ba loo, ba koba bés. 3 Di kee di yoñ nkuu Malômbla+ u Nyambe wés.” A bi pot hala inyule bon ba Israel ba bi yoñ bé ngéda ni wo i dilo di Saulô.+ 4 Litén jolisôna li bi neebe i boñ hala, inyule i jam li, li bi lémél bôt bobasôna. 5 David a bi kot litén li Israel jolisôna, ibôdôl i lom* Égiptô nu a yé i Lébô-Hamat,*+ le ba begee nkuu Malômbla u bañga Nyambe u u yé i Kiriat-Yéarim.+

6 David ni bon ba Israel ba ke i Baala,+ hala wee Kiriat-Yéarim nu a yé i Yuda, le ba begee nkuu Malômbla u bañga Nyambe le Yéhôva, nu a yii i yééne yé ane i ngii* bikérubim;+ i bisu bi Nkuu nyen bôt ba nsoohe Nyambe.* 7 Ba ke i ndap Abinadab. Ndi ba yoñ Nkuu u bañga Nyambe, ba bédi wo i ngii kak+ i mondo; Uza bo Ahiô bon ba bé kena kak.+ 8 David ni bon ba Israel bobasôna ba bé séé i bisu bi bañga Nyambe ni ngui yap yosôna, ba tôbôk tjémbi, ba kôdôk diluñ ni bikôkôda bi manganda bipe, dingoma,+ bibende bi mamuna+ ni sép.+ 9 Ndi kiki ba mpam bebee ni litidil li Kidon, Uza a leñ woo, a gwel nkuu Malômbla inyule nyaga i bé sômbôl kwés wo ’isi. 10 Ha nyen Yéhôva a bi unbene Uza ngandak, a nol nye inyule a bi leñ woo, a tihba nkuu Malômbla.+ Uza a bi wo ha, i bisu bi Nyambe.+ 11 Ndi ñem u bi hénd* David inyule Yéhôva a bi unbene Uza; inyu hala nyen ba nsébél i homa nu le Péres-Uza* letee ni i len ini.

12 David a bi kon bañga Nyambe woñi i kel i, a kal le: “Lelaa ni me nla boñ inyu lona Nkuu u bañga Nyambe i meeni?”+ 13 David a bi kena ha bé nkuu Malômbla i Nkoñ u David, i homa a bé yééne, ndi a bi boñ le ba kena wo i ndap Ôbed-Édôm mut Gat. 14 Nkuu Malômbla u bañga Nyambe u bi ke i lihaa li Ôbed-Édôm, u yén nyoo i ndap yé sôñ aa; Yéhôva a bé sayap lihaa li Ôbed-Édôm, yak ni gwom gwobisôna a bé a gwé.+

14 Kiñe Tir le Hiram+ a bi om balegelnwin yak David, a om yak bie bi sidar, ni bakôñg ngok* lôñni bikapinda, le ba ôñôl nye+ ndap.* 2 David a bi yi le Yéhôva a nlédés ane yé i Israel,+ inyule ane yé i bi bana lipém inyu loñge i litén jé Israel.+

3 David a bi bii bôda+ bape i ngéda a bé i Yérusalem, a bana ki ngandak bon bôlôm ni bon bôda+ bape. 4 I bon bé bana bon ba bi gwééne i Yérusalem:+ Samua, Sôbab, Natan,+ Salômô,+ 5 Ibhar, Élisua, Élipélet, 6 Nôga, Néfeg, Yafia, 7 Élisama, Bééliada ni Élifélet.

8 I ngéda bôt ba Filistia ba bi nok le David a nyila kiñe Israel,+ bobasôna ba ke i yéñ David.+ Kiki David a nyi hala, a pam i jôs bo gwét. 9 Ha nyen bôt ba Filistia ba bi lo, ba leñ bôt ba nsôsôgô* i Réfaim+ gwét. 10 Ha nyen David a bi bat Nyambe le: “Baa me kenek i jôs bôt ba Filistia gwét? Baa u ga boñ le me yémbél bo?” Yéhôva a kal nye le: “Kenek, ibabé pééna, m’a boñ le u yémbél+ bo.” 11 David a bi ke i Baal-Pérasim,+ a yémbél bôt ba Filistia nyoo. I mbus, David a kal le: “Bañga Nyambe a néhne me njel i ñemkété u baoo bem, kiki malép le ma mbôk jegi.” Inyu hala nyen ba bi sébél i homa nu le Baal-Pérasim.* 12 Bôt ba Filistia ba ke ngwéé, ba yék banyambe bap, David a ti oda le ba ligis+ bo.

13 I mbus ngéda, bôt ba Filistia ba témb ba leñ bôt ba nsôsôgô*+ gwét. 14 David a témb a bat Nyambe mahoñol mé, ndi bañga Nyambe a kal nye le: “U leñ bañ bo gwét i mbombom. Kiiña, u pémél i bisu bi lipan li baka,+ u lôl bo mbus. 15 I ngéda u ga nok liyôgbe i mabeda ma lipan li baka, kiki bo liyôgbe li ntôñ gwét u u ntagbe, leñ bo gwét inyule bañga Nyambe a ga bôk we i bisu inyu tjé ntôñ gwét u bôt ba Filistia.”+ 16 David a bi boñ kiki bañga Nyambe a bi kal nye.+ Ba bi nol bôt ba ntôñ gwét u Filistia ibôdôl i Gibéôn letee ni i Gézer.+ 17 Jôl li David li bi ke ngan ikété biloñ gwobisôna, Yéhôva a boñ ki le biloñ+ gwobisôna bi kon nye woñi.

15 David a bi kônde oñ mandap inyu yé i Nkoñ u David, a kôôba ki homa inyu nkuu Malômbla u bañga Nyambe, a ôñôl wo+ lap. 2 Ha nyen David a bi kal le: “Mut nye ki nye a kôli bé begee nkuu Malômbla u Nyambe handugi Lôk Lévi, inyule Yéhôva a bi pohol bo inyu begee nkuu Malômbla u Yéhôva, ni inyu sélél nye ngéda yosôna.”+ 3 I mbus, David a naña bôt ba Israel bobasôna i Yérusalem, le ba yoñ nkuu Malômbla u Yéhôva ba kee ba bii wo i homa a bi kôôba le ba bii wo.+

4 David a kot mbôda Arôn+ ni bon ba Lôk Lévi:+ 5 i Lôk Kôhat, ba bi pohol ñane le Uriel lôñni 120 ma bilôk bisañ; 6 i Lôk Mérari, ba pohol ñane le Asaya+ lôñni 220 ma bilôk bisañ; 7 i Lôk Gersôm, ba pohol ñane le Yôel+ lôñni 130 ma bilôk bisañ; 8 i mbôda Élizafan,+ ba pohol ñane le Sémaya lôñni 200 bilôk bisañ; 9 i mbôda Hébrôn, ba pohol ñane le Éliel lôñni 80 ma bilôk bisañ; 10 i mbôda Uziel,+ ba pohol ñane le Aminadab lôñni 112 bilôk bisañ. 11 David a sébél ki biprisi, Zadok,+ ni Abiatar,+ lôñni bon ba Lôk Lévi le Uriel, Asaya, Yôel, Sémaya, Éliel ni Aminadab, 12 ni David a kal bo le: “Ni yé baéga ba mandap ma bikôkôa ma Lôk Lévi. Pubhana bébomede, yak ni bilôk bisoñ binan, ni lona nkuu Malômbla u Yéhôva Nyambe nu Israel i homa me bi kôôba le ba bii wo. 13 Lisañ li bisu,+ bé bé bon ni bi begee wo, inyu hala nyen Yéhôva Nyambe wés a bi unbene+ bés, inyule di bi yéñ bé yi lelaa di nlama begee wo.”+ 14 Ha ni nyen biprisi ni bon ba Lôk Lévi ba bi pubus bomede inyu begee nkuu Malômbla u Yéhôva Nyambe nu Israel.

15 I mbus, bon ba Lôk Lévi ba begee nkuu Malômbla u bañga Nyambe ni bikék+ gwé i ngii bituu gwap, kiki Yéhôva a bi kal Môsi. 16 David a kal baane ba litén li Lôk Lévi le ba pohol batôp tjémbi ikété litén jap, le ba tôp tjémbi ni maséé, ba kôdôk bikôkôda: bikôkôda bi manganda, diluñ+ lôñni bibende bi mamuna.+

17 Ikété litén jap, bon ba Lôk Lévi ba bi pohol Héman+ man Yôel, Asaf+ man Bérékia, ni Étan+ man Kusaya nu a bé lôl i lihaa li Mérari. 18 Lôkisañ yap i i bé ikété ntôñ u nyônôs iba+ i bé: Sakaria, Ben, Yaaziel, Semiramôt, Yéhiel, Uni, Éliab, Bénaya, Maaséya, Matitiya, Éliféléhu, Miknéya, Ôbed-Édôm bo Yéel ba ba bé batat nwemel. 19 Batôp tjémbi le Héman,+ Asaf+ ni Étan ba bé kôt bibende bi mamuna;+ 20 Sakaria, Aziel, Semiramôt, Yéhiel, Uni, Éliab, Maaséya ni Bénaya ba bé kôt bikôkôda bi manganda kingéda Alamôt;*+ 21 Matitiya,+ Éliféléhu, Miknéya, Ôbed-Édôm, Yéel ni Azazia ba bé kôt hiluñ kingéda Séminit*+ inyu éga batôp tjémbi. 22 Ñane wada i litén li Lôk Lévi le Kenania+ nyen a bé ane i bôt ba mbegee nkuu Malômbla, inyule a bé yi i bôlô i. 23 Bérékia bo Elkana ba bé tat nkuu Malômbla. 24 Biprisi le Sébania, Yôsafat, Nétanel, Amasai, Sakaria, Bénaya ni Éliézer bon ba bé hem sép makeñi i bisu bi nkuu Malômbla u bañga Nyambe.+ Yak Ôbed-Édôm ni Yéhiya ba bé tat nkuu Malômbla.

