Benaya reque, nehuen piuquengeaiñ ca nor piuquengeaiñ

Benaya nehuen piuquengechi hueichafengefui. Cüdahuelfi ti lonco ülmen David ca Salomón. Tañi chau sacerdotengefui. Pu sacerdote ca pu Leví che hueichaquelafuingün ca pünequelafuingün rume hueichahue. Huelu Benaya nehuen piuquecünuhui ñi coneltual Jehová ñi hueichan mu. Quiñe rupa, coni quiñe rünganco mu ñi langümafiel quiñe trapial. Cafei langümfi quiñe alüpürachi hueichafe. David rume maneluuquefui Benaya mu, feimu elcünufi ñi loncoleal pu soltau tañi cuidanieteu (2 Sam. 23:20-23).

Absalón ca Adonías caiñetufilu ta David, Benaya püntütripalai David mu (2 Sam. 8:18; 15:18; 1 Rey. 1:8). Ca füchalu David, Benaya quelluntucui David ñi loncocünuafiel Salomón (1 Rey. 1:32-40). Felei llemai, Benaya nor piuque mu püntütripalai Jehová mu ca tañi pu dullielchi rey, caquelu che femnolu rume.

Iñchiñ ca mülei taiñ nehuen piuquengeal taiñ chaftuafiel Huecüfü ca tañi pu inanieteu. Ca mülei taiñ rumel inanieal Jehová ñi huercün dungu (Efes. 6:11; 1 Ped. 5:8, 9). Caquelu püntütripafule rume Jehová mu, iñchiñ femquelaiñ. Maneluucüleiñ taiñ cümelcayaeteu (2 Sam. 22:26).