23-29 MARZO
ISAÍAS 48, 49
Ülcantun 89 ca ngillatun | Nütram amulcünual chi trahun (1 min.)
1. Inafinge chem tami quimeltuqueteu Jehová
(10 min.)
Jehová quimeltulelfi tañi pu che (Is 48:17; lff quimeltun 35 troquiñ 1).
Mülei taiñ dullial allcütuafiel ta Jehová (Is 48:18a; w24.08 pag. 14 parr. 1).
Feimu taiñ tüngün “leufü reque feleafui”, ca taiñ nor dungu “reu lafquen reque feleafui” (Is 48:18b; lv pag. 227 parr. 8).
¿CHEM PILEI?: Hebreo quehun mu ti palabra rulpadungungelu “tüngün” cüpa feipi cüme feleal, nehuencüleal ca cüme hueniyeafiel caquelu che.
2. Cüme quintuafiyiñ falinque dungu Biblia meu
(10 min.)
Is 48:17. ¿Chumngechi cümelcaqueiñmu huiñoldungual trahun mu? (w19.01 pag. 9 parr. 7).
Tami papeltufiel Biblia tüfachi semana, ¿chem quimeltun ayüafuimi tami feipial?
3. Papeltun Biblia
(4 min.) Is 48:9-20 (th quimeltun 11).
4. Eluunge tami nütramcacheal
(3 min.) CHEU RUME MÜLELMI. Mangelfinge quiñe tami pariente amuhuenolu trahun mu ñi allcütumeal ti falin hueupin ca ti Trahun Jesús tañi lan ñi acordangeal (lmd quimeltun 5 troquiñ 3).
5. Huiño pemetufinge ti che
(4 min.) CHEU RUME MÜLELMI. Ti che ayüfui ñi amual ti Trahun Jesús tañi lan ñi acordangeal, fei quimfalcünunge taiñ chumquen feichi trahun mu (lmd quimeltun 9 troquiñ 3).
6. Huiño pemetufinge ti che
(5 min.) CHEU RUME MÜLELMI. Afle hula ti hueupin ñi acordangeal Jesús ñi lan, huiñoldungufinge chem ñi ramtueteu quiñe che amulu (lmd quimeltun 8 troquiñ 3).
Ülcantun 107
7. Chumafuiñ taiñ cümelcayaeteu ti doi falin trahun tripantu mu
(15 min.) Ngüneduamngeal pu che engün.
Amun mu ti Trahun Jesús tañi lan ñi acordangeal pengelqueiñ taiñ inaquefiel Jesús tañi huercün dungu ca falintuquefiyiñ Jehová ñi femün iñchiñ mu (Lu 22:19). Cafei raquiduamqueiñ fente taiñ piuqueyequeteu Jehová ca tañi Fotüm (Gál 2:20; 1Jn 4:9, 10). ¿Chumafuiñ taiñ falintuafiel ca mañumafiel Jehová ñi femün iñchiñ mu? Ca, ¿chumngechi quelluafuiñ pu che ñi ca femngechi femal?
Papeltuaiñ ca raquiduamaiñ ti troquiñ Biblia ñi acordayafiel Jesús tañi lan.
Raquiduamaiñ fente fali Jehová ñi hulfiel tañi Fotüm, ca chumngechi pengelafuiñ taiñ mongen mu fente taiñ falintuquefiel.
Eluhuaiñ taiñ mangelafiel taiñ pu pariente, pu che taiñ quimfiel ca pu che taiñ lof mu, fei ñi allcütumeal ti falin hueupin ca ti Trahun Jesús tañi lan ñi acordangeal.
Ayühun mu llohuafiyiñ pu che acuquelu ti trahun mu. Quelluafiyiñ pu che iñchiñ taiñ mangelfiel, huelu ca eluhuaiñ taiñ quelluafiel pu che quisu aculu tañi lloufiel mu quiñe mangelün. Ca feipiafiyiñ taiñ trür anüal.
Eluhuaiñ taiñ huiñoldungual ti ramtun ñi nieel pu huitran.
Eluhuaiñ taiñ cüme llohuafiel pu amuldunguhuenolu ca pu amuhuenolu trahun mu. Doyelchi mai, pu loncolelu pepicaucüleaingün ñi cüme llohuafiel pu che entungelu ti trahunche mu.
Pengelnge ti VIDEO Jesus, “küpay tañi kintupayafiel ka tañi montulafiel tati ñamkülekefulu”. Fei hula ramtunge:
Trahuluulu taiñ acordayafiel Jesús tañi lan, ¿chumngelu falin-ngei cüme llohuafiel pu amuhuenolu trahun mu ca pu amuldunguhuenolu?
8. Chillcatun Biblia trahunche mu
(30 min.) lfb quimeltun 72, 73.