25 David ni mimañ mi Israel lôñni baane ba dikôô ba bi ke ni maséé+ i begee nkuu Malômbla u Yéhôva, u u bé i ndap Ôbed-Édôm.+ 26 I ngéda bañga Nyambe a bi hôla bon ba Lôk Lévi ba ba bé ba bééga nkuu Malômbla u Yéhôva, ba sem balôm ba nyaga basaambok ni balôm ba mintômba+ basaambok. 27 David a bé a hééba mbôñgô mbot u u gwé bé binam, u bé nkôñlak ni loñge libadô; nlélém kiki bon ba Lôk Lévi bobasôna ba bé ba bééga nkuu Malômbla, yak batôp tjémbi, lôñni Kenania nu a bé éga batôp tjémbi ba ba mbegee nkuu Malômbla; David a bé a hééba ki éfôd*+ i i bé nkôñlak ni libadô li loñge bôñgô.* 28 Bon ba Israel bobasôna ba bé ikété limut li bé éga nkuu Malômbla u Yéhôva, ba leñek diléla,+ ba hemek hioñ ni sép,+ ba kôdôk bibende bi mamuna, ba kôdôk ki bikôkôda bi manganda makeñi lôñni diluñ.+

29 Ndi i ngéda nkuu Malômbla u Yéhôva u bi pam i Nkoñ u David,+ ngond Saulô le Mikal+ a béñge i winda, a tehe Kiñe David a nkiiña, a sagak; a kahal yan nye mu ñem+ wé.

16 Ba bi jôbna nkuu Malômbla u bañga Nyambe, ba bii wo ikété lap David a bi oñ;+ i mbus, ba sémél bañga Nyambe+ bisesema bi ntul i hié ni bisesema inyu kôp nsañ. 2 I ngéda David a bi mal sem bisesema bi ntul i hié+ ni bisesema inyu kôp nsañ,+ a sayap bôt ba litén i jôl li Yéhôva. 3 David a ti ki hiki man Lôk Israel, bôlôm kiki bôda, ngiiña bret yada, koga yada i matam ma lién,* ni ôlô yada i matam ma nkôô wai. 4 I mbus, a pohol ngim bon ba Lôk Lévi le ba gwel nson i bisu bi nkuu Malômbla u Yéhôva,+ ba ti Yéhôva Nyambe nu Israel lipém,* ba ti nye mayéga, ba bégés ki nye. 5 Asaf+ nyen a bé ñéga, Sakaria a bé hôla nye mu nson u. Yéel, Semiramôt, Yéhiel,+ Matitiya, Éliab, Bénaya, Ôbed-Édôm ni Yéel ba bé kôt bikôkôda bi manganda ni diluñ;+ Asaf a kôdôk bibende bi mamuna,+ 6 biprisi le Bénaya ni Yahaziel ba bé hem sép ngéda yosôna i bisu bi nkuu Malômbla u bañga Nyambe.

7 I yokel nu nyen, inyu ngélé bisu David a bi tila hiémbi i ti Yéhôva mayéga, a kal Asaf+ ni lôkisañ le ba tôp hio, hio hini:

10 Kadbana inyu jôl jé lipubi.+

Miñem mi ba ba nyéñ Yéhôva mi konok maséé.+

11 Yéña Yéhôva,+ yéña ngui yé.

Yéña mahôla mé* ngéda yosôna.+

14 Nyen a yé Yéhôva Nyambe+ wés.

Mbagi yé i yé inyu nkoñ ’isi wonsôna.+

23 Tublana Yéhôva tjémbi, a bé bôt ba hisi bobasôna!

Añlana tohi yé hiki kel!+

25 Yéhôva a yé mpémba, a kôli ki le di bégés nye ngandak.

A kôli le di kon nye woñi iloo banyambe+ bape bobasôna.

Ôôbana i bisu bi* Yéhôva ni mambot mapubhaga.*+

30 Sehlana i bisu gwé, a bé bôt ba hisi bobasôna!

Hisi* hi umi siñ siñ; hi ta bé le hi nyeñg.*+

Litén jolisôna li kal le: “Amen!”* Li bégés ki Yéhôva.

37 I mbus, David a yék Asaf+ ni lôkisañ ha i bisu bi nkuu Malômbla u Yéhôva, le ba gwel nson hiki ngéda i bisu bi nkuu Malômbla,+ kiki ba bé lama sal hiki kel.+ 38 Ôbed-Édôm ni lôkisañ ba bé 68 bôt; Ôbed-Édôm man Yédutun ni Hôsa ba bé batat nwemel; 39 prisi le Zadok+ ni biprisi bipe bi bé i bisu bi lap i Yéhôva i homa a nyôgi i Gibéôn,+ 40 le ba sémél Yéhôva bisesema bi ntul i hié hiki ngéda i ngii juu li bisesema bi ntul i hié, kegla ni kôkôa; ni le ba boñ mam momasôna ma yé ntilga i Mbén Yéhôva a bi ti Israel.+ 41 Héman ni Yédutun+ ba bé lôñni bo, yak ni bôt ba bi yégle ikété bôt ba bi pohlana, ba sima ki bo môl le bon ba nlama ti Yéhôva+ mayéga, inyule “loñge yé ñem* i nom mba ni mba.”+ 42 Héman+ ni Yédutun ba bé hem sép, ba kôdôk bibende bi mamuna ni bikôkôda bipe inyu bégés* bañga Nyambe; bon bôlôm ba Yédutun+ ba bé tat nwemel. 43 I mbus hala, bôt ba litén bobasôna ba huu mambai map, yak David a ke i sayap lihaa jé.

17 Kiki David a mal oñ ndap* yé, a jôp mu, a kal mpôdôl Natan+ le: “Béñge ki, me yiine ikété ndap i bikék bi sidar,+ ndi nkuu Malômbla u Yéhôva u yéne i ndap libadô.”+ 2 Natan a timbhe David le: “Boñ kiki ñem woñ u ntinde we i boñ, inyule bañga Nyambe a yé ni we.”

3 Ndi i u u, Nyambe a kal Natan le: 4 “Ke kal ngwélél wem David le: ‘Haana nyen Yéhôva a nkal: “We bé nyen w’a ôñôl me ndap me nlama yééne.+ 5 Inyule me bi yééne bé ikété ndap ibôdôl nu me bi nyodna Israel i Égiptô letee ni i len ini, ndi me bi yééne ndigi i mandap ma mabadô ni mandap ma mabadô, me bé me nyodi ini lap, me tagbe ii.*+ 6 Mu ngéda yosôna me bé kiha ni litén li Israel jolisôna, baa me bi tjeelene nkéés wada ikété bakéés me bi téé le ba éga litén, le: ‘Inyuki u ñôñôl bé me ndap i bikék bi sidar?’”’

7 “Nano ni, kal ngwélél wem David le: ‘Haana nyen Yéhôva nu mintôñ mi gwét a mpot: “Me bi yôñôl we nyoo i nwom, i het u bé téédana mintômba, inyu yilha we ñane litén jem Israel.+ 8 M’a ba ni we to hee homa u nke,+ m’a tjé ki baoo+ boñ bobasôna. M’a yilha jôl joñ kiki môl ma bôt bakeñi ba nkoñ ’isi.+ 9 Men m’a pohol homa inyu litén jem Israel, me yis ki jo mu. Ba ga yén mu ibabé le yom yo ki yo i tééñga bo; to bibéba bi bôt bi ga tét* ha bé bo kiki bi bé boñ bo kôba,+ 10 kiki ba bé boñ ibôdôl i ngéda me bé téé bakéés ba litén jem Israel.+ M’a tohol we i moo ma baoo+ boñ bobasôna. Me nkal ki we le: ‘Yéhôva a’ boñ le ane i nyodi bañ i lihaa joñ.’*

11 “‘“I ngéda dilo tjoñ di niñ di ga kola, u nwo,* ha nyen m’a yik boñ le man woñ munlôm wada ikété mbôda* yoñ,+ a ane, m’a lédés ki ane+ yé. 12 Nyen a ga ôñôl me ndap,+ m’a lédés ki ane yé i boga ni boga.+ 13 M’a ba isañ, nye ki a’ ba man+ wem. M’a waa bé unda nye gwéha*+ kiki me bi waa unda yo nu a bi bôk a ba kiñe.+ 14 M’a téé nye le a éga ndap yem, me yilha ki nye kiñe i boga ni boga,+ yééne yé ane y’a nom mba ni mba.”’”+

15 Natan a bi kal David i mam ma momasôna ni i yiinda ini yosôna.

16 Ha nyen Kiñe David a bi ke, a yén i bisu bi Yéhôva, a kal le: “A Yéhôva Nyambe, me yé njee? Yak bôt bem ba lihaa ba yé bonjee inyu kôhna i mam mana momasôna u mbôñôl me letee ni nano?+ 17 A Nyambe, u mpot kii bo le i mam u bi bôñôl me ma yé ndék. U mbôn ki me le lihaa jem li ga nom i ntandaa ngéda,+ u ntehe me kiki mut nu a kôli ni lipém likeñi,* a Yéhôva Nyambe. 18 Kii me nla ki kal, me ngwélél woñ David, inyu lipém lini u nti me? Inyule wemede u nyi me loñge loñge.+ 19 A Yéhôva, inyu loñge i ngwélél woñ ni inyule hala a bé sômbôl yoñ, u bi boñ i mam makeñi mana momasôna, u yelel ki bikeñi+ gwoñ.* 20 A Yéhôva,+ numpe a ta bé kiki we; handugi we,+ Nyambe numpe a ta bé. I mam momasôna di bi nok ma ñunda toi hala. 21 Limbe litén lipe li yé hana ’isi kiki litén joñ Israel?+ We a bañga Nyambe, u bi ke, u kobol jo le li ba litén+ joñ. Bihélha gwoñ bi mam ni mam moñ makeñi+ ma bi boñ le jôl joñ li yiba, u luhul ki biloñ bipe i bisu bi litén+ joñ u bi kobol i Égiptô. 22 U bi boñ le bon ba Israel ba ba litén joñ i boga ni boga.+ Yak we, a Yéhôva, u yila Nyambe+ wap. 23 Nano ni, a Yéhôva, boñ le mbônga u bi bôn ngwélél woñ ni lihaa jé u yon i boga ni boga. Soho, yônôs yaga mbônga+ woñ. 24 Jôl joñ li yiba, li kôhna ki lipém+ i boga ni boga, inyu boñ le bôt ba kal le: ‘Yéhôva nu mintôñ mi gwét, Nyambe nu Israel, a yé toi Nyambe inyu Israel!’ Boñ le lihaa li ngwélél woñ David li telep siñ i bisu gwoñ.+ 25 Inyule we, a Nyambe wem, u bi yeelene ngwélél woñ le ane y’a nyodi bé i lihaa jé.* Inyu hala nyen ngwélél woñ a nsoohe we ni botñem. 26 Nano ni, a Yéhôva, wen u yé bañga Nyambe, u mbôn ki ngwélél woñ i mam malam mana. 27 Jon soho, sayap lihaa li ngwélél woñ, li nom ki i boga ni boga i bisu gwoñ, inyule we a Yéhôva, i jam u nsayap li yé nsaibak i boga ni boga.”

