Abdías reque, yamnieafiyiñ Jehová

Abdías elfalcünungei ñi adnieafiel tati rey Acab tañi palacio. Tüfachi huesa rey eluñmafi tañi püramyengeal Baal com ti Israel mapu meu. Huelu Abdías huechengelu müten quimürpui ñi rume yamnieafiel Jehová (1 Rey. 18:1-13). Feimu tati reina Jezabel feipilu ñi langümngeal com Jehová tañi pu profeta, Abdías mülefui ñi nehuen piuquengeal tañi catrütuafiel. Ellcalngeal quiñe profeta müten cuñihun-ngefui, huelu fei ellcalniei 100 profeta, fei ca elufi iyael mülefulu rume filla. Huelu ca mülei rume fentren coilaque profeta cüdahuelquefilu ti rey ca tañi domo, feimu Abdías rume cüdautupelafui ñi quimngenoal tañi femmequen (1 Rey. 18:19).

¿Chem quimeltun entuafuiñ ñi femün Abdías? Llicafilu rume Acab, doi yamniefui ta Chau Jehová. Feimu cuñihun mu tucui ñi mongen ñi montulafiel tañi pu peñi. Ca femngechi cheu taiñ mülen catrütungele taiñ amuldungun, Abdías reque mülei taiñ rume yamnieafiel Jehová. Feita nehuentucuaiñmu taiñ quelluafiel pu peñi ca lamngen huesa rupamequelu.