Аллагь рази гьавизе щиб нилъеца гьабизе кколеб?

Квешал ишал рикІад те. Коринфиязухъе тІоцебесеб кагъат 6:9, 10

Иегова нилъее вокьулев вугони, нилъеца гьабизе гьечІо гьесие рокьукъаб иш.

Иеговае бокьун гьечІо нилъеца бикъизе, гІемер гьекъолдизе яги наркотикал хІалтІизаризе.

Аллагьасе рокьукъаб буго чІвай-хъвай лъимер ургьи биххизаби, бихьиназ бихьиназулгун ва чІужугІаданалъ чужугІаданалъулгун зина гьаби. Гьесие бокьуларо нилъ къарумаллъун ва рагъулеллъун рукІине.

Нилъеца, гьересиаллагьзабазе, икрам гьабизе бегьуларо. Гьединго бегьуларо сихІру гьабизе.

БукІинесеб алжаналъуб бакІ щвеларо ццидалал чагІазе.

ЛъикІал ишал гьаре. Матфейица бицараб Рохалил хабар 7:12

Аллагь разилъизе, нилъеца гьесдаса мисал босизе ккола.

ЛъикІлъи ва сахаватлъи бихьизабун, гІадамал рокьа.

БитІаравлъун вукІа.

ГурхІел-рахІму бугевлъун ва тІаса лъугьине хІадуравлъун вукІа.

Цогидазда Иеговал ва гьесул нухазул бице (Румазухъе кагъат 10:13—15).