18 I mbus ndék ngéda, David a yémbél bôt ba Filistia gwét, a suhus ki bo isi ane yé, a kadal ki tison Gat+ ni minkoñ nwé* i moo ma bôt ba Filistia.+ 2 I mbus, a yémbél Lôk Môab+ gwét, bôt ba Môab ba yila bagwélél ba David, ba kahal saa nye tas.+

3 David a bi yémbél Hadadézer,+ kiñe Zôba,+ bebee ni Hamat+ i ngéda Hadadézer a bé ke i téé ane yé i nkoñ u u yé i lom Ufraté.+ 4 David a yoñ nye 1 000 hi bikak bi gwét, a gwel ki nye 7 000 di bakilhosi ni 20 000 di bisônda di di nkil ’isi.+ I mbus, David a kit minkañ mi makôô ma bihosi gwobisôna bi bi bé ôt bikak bi gwét, ndi a yék ndik 100 bihosi.+ 5 I ngéda bôt ba Siria ba ba bé i Damaskô ba bi lo i hôla Hadadézer, kiñe Zôba, David a nol 22 000 bôt ba Siria.+ 6 I mbus hala, David a oñ mayééne ma bisônda i Siria, nyoo i Damaskô; bôt ba Siria ba yila bagwélél ba David, ba saak nye tas. Yéhôva a bé boñ le David a yémbél gwét* hiki homa a bé ke.+ 7 David a bi kadal ki bagwélél ba Hadadézer biben gwap bi gôl bi bi yé ngiiña, a kena gwo i Yérusalem. 8 David a bi kadal ki ngandak mamuna i Tibhat ni i Kun, bitison bi Hadadézer. Ni i mamuna ma mon Salômô a bi bôñôl Tuye mamuna,+ mél ni bisélél bi mamuna.+

9 I ngéda kiñe Hamat le Tu a bi nok le David a nyémbél ntôñ gwét wonsôna u kiñe Zôba+ le Hadadézer,+ 10 i nlélém ngéda a om man wé Hadôram yak Kiñe David inyu yi too a yé mbôô ni inyu bégés nye le a njôs Hadadézer gwét, a yémbél ki nye (inyule Hadadézer a bé béna jôs Tu gwét). Hadôram a bi lona David mintén nwominsôna mi gwom bi gôl, bi silba ni bi mamuna. 11 Kiñe David a ti i gwom bi inyu nson u Yéhôva,+ kiki a bi boñ ni silba lôñni gôl a bi yoñ i biloñ gwobisôna kiki bo i Édôm ni i Môab, i Lôk Amôn,+ i Lôk Filistia+ ni i Lôk Amalek.+

12 Abisai,+ man Séruya,+ a bi nol 18 000 bon ba Lôk Édôm i nsôsôgô u Bas.+ 13 A oñ mayééne ma bisônda i Édôm, bôt ba Édôm bobasôna ba yila bagwélél ba David.+ Yéhôva a bé boñ le David a yémbél gwét* hiki homa a bé ke.+ 14 David a bi kônde ane Israel+ yosôna, a bé pémhene bôt bobasôna mbagi sép,+ a bé ane ki ni telepsép. 15 Yôab, man Séruya, nyen a bé ñane ntôñ u gwét;+ Yéhôsafat,+ man Ahilud, a bé ntila miñañ; 16 Zadok, man Ahitub, lôñni Ahimélek, man Abiatar, ba bé biprisi, Safsa a bé mut matila. 17 Bénaya, man Yéhôyada, a bé ñane Lôk Kéret+ ni Lôk Pélet.+ Bon ba David ba bé baane ba bisu i mbus kiñe.

19 I mbus, Nahas kiñe Lôk Amôn i wo, man wé a yoñ tel yé kiñe.+ 2 Ha nyen David a bi kal le: “M’a unda Hanun, man Nahas, loñgeñem,*+ inyule isañ a bi unda me loñgeñem.” David a om balegelnwin le ba hôgbaha Hanun ñem inyu nyemb isañ. Ndi i ngéda bagwélél ba David ba bi pam i loñ i Lôk Amôn+ inyu hôgbaha Hanun, 3 baane ba Lôk Amôn ba kal Hanun le: “Baa u nhoñol le David a ñom bôt i hôgbaha we inyule a tinak isoñ lipém? Baa bagwélél bé ba nlo bé i weeni inyu kiiña homa nyensôna, le ba hes loñ inyu boñ le ba tjé we?” 4 Jon Hanun a bi gwel bagwélél ba David, a homb bo mayéé,+ a kit bo mambot letee ni i gwep; i mbus, a huuha bo. 5 I ngéda David a bi nok i jam ba bi boñ bagwélél bé, a pala om bôt bape i boma bo, inyule ba bi wéha bo nyuu ngandak. Kiñe David a kal bo le: “Yéna i Yérikô+ letee mayéé manan ma témb ma nañ; i mbus, ni huu.”

6 I mbus ngéda, Lôk Amôn i nôgda le i nkahal numbul David bôô njiñ, Hanun ni bon ba Lôk Amôn ba bi om 1 000 hi talént* i silba le bôt ba Mésôpôtamia,* ba Aram-Maaka ni ba Zôba+ ba ômle bo bikak bi gwét ni bakilhosi. 7 Hala nyen ba bi poo 32 000 bikak bi gwét, yak kiñe Maaka ni ntôñ wé gwét ba lo i hôla bo. Ba bi ke ba yééne i bisu bi Médéba.+ Bon ba Amôn ba bi nyodi i bitison gwap, ba kodba inyu gwét.

8 I ngéda David a bi nok hala, a om Yôab+ ni ntôñ wé gwét wonsôna, yak ni mimpémba nwé mi bôt ba gwét.+ 9 Lôk Amôn i bi pam, mintôñ nwap mi kodba i jo gwét i lijubul li tison; ndi bikiñe bi bi lo i hôla bo, bi telep nyoo i bikai.

10 I ngéda Yôab a bi tehe le baoo bap ba nleñ bo gwét i bisu ni i mbus, a pohol ngim bôt ikété bañga yé bôt ba gwét, a kot bo, a téé ki bo le ba jôs bôt ba Siria+ gwét. 11 Yôab a bii bana bôt ba gwét bape isi énél i* manyañ le Abisai,+ a kal nye le a kot bo, a téé ki bo le ba jôs Lôk Amôn. 12 I mbus, a kal le: “Ibale bôt ba Siria+ ba nloo me ngui, u nlama lo i hôla me; ndi ibale Lôk Amôn i nloo we ngui, men m’a lo i hôla we. 13 Di lédés, di bana ki ñem ngui+ inyu litén jés ni inyu bitison bi Nyambe wés; Yéhôva a ga boñ i jam li nene loñge i mis mé.”

14 Ha nyen Yôab a bi ke i jôs bôt ba Siria gwét, ba ke nye ngwéé.+ 15 I ngéda Lôk Amôn i bi tehe le bôt ba Siria ba nke ngwéé, yak bo ba ke Abisai, manyañ Yôab, ngwéé; ba ke ba solop i tison. I mbus, Yôab a témb i Yérusalem.

16 I ngéda bôt ba Siria ba bi tehe le bon ba Israel ba nyémbél bo gwét, ba om balegelnwin i sébél bôt ba Siria bape ba ba bé bebee ni Lom,*+ Sôfak, ñane ntôñ gwét u Hadadézer, nyen a bé éga bo.+

17 Kiki David a nok ndik hala, i nlélém ngéda a kot ntôñ gwét u Israel wonsôna, a yap Yordan, a ke i boma bôt ba Siria, a téé bisônda gwé inyu jôs bo. David a bi téé ntôñ wé gwét inyu jôs bôt ba Siria, yak bôt ba Siria ba bi telep i jôs nye.+ 18 Ndi bôt ba Siria ba ke bon ba Israel ngwéé; David a bi nol 700 baluk bikak ni 40 000 ma bisônda bi bi nkil ’isi ikété bôt ba Siria; David a nol yak Sôfak, ñane ntôñ wap gwét. 19 I ngéda bagwélél ba Hadadézer ba bi tehe le Israel+ a nyémbél bo, ba pala kôp nsañ ni David, ba yila ki bagwélél+ bé; kekikel, bôt ba Siria ba bi top ha bé hôla bon ba Lôk Amôn.

20 I bibôdle bi nwii,* i ngéda bikiñe bi bé béna ke i gwét, Yôab+ a bi éga ntôñ gwét i jôs Lôk Amôn, ba tjé loñ i Lôk Amôn; a ke a kéña tison Raba.+ David a bi yégle i Yérusalem.+ Yôab a bi leñ tison Raba gwét, a tjé yo.+ 2 I mbus, David a héya ntut u bé i ño u sat yap le Malkam, a tehe le u nyét talént* i gôl yada, u ban-ga ki tik ngok. Ba bi kéhi wo i ño u David. A bi yoñ yak ngandak nkus nyoo i tison.+ 3 A kena ki i bôt ba bé yééne mukété tison le ba sal bôlô ngéba:+ ba bé gwélél soo i i nkit ngok, bisélél bi kei* bi bi nhoo, ni minkuleñ.* Hala nyen David a bi boñ bitison gwobisôna bi Lôk Amôn. Sôk i nsôk, David ni ntôñ wé gwét wonsôna ba témb i Yérusalem.

4 I mbus hala, gwét bi bôô ni bôt ba Filistia i Gézer. Ha nyen Sibekai,+ man Lôk Husa, a bi nol Sipai nu a bé mu mbôda Lôk Réfaim;+ hala nyen bôt ba Filistia ba bi nimis gwét.

5 Gwét bi bôô ki ni bôt ba Filistia. Elhanan, man Yair, a nol Lami manyañ Gôliat,+ mut Gat, kék i likoñ li mut nu i bé ikeñi kiki kék ba ngwélél inyu bañ mabadô.+

6 Gwét bi bi témb bi bôô i Gat.+ Nyoo nyen mbôñgô mut+ wada u bé, hiki woo wé u bééna dinoo disamal, yak hiki kôô wé u ban-ga dinoo disamal; dinoo tjé tjodisôna di bé 24. Yak nye a bé lôl i mbôda Lôk Réfaim.+ 7 A bé béna nyumbla+ bon ba Israel. Jon Yônatan, man Siméa,+ manyañ David, a bi nol nye.

8 I bôt bana ba bé lôl i mbôda Lôk Réfaim,+ ba yéénege i Gat.+ David ni bôt bé ba gwét bon ba bi nol bo.

21 Lisañ jada, Satan* a bi kolba Israel, a tinde David i soñgol bon ba Israel.+ 2 David a bi kal Yôab+ lôñni baane ba litén le: “Kena, soñglana bon ba Israel ibôdôl i Dan+ ikepam i Béer-Séba; i mbus, ni loo ni kal me nsoñgi wap.” 3 Ndi Yôab a timbhe le: “Yéhôva Nyambe woñ a kônde bulus litén jé 100 ngélé! A nwet wem kiñe, baa i bôt ba bobasôna ba ta bé bagwélél boñ? Inyuki u nsômbôl boñ i nya jam ini, a nwet? Inyuki u nsômbôl boñ le bikuu bi kwél Israel?”

4 To hala, kiñe i nyégsa Yôab i boñ i yom i bi kal. Jon Yôab a bi bet, a sôs ni loñ Israel yosôna; i mbus, a témb i Yérusalem.+ 5 Yôab a ti David nsoñgi u bôt ba litén. Bôlôm ba Israel ba ba bé gwel pansoñ ba bé 1 100 000; bôlôm ba Yuda ba ba bé gwel pansoñ+ ba bé 470 000. 6 Ndi Yôab+ a bi soñgol bé bôt ba litén li Lévi,+ to li Benyamin inyule oda kiñe i bi lémél bé nye.

7 I jam li, li bi bébél bañga Nyambe ngandak, jon a bi kogse Israel. 8 Ha nyen David a bi kal bañga Nyambe le: “I jam lini me mboñ, li yé béba+ ikeñi. Nano ni, soho nwéhél liboñok libe+ li ngwélél woñ, inyule me nlôôha jôñôp.”+ 9 Ha nyen Yéhôva a bi pôdôs Gad,+ ntehemam nu a bé ti David maéba, le: 10 “Ke kal David le: ‘Haana nyen Yéhôva a mpot: “Pohol ikété kogse ini yo aa. I kogse w’a pohol, yon w’a kôhna.”’” 11 Gad a ke yak David, a kal nye le: “Haana nyen Yéhôva a mpot: ‘Pohol jam jada 12 ipôla nwii maa mi himala hi njal;+ sôñ aa le baoo boñ ba ga yémbél+ we, ba nolok we ni pansoñ; tole dilo daa le Yéhôva a nlona pansoñ yé, añgel i Yéhôva i tjék+ bôt ni himala hi kon i loñ Israel yosôna.’+ Hek pék, u kal me i jam me timbhe i nwet a ñom me.” 13 Ha nyen David a bi kal Gad le: “I jam lini li ntééñga me ngandak. I yé nseñ le me kwél i moo ma Yéhôva, inyule konangoo yé i yé ikeñi;+ ndi me kwo bañ i moo ma mut binam.”+

14 I mbus, Yéhôva a leñ himala hi kon+ i Israel, 70 000 ma bon ba Israel ba wo.+ 15 Bañga Nyambe a bi om ki añgel yé le i tjé Yérusalem; ndi i ngéda Yéhôva a bi tehe le añgel i yé bebee i boñ hala, a héñha mahoñol,*+ a kal añgel i bé lona tjiba le: “Hala a kôli!+ Nwahak hala!”* Añgel i Yéhôva i bé i téé bebee ni litidil li Ornan,+ man Lôk Yébus.+

16 I ngéda David a bi pa mis, a tehe añgel i Yéhôva i téé ipôla ’isi ni ngii lôñni pansoñ+ i woo, i ma nand yo i pes Yérusalem. David ni mimañ mi litén mi haba minsugut,+ mi ôôp, mi ôm mbom ’isi.+ 17 David a kal bañga Nyambe le: “Men me bi kal le ba soñgol bôt ba litén. Men me mboñ béba, me ki nyen me mboñ i jam libe+ lini; ndi i mintômba mini mi mboñ kii? A Yéhôva Nyambe wem, soho, men u nlama kogse ni lihaa li tata; ndi u boñ bañ le himala hini hi kwél litén+ joñ.”

18 Añgel i Yéhôva i om Gad+ i kal David le a ôñôl Yéhôva juu li bisesema i litidil li Ornan, man Lôk Yébus.+ 19 Ha nyen David a bi bet nyoo, kiki Yéhôva a bi ti Gad oda. 20 Ndi Ornan a bé bép blé, a hielba, a tehe añgel, bon bé bôlôm bo ba-na ba ba bé lôñni nye ba ke ba solop. 21 I ngéda David a bi tiige nye bebee, Ornan a tehe David, a pala nyodi i litidil, a ôôp i bisu bi David, a ôm mbom ’isi. 22 David a kal Ornan le: “Nuñle* me litidil lini, inyu boñ le me ôñôl Yéhôva juu li bisesema. Nuñle me jo i ndamba i kôli inyu boñ le himala hi hi nkwél litén hi mal.”+ 23 Ndi Ornan a timbhe David le: “A kiñe, a nwet wem, yoñok wom wem, u yé woñ. Boñ i jam li nlémél we.* Balôm ba nyaga bana me nti we inyu bisesema bi ntul i hié, yak kak ba mbibil+ blé ini, gwélél yo kiki tjéé, yoñ yak blé ini kiki likébla li bijek. Me nti we gwobisôna.”

24 Ndi Kiñe David a kal Ornan le: “To, m’a somb yaga gwo i ndamba i kôli. Inyule m’a yoñ bé i yom i yé i yoñ, me ti yo Yéhôva, tole me ti bisesema bi ntul i hié bi bi nhee bé to yom.”+ 25 Jon David a bi ti Ornan gôl i i bé yét 600 sékel* inyu somb homa nu. 26 Nyoo nyen David a bi oñ juu li bisesema+ inyu Yéhôva, a ti ki bisesema bi ntul i hié ni bisesema inyu kôp nsañ, a lôndôl ki Yéhôva, nu a bi timbhe nye lôñni hié+ hi hi bi lôl i ngii, hi ligis bisesema bi bi bé i ngii juu. 27 I mbus, Yéhôva a kal añgel+ le i timbis pansoñ i sogoo yé. 28 I hilo hi, kiki David a ntehe le Yéhôva a ntimbhe nye i litidil li Ornan man Lôk Yébus, a kônde sem bisesema ha. 29 Ha ngéda i, lap i Yéhôva Môsi a bi oñ i ñoñ ni juu li bisesema bi bé i homa a nyôgi nu Gibéôn.+ 30 Ndi David a bi la ha bé ke nyoo i bat Nyambe jam inyule pansoñ i añgel i Yéhôva i bi kôhna nye woñi.

22 I mbus, David a kal le: “Ndap Yéhôva bañga Nyambe y’a ba hana, hana ki nyen juu li bisesema bi ntul i hié li Israel+ li ga ba.”

2 David a bi ti oda le ba lona nye bakén+ ba bôt ba ba bé i loñ Israel, a ti bo bôlô i bol ngok ni i kôñg yo inyu oñ ndap i bañga Nyambe.+ 3 David a bi kôôba ngandak bikei* inyu boñ batone i tômôl makôga ma manwemel ni inyu boñ bibéndél;* a bi kôôba ki ngandak mamuna kayéle ba bi la bé hek kilô,+ 4 a kôôba yak bikék bi sidar+ bi bi bééna bé nsoñgi, inyule bôt ba Sidôn+ ni bôt ba Tir+ ba bi lona David ngandak bikék bi sidar. 5 David a bi kal le: “Man wem Salômô a yé mañge, a yé ngi to boñ i nya bôlô i;*+ ndi i ndap i nlama ôña inyu Yéhôva i ga ba ilam iloo hihéga,+ jôl jé ni bilama+ gwé bi kenek ngan i biloñ+ gwobisôna. Jon m’a kôôbana nye bisélél.” Inyu hala nyen David a bi kôôba ngandak bisélél ilole a nwo.

6 A bi sébél Salômô, a kal nye le a oñ ndap Yéhôva, Nyambe nu Israel. 7 David a kal Salômô le: “Me bééna ngôñ i oñ ndap inyu jôl li Yéhôva Nyambe+ wem. 8 Ndi Yéhôva a bi kal me le: ‘U nkôp matjél ngandak, u njo ki gwét ngandak. W’a oñ bé ndap inyu jôl+ jem inyule u nkôp matjél ngandak hana ’isi i bisu gwem. 9 W’a bana man munlôm+ nu a ga ba mut nsañ,* me ga ti nye noi, kayéle baoo bobasôna ba ba nkéña nye+ ba ga lo bé i jôs nye, inyule jôl jé li ga ba le Salômô;*+ i dilo+ tjé, m’a lona nsañ ni nwee i Israel. 10 Nyen a ga oñ ndap inyu jôl+ jem. A ga yila man wem, me m’a yila isañ.+ M’a lédés ki yééne yé ane i Israel i boga ni boga.’+

11 “Nano a man wem, Yéhôva a ba ni we, mam ma kee ki loñge inyu yoñ, u oñ ki ndap Yéhôva Nyambe woñ, kiki a bi pot inyu yoñ.+ 12 Yéhôva a ti we pék+ ni yi i ngéda a ga ti we ane i Israel, inyu boñ le u noñ mambén ma Yéhôva Nyambe+ woñ. 13 Mam m’a ke loñge inyu yoñ ibale u noñ matiñ+ ni matéak Yéhôva a bi ti Môsi inyu Israel.+ Bana ñem ngui, u lédés ki. U kon bañ woñi, u sehla bañ to.+ 14 Me nyoñ ngéda ngandak i kôôba maoñ ma ndap Yéhôva: 100 000 talént* i gôl ni 1 000 000 talént i silba, yak ni ngandak mamuna ni bikei*+ kayéle ba nla bé hek kilô; me nkôôba ki bikék ni ngok,+ ndi w’a kônde gwom bipe mu. 15 U gwé ngandak bôt ba bôlô: bakôñg ngok,+ baoñ mandap, bikapinda ni mintén mi bôt nwominsôna mi mi gwé makeñge ma bôlô.+ 16 Gôl, silba, mamuna ni bikei* bi yé ngandak kayéle mut a nyi bé gwo nsoñgi.+ Telep, bôdôl bôlô, Yéhôva a ba ni we.”+

17 I mbus, David a ti baane ba Israel bobasôna oda le ba hôla man wé Salômô. A kal bo le: 18 “Yéhôva Nyambe nan a yé lôñni bé, a bi ti bé noi bipes gwobisôna. Nyen a bi boñ le me ane bôt ba loñ yosôna, loñ yosôna i yé ki i moo ma Yéhôva ni i moo ma litén jé. 19 Nano, yoña makidik i yéñ Yéhôva Nyambe nan ni miñem* minan nwominsôna, ni niñ nan yosôna.+ Ni bôdôl ki oñ témpel Yéhôva, bañga Nyambe;+ inyu boñ le ba lona nkuu Malômbla u Yéhôva ni bisélél bipubhaga bi bañga Nyambe+ mu ndap y’a ôña inyu jôl li Yéhôva.”+

23 I ngéda David a bi un ngandak kayéle a ba bebee ni nyemb,* a bi téé man wé Salômô kiñe Israel.+ 2 I mbus, a kot baane ba Israel bobasôna, biprisi+ ni Lôk Lévi.+ 3 Ba bi soñgol+ Lôk Lévi i i bééna 30 ma nwii tole iloo ha; ba soñgol bo wada wada, nsoñgi wap u pam 38 000. 4 Ikété yap, bakena nson u ndap Yéhôva ba bé 24 000, bagwélél ni bakéés+ ba bé 6 000, 5 batat manwemel+ ba bé 4 000, 4 000 di bôt dipe di bé bégés+ Yéhôva lôñni bikôkôda David a bi kélél le: “Me mboñ gwo inyu bégés Nyambe.”

6 I mbus, David a kap* bo mintôñ mintôñ+ inoñnaga ni bon ba Lévi: Gersôn, Kôhat ni Mérari.+ 7 Bon ba Gersôn le Ladan ni Siméi. 8 Bon ba Ladan le Yéhiel nu a bé ñane, Zétam ni Yôel,+ ba bé bo baa. 9 Bon ba Siméi le Selômôt, Haziel, Haran; ba bé bo baa. Baéga ba mandap ma bikôkôa ma Ladan ba. 10 Bon ba Siméi ba bé le Yahat, Zina, Yéus ni Béria. Bo ba-na ba bé bon ba Siméi. 11 Yahat nyen a bé a ñane, Ziza a noñok nye. Ndi kiki Yéus ni Béria ba bi bana bé ngandak bon bôlôm, ba bi yila ndap bikôkôa yada, ba kôhna ki nson wada.

12 Bon ba Kôhat le Amram, Izhar,+ Hébrôn ni Uziel,+ ba bé bo ba-na. 13 Bon ba Amram le Arôn+ ni Môsi.+ Ndi Nyambe a bi pohol+ Arôn ni bon bé bôlôm inyu pubus Homa a nlôôha mpubhaga, inyu ti Yéhôva bisesema, inyu sélél nye ni inyu sayap litén i jôl jé i boga ni boga.+ 14 Ndi inyu Môsi, mut bañga Nyambe, ba bi soñgol bon bé ikété litén li Lôk Lévi. 15 Bon ba Môsi le Gersôm+ ni Éliézer.+ 16 Ñane bon ba Gersôm le Sébuel.+ 17 Réhabia nyen a bé éga mbôda* Éliézer; Éliézer a bi bana bé bon bôlôm bape, ndi ki le bon ba Réhabia+ ba bé ngandak. 18 Ñéga bon ba Izhar+ a bé le Sélômit.+ 19 Bon ba Hébrôn le Yéria nu a bé ñéga, nu yônôs iba le Amaria, nu yônôs aa le Yahaziel, nu yônôs ina le Yékaméam.+ 20 Bon ba Uziel+ le Mika, nu a bé ñéga, nu yônôs iba le Isiya.

21 Bon ba Mérari le Mali bo Musi.+ Bon ba Mali le Éléazar bo Kis. 22 Éléazar a bi wo ngi man munlôm, a bi bana ndigi bon bôda. Bon ba Kis, manyañ isañ wap,* bon ba bi bii bo. 23 Bon ba Musi le Mali, Éder ni Yérémôt, ba bé bo baa.

24 I bon ba Lôk Lévi bana bon ba bi soñglana inoñnaga ni mandap map ma bikôkôa, ni baéga ba mandap map ma bikôkôa. Ba bi soñgol bon ba Lôk Lévi ibôdôl i 20 ma nwii tole iloo ha, ba tila ki môl map ikété bikaat. Bon ba bé gwel minson mi ndap Yéhôva. 25 Inyule David a bi kal le: “Yéhôva Nyambe nu Israel a nti litén+ jé noi, a ga yééne i Yérusalem i boga ni boga.+ 26 Bon ba Lôk Lévi ba ga begee ha bé lap, to yom yo ki yo ba ngwélél i nson u lap.”+ 27 Inyu hala nyen David a bi ti biniigana bi nsôk le, ba soñgol bon ba Lôk Lévi ba ba bééna 20 ma nwii tole iloo ha. 28 Bôlô yap i bé le ba hôla bon ba Arôn+ inyu nson u ndap Yéhôva, ba bé yoñ ngéda ni bikotoo,+ bikumba, ni i pubus hiki yom ipubhaga, ni nson umpe wo ki wo u u mbéda i ndap i bañga Nyambe. 29 Ba bé ti ki mahôla inyu kôôba minlôñ mi bret,*+ flawa ilam inyu likébla li bijek, mimbamba mi biôlô mi ngi-séñha,+ bikoga ba mbôm i flapan, flawa le ba mbôô,+ ni mintén mi kilô nwominsôna inyu hek i gwom bi. 30 Ba bé telep hiki kegla+ inyu ti Yéhôva mayéga ni inyu bégés nye, ba boñok nlélém jam kôkôa.+ 31 Ba bé ti mahôla hiki ngéda i mbéda le ba sémél Yéhôva bisesema bi ntul i hié i kel sabat,+ i sôñ mondo,+ ni i mangéda ma mangand.+ Nsoñgi wap u bé inoñnaga ni mambén ba bi téé inyu yap. Ba bé gwel nson hiki ngéda i bisu bi Yéhôva. 32 Ba bé gwel yak minson mi ndap libadô i likoda ni mi homa mpubhaga; ba hôlga ki lôkisañ yap, bon ba Arôn inyu minson mi ndap Yéhôva.

24 Haana nyen ba bi kap mbôda Arôn: bon ba Arôn ba bé le Nadab, Abihu,+ Éléazar ni Itamar.+ 2 Nadab ni Abihu ba bi bôk ba wo ilole isañ+ wap a nwo, ba bi bana bé bon; ndi Éléazar+ ni Itamar ba bi kena nson wap prisi ni bisu. 3 David ni Zadok+ nu a bé lôl i mbôda Éléazar, lôñni Ahimélek nu a bé lôl i mbôda Itamar, ba bi kap mbôda Arôn mintôñ mintôñ inyu kébha bo minson. 4 Kiki mbôda Éléazar i bééna ngandak baéga iloo mbôda Itamar, haana nyen ba bi kap bo: mbôda Éléazar i bééna 16 baéga ba mandap ma bikôkôa, mbôda Itamar i bééna baéga ba mandap ma bikôkôa 8.

5 Ba bi leñ mbam+ inyu kap bo, ntôñ wada ni umpe, inyule baane ba homa mpubhaga ni baane ba ba bé gwel nson u bañga Nyambe, ba bé lôl i mbôda Éléazar ni i mbôda Itamar. 6 I mbus, Sémaya man Nétanel, mut matila nu bon ba Lôk Lévi, a tila môl map i bisu bi kiñe, ni i bisu bi baane ba litén, i bisu bi prisi le Zadok+ ni i bisu bi Ahimélek+ man Abiatar,+ ni i bisu bi baéga ba mandap ma bikôkôa ma biprisi ni ma Lôk Lévi. Ba bi pohol ntôñ wada inyu Éléazar, ba pohol ki wada inyu Itamar.

7 Ba bi leñ mbam, ba pohol mut nu bisu le Yehôyarib; nu yônôs iba le Yédaya, 8 nu yônôs aa le Harim, nu yônôs ina le Séôrim, 9 nu yônôs itan le Malkiya, nu yônôs isamal le Miyamin, 10 nu yônôs isaambok le Hakôs, nu yônôs juem le Abiya,+ 11 nu yônôs bôô le Yésua, nu yônôs jôm le Sékania, 12 nu yônôs 11 le Éliasib, nu yônôs 12 le Yakim, 13 nu yônôs 13 le Hupa, nu yônôs 14 le Yésébéab, 14 nu yônôs 15 le Bilga, nu yônôs 16 le Imer, 15 nu yônôs 17 le Hézir, nu yônôs 18 le Hapizes, 16 nu yônôs 19 le Pétaya, nu yônôs 20 le Yéhezkel, 17 nu yônôs 21 le Yakin, nu yônôs 22 le Gamul, 18 nu yônôs 23 le Délaya, nu yônôs 24 le Maazia.

19 Ni i oda ini nyen ba bé gwel minson+ nwap i ndap Yéhôva inoñnaga ni biniigana bi sôgôsôgôl wap Arôn, kiki Yéhôva Nyambe nu Israel a bi kal nye.

20 I bon ba Lôk Lévi ba bi yégle, bo bana: ikété bon ba Amram,+ Subael;+ ikété bon ba Subael, Yédéya. 21 Inyu bon ba Réhabia,+ ñéga le Isiya; 22 ikété bon ba Lôk Izhar, Selômôt;+ ikété bon ba Selômôt, Yahat; 23 ikété bon ba Hébrôn, ñane a bé le Yéria,+ nu yônôs iba le Amaria, nu yônôs aa le Yahaziel, nu yônôs ina le Yékaméam; 24 ikété bon ba Uziel, Mika; ikété bon ba Mika, Samir. 25 Manyañ Mika a bé le Isiya; ikété bon ba Isiya, Sakaria.

26 Bon ba Mérari+ ba bé le Mali ni Musi; ikété bon ba Yaaziya, Bénô. 27 I mbôda Mérari: ikété bon ba Yaaziya, Bénô, Sôham, Zakur ni Ibri; 28 ikété bon ba Mali, Éléazar nu a bi bana bé man munlôm;+ 29 inyu bon ba Kis, Yéraméel; 30 bon ba Musi ba bé le Mali, Éder ni Yérimôt.

Hala nyen bon ba Lôk Lévi ba bé ikété mandap map ma bikôkôa. 31 Yak bo ba bi leñ mbam+ kiki lôkisañ yap bon ba Arôn i bisu bi Kiñe David, bi Zadok, bi Ahimélek ni bi baéga ba mandap ma bikôkôa ma biprisi ni ma Lôk Lévi. Kiki ba bi boñ ni ndap bikôkôa i man nu mañ, hala nyen ba bi boñ ni ndap bikôkôa i man nu mbus.

25 David ni baane ba mintôñ mi mi bé gwel nson i témpel, ba bi pohol ngim bon ba Asaf, ba Héman ni ba Yédutun,+ le ba pot mbañ, ba kôdôk diluñ, bikôkôda bi manganda+ lôñni bibende bi mamuna.+ I bôt ba bé lama boñ nson u, môl map mana: 2 ikété bon ba Asaf, ba bi pohol Zakur, Yôsep, Nétania ni Asarela. Bon ba Asaf ba bé sal isi énél i Asaf, nyemede a bé pot mbañ, a salak isi énél i kiñe. 3 Ikété bon ba Yédutun,+ ba bi pohol Gédalia, Zéri, Yésaya, Siméi, Hasabia ni Matitiya,+ bôt basamal; ba bé sal isi énél i isañ wap Yédutun, nyemede a bé pot mbañ, a kôdôk hiluñ, a tinak Yéhôva+ mayéga, a béghak nye. 4 Ikété bon ba Héman,+ ba bi pohol Bukia, Matania, Uziel, Sébuel, Yérimôt, Hanania, Hanani, Éliata, Gidalti, Rômamti-Ézer, Yôsbékasa, Malôti, Hôtir ni Mahaziôt. 5 Bobasôna ba bé bon ba Héman, ntehemam nu kiñe, nu a bé añal mam ma bañga Nyambe, a tinak ki Nyambe lipém;* Nyambe a bi ti Héman 14 bon bôlôm ni bon bôda 3. 6 Bobasôna ba bé sal isi énél i isañ wap inyu tôp tjémbi i ndap Yéhôva ni bibende bi mamuna, ni bikôkôda bi manganda lôñni diluñ.+ I nson u won ba bé gwel i ndap i bañga Nyambe.

Asaf, Yédutun ni Héman ba bé isi énél i kiñe.

7 Bo ni lôkisañ yap ba bi nigil i tubul Yéhôva tjémbi, nsoñgi wap u bé 288. Bobasôna ba bé batôp tjémbi ba likeñge. 8 Ba bi leñ mbam+ inyu kébha hiki mut nson, batitigi ni bakeñi, ba ba gwé likeñge i tôp tjémbi ni ba ba bé nigil niglak.

9 Kiki ba nleñ mbam, ba pohol mut nu bisu le Yôsep+ man Asaf, nu yônôs iba le Gédalia+ (nye ni lôkisañ ni bon bé ba bé 12;) 10 nu yônôs aa le Zakur,+ bon bé ni lôkisañ ba bé 12; 11 nu yônôs ina le Izri, bon bé ni lôkisañ ba bé 12; 12 nu yônôs itan le Nétania,+ bon bé ni lôkisañ ba bé 12; 13 nu yônôs isamal le Bukia, bon bé ni lôkisañ ba bé 12; 14 nu yônôs isaambok le Yésaréla, bon bé ni lôkisañ ba bé 12; 15 nu yônôs juem le Yésaya, bon bé ni lôkisañ ba bé 12; 16 nu yônôs bôô le Matania, bon bé ni lôkisañ ba bé 12; 17 nu yônôs jôm le Siméi, bon bé ni lôkisañ ba bé 12; 18 nu yônôs 11 le Azarel, bon bé ni lôkisañ ba bé 12; 19 nu yônôs 12 le Hasabia, bon bé ni lôkisañ ba bé 12; 20 nu yônôs 13 le Subael,+ bon bé ni lôkisañ ba bé 12; 21 nu yônôs 14 le Matitiya, bon bé ni lôkisañ ba bé 12; 22 nu yônôs 15 le Yérémôt, bon bé ni lôkisañ ba bé 12; 23 nu yônôs 16 le Hanania, bon bé ni lôkisañ ba bé 12; 24 nu yônôs 17 le Yôsbékasa, bon bé ni lôkisañ ba bé 12; 25 nu yônôs 18 le Hanani, bon bé ni lôkisañ ba bé 12; 26 nu yônôs 19 le Malôti, bon bé ni lôkisañ ba bé 12; 27 nu yônôs 20 le Éliata, bon bé ni lôkisañ ba bé 12; 28 nu yônôs 21 le Hôtir, bon bé ni lôkisañ ba bé 12; 29 nu yônôs 22 le Gidalti,+ bon bé ni lôkisañ ba bé 12; 30 nu yônôs 23 le Mahaziôt,+ bon bé ni lôkisañ ba bé 12; 31 nu yônôs 24 le Rômamti-Ézer,+ bon bé ni lôkisañ ba bé 12.

26 Mintôñ mi batat manwemel+ mini: ikété Lôk Kôra, Mésélémia+ man Kôré, nu a bé i mbôda Asaf. 2 Mésélémia a bi bana bon bôlôm: mbôkgwéé le Sakaria, nu yônôs iba le Yédael, nu yônôs aa le Zébadia, nu yônôs ina le Yatniel, 3 nu yônôs itan le Élam, nu yônôs isamal le Yéhôhanan, nu yônôs isaambok le Éliô-Énai. 4 Ôbed-Édôm a bi bana bon bôlôm: mbôkgwéé le Sémaya, nu yônôs iba le Yéhôsabad, nu yônôs aa le Yôa, nu yônôs ina le Sakar, nu yônôs itan le Nétanel, 5 nu yônôs isamal le Amiel, nu yônôs isaambok le Isakar, nu yônôs juem le Pélétai; inyule Nyambe a bi sayap Ôbed-Édôm.

6 Yak man wé Sémaya a bi bana bon bôlôm ba ba bé baéga ba ndap yap bikôkôa, inyule ba bééna ngui, ba ban-ga ki ngap i sal bôlô. 7 Bon ba Sémaya le: Ôtni, Réfael, Ôbed ni Elzabad; yak ni lôkisañ yé Élihu ni Sémakia, yak bo ba bééna ngap i sal bôlô. 8 Bobasôna ba bé mbôda Ôbed-Édôm; bo ni bon bap ni lôkisañ ba bééna ngap i sal bôlô, ba salak ki bôlô ilam; mbôda Ôbed-Édôm i bééna 62 bôt. 9 Bon ba Mésélémia+ ni lôkisañ ba bé 18. 10 Yak Hôsa nu a bé lôl i mbôda Mérari, a bi bana bon bôlôm. Simri nyen a bé ñéga, to hala kiki a bé bé man nu mañ, isañ a bi téé nye ñane, 11 nu yônôs iba le Hilkia, nu yônôs aa le Tébalia, nu yônôs ina le Sakaria. Bon ba Hôsa bobasôna ni lôkisañ ba bé 13.

12 Ikété mintôñ mi batat manwemel mini, baane ba bé gwel nson kiki lôkisañ yap i ndap Yéhôva. 13 Ba bi leñ mbam+ inyu pohol njee ikété mandap ma bikôkôa a ntat umbe nwemel, ba bi boñ hala inyu ndap bikôkôa ititigi ni ikeñi. 14 Mbam i kwo le pes likôl i yé inyu Sélémia. I mbus, ba leñ mbam inyu man wé Sakaria, a bé nti maéba nu a gwé pék, mbam i kwo le a nke i pes ñombok. 15 Mbam i bi kwo inyu Ôbed-Édôm i pes nwelmbok, ba om bon+ bé i mandugi. 16 Mbam i bi kwo le Supim ni Hôsa+ ba nke i pes hiôñg, bebee ni nwemel u Saléket, ipañ nloñ nkeñi u nke i mabeda; ntôñ wada u batat manwemel u bé ipañ ntôñ umpe. 17 Bon ba Lôk Lévi ba bé basamal i pes likôl; ba-na i pes ñombok hiki kel; ba-na i pes nwelmbok hiki kel; ndi i mandugi,+ ba bé iba iba. 18 Inyu libebe li yé i pes hiôñg, bôt ba-na ba bé i nloñ nkeñi,+ iba ba bak i libebe. 19 Mintôñ mi batat manwemel mi Lôk Kôra ni mi Lôk Mérari mi.

20 Ikété Lôk Lévi, Ahiya nyen a bééna nson i tééda matéédana* ma nkus ma ndap i bañga Nyambe, ni bahoma ba bé téédana gwom bipubhaga.*+ 21 Bon ba Ladan, hala wee bon ba man Lôk Gersôn, nu a bé i mbôda Ladan, baéga ba mandap ma bikôkôa ba Ladan, man Lôk Gersôn, bana: Yéhieli+ 22 ni bon ba Yéhieli, Zétam ni manyañ le Yôel. Ba bééna nson i tééda matéédana* ma nkus ma ndap Yéhôva.+ 23 Ikété Lôk Amram, Lôk Izhar, Lôk Hébrôn ni Lôk Uziel,+ 24 Sébuel man Gersôm, man Môsi nyen a bé ane bôt ba nsal i mandugi. 25 Lôkisañ i i yé mbôda Éliézer+ i bé le: Réhabia,+ Yésaya, Yôram, Zikri ni Selômôt. 26 I Selômôt nunu ni lôkisañ bon ba bé gwel nson i bahoma bobasôna ba ntéédana gwom bipubhaga.+ I gwom bipubhaga bi, Kiñe David+ ni baéga ba mandap ma bikôkôa,+ ni baane ba dikôô di bôt, ni baane ba mbôgôl bôt, ni baane ba mintôñ mi gwét bon ba bi téé gwo bipubhaga. 27 Ikété gwom ba bi kadal+ i gwét,+ ba bi téé ngim gwom bipubhaga inyu tibil ndap Yéhôva; 28 yak ni gwom gwobisôna ntehemam+ le Samuel, Saulô man Kis, Abner+ man Ner, ni Yôab+ man Séruya+ ba bi téé bipubhaga. Hiki yom mut a bé le a téé ipubhaga, Sélômit* ni lôkisañ bon ba bé tééda yo.

29 Ikété Lôk Izhar,+ Kenania ni bon bé ba bé sal bé ikété ndap Nyambe, ba bé gwel ngim minson mi ngomin, ba bé bôt ba ngomin ni bakéés+ i Israel.

30 Ikété Lôk Hébrôn,+ Hasabia ni lôkisañ, 1 700 bôt ba ba bééna ngap i sal bôlô, ba bé bôt ba ngomin i Israel, i pes hiôñg i Yordan; bon ba bé éga nson wonsôna u Yéhôva ni nson u kiñe. 31 Yériya+ nyen a bé ñéga nu bon ba Lôk Hébrôn kiki bikaat bi mahaa bi ndap yap bikôkôa bi ñunda. I nwii mi nyônôs 40 mi ane i David+ nyen ba bi yéñ ikété bon ba Lôk Hébrôn, ba léba bôt i Yazer+ nu a yé i Giléad, mimpémba mi bôt ni bôt ba ba bééna ngap i sal bôlô. 32 Lôkisañ yap i bé 2 700 i bôt ba ba bééna ngap i sal bôlô, ba bak baéga ba mandap ma bikôkôa. Kiñe David a bi téé bo le ba ane litén li Ruben, litén li Gad ni pes litén i Manasé inyu hiki jam li mbéñge bañga Nyambe ni hiki jam li mbéñge kiñe.

27 Nsoñgi u bon ba Israel ba ba bé ikété ntôñ gwét unu, hala wee baéga ba mandap ma bikôkôa, baane ba dikôô di bôt, baane ba mbôgôl+ bôt, ni bôt ba ngomin ba ba bé gwélél kiñe.+ Bôlô yap i bé béñge mintôñ mi gwét mi mi nhéñha hiki sôñ, wada u nke, umpe u loo, nwii wonsôna; hiki ntôñ u bééna 24 000 bôt.

2 Yasôbéam,+ man Zabdiel, nyen a bé nkena ntôñ bisu i sôñ bisu; ntôñ wé u bééna 24 000 bôt. 3 A bé lôl i mbôda Péres,+ nyen a bé énél baane bobasôna ba mintôñ mi mi bé gwel nson i sôñ bisu. 4 Dôdai,+ man Lôk Ahôhi,+ nyen a bé éga ntôñ u nsal i sôñ i nyônôs iba; ntôñ wé u bééna 24 000 bôt. Miklôt a bé nhôla wé. 5 Bénaya,+ man prisi keñi le Yéhôyada,+ nyen a bé éga ntôñ u nsal i sôñ i nyônôs aa; ntôñ wé u bééna 24 000 bôt. 6 I Bénaya nunu a bé mut gwét nunkeñi, a bé ikété nsoñgi u 30 ma mimpémba mi bajogwét, nyen a bé ane ki bo; man wé Amizabad nyen a bé éga ntôñ wé. 7 Asahel,+ manyañ Yôab,+ nyen a bé ñane nu yônôs ina i sôñ i nyônôs ina, man wé Zébadia nyen a bi yoñ tel yé, ntôñ wé u bééna 24 000 bôt. 8 Samhut, man Lôk Izra, nyen a bé ñane nu yônôs itan i sôñ i nyônôs itan, ntôñ wé u bééna 24 000 bôt. 9 Ira,+ man Ikes, mut Tékôa,+ nyen a bé ñane nu yônôs isamal i sôñ i nyônôs isamal, ntôñ wé u bééna 24 000 bôt. 10 Héles,+ mut Pélon, man Lôk Éfraim, nyen a bé ñane nu yônôs isaambok i sôñ i nyônôs isaambok, ntôñ wé u bééna 24 000 bôt. 11 Sibekai,+ mut Husa, man Lôk Zéra,+ nyen a bé ñane nu yônôs juem i sôñ juem, ntôñ wé u bééna 24 000 bôt. 12 Abiézer,+ mut Anatôt,+ man Lôk Benyamin, nyen a bé ñane nu yônôs bôô i sôñ i nyônôs bôô, ntôñ wé u bééna 24 000 bôt. 13 Mahari,+ mut Nétôfa, man Lôk Zéra,+ nyen a bé ñane nu yônôs jôm i sôñ i nyônôs jôm, ntôñ wé u bééna 24 000 bôt. 14 Bénaya,+ mut Piratôn, man Lôk Éfraim, nyen a bé ñane nu yônôs 11 i sôñ 11, ntôñ wé u bééna 24 000 bôt. 15 Heldai, mut Nétôfa, man Lôk Ôtniel, nyen a bé ñane nu yônôs 12 i sôñ 12, ntôñ wé u bééna 24 000 bôt.

16 Baéga ba matén ma Israel bana: inyu litén li Ruben, Éliézer man Zikri, nyen a bé ñane; inyu litén li Siméôn, Séfatia man Maaka; 17 inyu litén li Lévi, Hasabia man Kémuel; inyu mbôda Arôn, Zadok; 18 inyu litén li Yuda, Élihu+ manyañ David wada; inyu litén li Isakar, Ômri man Mikael; 19 inyu litén li Zébulôn, Ismaya man Ôbadia; inyu litén li Naftali, Yérimôt man Azriel; 20 inyu litén li Éfraim, Hôséa man Azazia; inyu pes litén i Manasé, Yôel man Pédaya; 21 inyu pes litén i Manasé i i yé i Giléad, Idô man Sakaria; inyu litén li Benyamin, Yaasiel man Abner;+ 22 inyu litén li Dan, Azarel man Yérôham. Baane ba matén ba Israel ba.

23 Ndi David a bi soñgol bé bôt ba bééna ibôdôl i 20 ma nwii, u sôhôk isi, inyule Yéhôva a bi bôn le a ga bulus Israel kiki tjôdôt di ngii.+ 24 Yôab, man Séruya, a bi bôdôl soñgol bôt ndi a bi mal bé; inyule Nyambe a bi unbene bon ba Israel* inyu jam li;+ ba bi tila bé i nsoñgi u bôt ba ikété kaat miñañ i Kiñe David.

25 Azmavet, man Adiel, nyen a bé tééda masôô ma nkus ma kiñe.+ Yônatan, man Ôsiya, nyen a bé tééda matéédana* ma nkus ma yé i nwom, i bitison, i mambai ni i minkum mi mandap. 26 Ezri, man Kélub, nyen a bé ane i bôt ba nsal nwom. 27 Siméi mut Rama, nyen a bé tééda nwom mi minkôô mi wai; Zabdi, man Lôk Sif, nyen a bé tééda mandugi ma wai. 28 Baal-Hanan, mut Géder, nyen a bé ane nwom mi ôlivé ni bie bi sikômôr+ bi bi yé i Séféla;+ Yôas nyen a bé tééda mandugi ma môô. 29 Sitrai, mut Sarôn,+ nyen a bé tééda bibémba bi nyaga bi bi nkehel bikai i Sarôn; Safat, man Adlai, nyen a bé tééda bibémba bi nyaga i bitegep bi mambok. 30 Ôbil, man Lôk Ismael, nyen a bé tééda kamél; Yédéya, mut Mérôn, a bé tééda magas.* 31 Yaziz, man Lôk Hagar, a bé tééda bibémba bi mintômba. I bôt bana bobasôna bon ba bé tééda nkus u Kiñe David.

32 Yônatan,+ man manyañ David, a bé ntipék. A bééna yi ngandak, a bak mut matila; Yéhiel, man Hakmôn, nyen a bé tééda bon ba kiñe.+ 33 Ahitôfel+ a bé ntipék nu kiñe; Husai,+ man Lôk Arki, a bé liwanda li kiñe.* 34 I mbus Ahitôfel, batipék bape ba bé le Yéhôyada, man Bénaya,+ ni Abiatar;+ Yôab+ nyen a bé ane ntôñ gwét u kiñe.

28 I mbus ngéda, David a bi kot baane ba Israel bobasôna i Yérusalem: baane ba matén,+ baane ba mintôñ, mi mi nsélél kiñe, baane ba dikôô, baane ba mbôgôl,+ baane ba batééda nkus ni bémba i kiñe+ ni i bon+ bé, yak ni bôt ba ngomin ba ndap kiñe, ni mimpémba mi bôt, ni bôt bobasôna ba ba gwé ngap+ i sal bôlô. 2 Ha nyen Kiñe David a bi telep, a kal le:

“Emblana me, a lôk kéé, a litén jem. Me bi bana ngôñ i oñ ndap le i ba linôyôi li nkuu Malômbla u Yéhôva ni kéhne makôô i Nyambe+ wés, me kôôba ki maoñ+ ma. 3 Ndi bañga Nyambe a bi kal me le: ‘We bé nyen u ga oñ ndap inyu jôl+ jem, inyule u yé mut gwét, u nkôp ki matjél.’+ 4 Ndi ki le ikété lihaa li tata, men Yéhôva Nyambe nu Israel a bi pohol le me ba kiñe Israel ngéda yosôna;+ inyule a bi pohol Yuda le a ba ñéga;+ ikété litén li Yuda, a bi pohol lihaa li tata;+ ikété bon ba tata, men me bi lémél nye le a téé me kiñe ikété loñ Israel+ yosôna. 5 Ikété bon bem bôlôm+ (inyule Yéhôva a bi ti me ngandak bon bôlôm) a bi pohol man wem Salômô+ le a yén i yééne ane i Yéhôva, a ane Israel.+

6 “A bi kal ki me le: ‘Man woñ Salômô nyen a ga oñ ndap yem ni bikotoo gwem, inyule me mpohol nye le a ba man wem, yak me m’a yila isañ.+ 7 Ibale a nyoñ makidik i noñ mambén mem ni matéak+ mem kiki a mboñ nano, m’a boñ le ane yé i nom i boga ni boga.’+ 8 Jon me yé i pot i bisu bi bon ba Israel bobasôna, ba ba yé i likoda li Yéhôva, ni i maôô ma Nyambe wés le: yoña ngéda i yéñ mambén momasôna ma Yéhôva Nyambe nan, ni nôgôl ki mo inyu boñ le ni yén munu loñge loñ+ ini, ni yigle ki yo bon banan kiki ngababum i boga ni boga.

9 “Ndi we a man wem Salômô, yéñ le u yi Nyambe nu isoñ, gwélél nye ni ñem u yôni*+ lôñni mahoñol* malam,* inyule Yéhôva a nwan miñem+ nwominsôna, a nwan ki mahoñol+ momasôna. Ibale u nyéñ nye, a ga nwas le u yi nye;+ ndi ibale u ntjôô nye, yak nye a ga tjôô we i boga ni boga.+ 10 Yi le wen Yéhôva a mpohol le u oñ ndap i i ga ba témpel. Bana makénd, u bôdôl bôlô.”

11 I mbus, David a ti man wé Salômô titii+ i libebe+ li témpel kiki ba nlama oñ jo, ni i bituñ gwé, ni i bituñ ba ntéédana gwom, ni i bituñ bi yé i ngii ndap, ni i bituñ bi kétékété, yak ni i tuñ i ngudul nkuu Malômbla.*+ 12 A bi ti ki nye titii i bikotoo+ bi ndap Yéhôva kiki ba nlama oñ gwo, ni i bikumba* gwobisôna bi bé mu mapañ, ni i matéédana* ma nkus ma ndap i bañga Nyambe, ni i bituñ ba ntéédana gwom bipubhaga,*+ yak ni i gwom gwobisôna mbuu u Nyambe u bi yeelene nye. 13 A bi ti ki nye biniigana inyu mintôñ mi biprisi+ ni mi Lôk Lévi, ni inyu minson nwominsôna mi ndap Yéhôva, ni inyu bisélél gwobisôna ba ngwélél i ndap Yéhôva; 14 a bi kal ki nye kilô i gôl yañen a nlama gwélél, hala wee gôl i kôli inyu boñ bisélél gwobisôna inyu minson nwominsôna; yak ni kilô yañen i mbéda inyu bisélél bi silba gwobisôna, ni inyu bisélél gwobisôna inyu minson nwominsôna; 15 yak ni kilô yañen inyu bitééne bi bilambe+ bi gôl, ni bilambe gwap bi gôl; kilô yañen inyu bitééne bi bilambe gwobisôna ni bilambe gwap; yak ni kilô yañen inyu bitééne bi bilambe bi silba, ni inyu hiki tééne bilambe ni bilambe gwé kiki ba ngwélél yo; 16 yak ni kilô yañen inyu hiki téblé i gôl i het ba mbii minlôñ mi bret,*+ yak ni kilô yañen i silba inyu bitéblé bi silba, 17 kilô yañen inyu nwas, inyu biséya, inyu dibôi di bañga gôl;+ yak ni kilô yañen inyu hiki man séya nu gôl; yak ni kilô yañen inyu hiki man séya nu silba. 18 A bi kal ki nye kilô yañen i bañga gôl a nlama gwélél inyu bañ juu li binjinjiñ+ lôñni yimbne i kak,+ hala wee bikérubim+ bi gôl bi bi nsambal bipapai gwap inyu hô nkuu Malômbla u Yéhôva. 19 David a bi kal le: “Woo u Yéhôva u bé i ngii yem, a bi ti ki me pék le me tila mam momasôna ma mbéda inyu oda* titii+ i ndap.”+

20 I mbus, David a kal man wé Salômô le: “Bana ñem ngui, u lédés ki, u bôdôl bôlô. U kon bañ woñi, u sehla bañ to, inyule Yéhôva Nyambe, Nyambe wem, a yé ni we.+ A ga yôi bé we, to tjôô we,+ ndi a ga ba lôñni we letee maoñ momasôna ma ndap Yéhôva ma mal. 21 Mintôñ mi biprisi+ ni mi Lôk Lévi+ mini nwon mi ga gwel minson nwominsôna mi ndap i bañga Nyambe. U gwé bôt ba bôlô ba likeñge ba ba gwé ngôñ i gwel hiki nson,+ u gwé yak baane+ ni bôt ba litén bobasôna ba ba ga boñ hiki jam u ga kal bo.”

29 Kiñe David a kal litén jolisôna le: “Man wem Salômô nyen Nyambe a bi pohol,+ ndi a yé mañge, a yé ngi to boñ i nya bôlô i,*+ nson u yé nkeñi inyule témpel i mut binam bé i, ndi i Yéhôva Nyambe.+ 2 Me bi boñ biliya gwem gwobisôna inyu kôôba maoñ ma ndap Nyambe wem, me kôôba gôl inyu minson mi gôl, silba inyu minson mi silba, mamuna inyu minson mi mamuna, bikei* inyu minson mi bikei,+ bikék+ inyu minson mi bikék, ngok ônix, ngok ba ñéde ikété simet, bon ba ngok balam inyu lémés ndap,* mintén mi tik ngok nwominsôna, ni ngandak ngok i alabasta. 3 Kiki me ngwés ndap Nyambe+ wem, me nyoñ yak gôl ni silba ikété nkus wem+ memede, me kônde inyu maoñ ma ndap Nyambe wem, handugi i gwom gwobisôna me bi kôôba inyu maoñ ma ndap pubhaga ini, 4 i gwom bini gwon me nti: 3 000 di talént* i gôl i Ôfir,+ 7 000 di talént i bañga silba inyu hoo mu mabap ma ndap, 5 gôl inyu minson mi gôl, silba inyu minson mi silba ni inyu minson nwominsôna bôt ba maoñ ba nlama boñ. Nano, njee a gwé ngôñ i ti Yéhôva likébla?”+

6 Ha nyen baéga ba mandap ma bikôkôa, baane ba matén ma Israel, baane ba dikôô bi bôt, baane ba mbôgôl+ bôt ni baane ba ba ñéga mam ma kiñe+ ba neebe ni mahoñol malam le ba mboñ hala. 7 Inyu maoñ ma ndap i bañga Nyambe, ba bi ti 5 000 di talént i gôl, 10 000 di darik,* 10 000 di talént i silba, 18 000 talént i mamuna ni 100 000 i talént i kei.* 8 I bôt bobasôna ba bééna tik ngok, ba bi ti yo inyu litéédana* li nkus li ndap Yéhôva, Yéhiel,+ man Lôk Gersôn,+ nyen a bé tééda jo. 9 Litén li bi kon maséé i ti makébla ni ngôñ yap ñem, inyule ñem u bi tinde bo i ti Yéhôva makébla ni ñem wonsôna,+ yak Kiñe David a bi kon maséé ngandak.

10 I mbus, David a bégés Yéhôva i bisu bi litén jolisôna. David a kal le: “A Yéhôva, Nyambe nu isañ wés Israel, u kôli ni bibégés i boga ni boga.* 11 A Yéhôva, bikeñi,+ lipémba,+ bilama,+ mapubi ni lipém bi yé gwoñ; inyule mam momasôna i ngii ni hana ’isi ma yé moñ.+ A Yéhôva,+ ane i yé yoñ. Wetama nyen u kéhi i ngii mam momasôna. 12 Ligwañ ni lipém bi nlôl i weeni,+ u ñane ki mam momasôna.+ Ngui+ ni lipémba+ bi yé i woo woñ, woo woñ u nla yilha mut nkeñi,+ u ti ki bôt bobasôna ngui.+ 13 Nano, a Nyambe wés, di nti we mayéga, di mbégés ki jôl joñ likeñi.

14 “Ndi me me yé njee, yak litén jem li yé kii, le di ti we makébla mana ñem u ntinde bés i ti we? Inyule mam momasôna ma nlôl i weeni; i gwom di nti we, bi nlôl i woo woñ. 15 Inyule di yé bakén ba bôt ni biyoyo i mis moñ kiki basôgôlsôgôl+ bés. Inyule dilo tjés hana ’isi di yé kiki yiye,+ botñem i ta bé. 16 A Yéhôva Nyambe wés, i lingwañ jolisôna di nkôôba inyu oñ ndap i i nti jôl joñ lipubi lipém, li nlôl i woo woñ; ñ, jolisôna li yé joñ. 17 A Nyambe wem, me nyi loñge le u nwan miñem,+ u nkon ki maséé ni telepsép.*+ Me nti makébla mana ni ñem wem wonsôna;* me nkon ki maséé i tehe kiki litén joñ li kôdi hana inyu ti we makébla ni ñem wap wonsôna. 18 A Yéhôva, Nyambe nu basôgôlsôgôl bés Abraham, Isak ni Israel, hôla litén joñ le li tééda mahoñol mana ni ngôñ ini i boga ni boga, u tinde ki bo i gwés we.*+ 19 Ti man wem Salômô ñem u yôni*+ le a nôgôl mambén+ moñ, mabéhna moñ, matéak moñ, ni le a boñ mam mana momasôna, a oñ ki témpel,* inyule me mal kôôba maoñ.”+

20 I mbus, David a kal litén jolisôna le: “Nano, béghana Yéhôva Nyambe nan.” Bôt ba litén bobasôna ba bégés Yéhôva Nyambe nu basôgôlsôgôl bap, ba ôôp, ba ôm mbom ’isi i bisu bi Yéhôva ni bi kiñe. 21 Yokel ni i hilo hi bé noñ, ba ti Yéhôva bisesema, ba sémél ki Yéhôva bisesema bi ntul i hié:+ 1 000 hi bon ba balôm ba nyaga, 1 000 hi balôm ba mintômba, 1 000 hi bon ba mintômba lôñni makébla ma wai;+ ba bi ti ngandak bisesema inyu loñ Israel yosôna.+ 22 Ba bi kônde je, ba kônde nyo yokel i bisu bi Yéhôva, ba kon ki maséé+ ngandak. Ba témb ba téé Salômô, man David, kiñe inyu ngélé i nyônôs iba, ba hoo nye i bisu bi Yéhôva le nyen a ba ñéga,+ ba téé* yak Zadok le a ba prisi.+ 23 Hala nyen Salômô a bi yén i yééne ane i Yéhôva,+ a yila kiñe, a yoñ tel i isañ le David, mam mé ma bé ke loñge, yak bon ba Israel bobasôna ba bé nôgôl nye. 24 Baane+ bobasôna, mimpémba mi bôt ba gwét,+ yak ni bon ba Kiñe David+ bobasôna ba bi suhus bomede isi Kiñe Salômô. 25 Yéhôva a bi yilha Salômô nkeñi ngandak i mis ma bon ba Israel bobasôna, a ti ane yé lipém iloo bikiñe gwobisôna bi bi bôk+ bi ane Israel.

26 Hala nyen David man Yésé, a bi ane Israel. 27 Ane yé i Israel i bi nom 40 ma nwii. A bi ane nwii+ 7 i Hébrôn, a ane 33 nwii+ i Yérusalem. 28 A bi wo, a bak mañ mut,+ a ma nuu dilo di niñ, lingwañ ni lipém; man wé Salômô a yoñ tel yé,+ a yila kiñe. 29 Ñañ u Kiñe David ibôdôl i bibôdle ipam lisuk, u yé ntilga ikété bitilna bi ntehemam le Samuel, bi mpôdôl le Natan+ ni bi ntehemam le Gad.+ 30 I bitilna bi, bi ntoñol ñañ u ane i David yosôna, lipémba jé ni mam ma ngéda yé ma ma mbéñge nye, loñ Israel ni biane gwobisôna bi bi bé bo bebee.