ONYAN̄ ITA 16-22

ASAYA 45-47

Okwa Eyi 2 mè Uriaak | Usem Ebesa Ibene (Nkikek mgbọ 1)

INU UNYE OTU EWE OKUP ME USEM AWAJI

1. “Emi Nre Awaji, Kpunu Inu Òbet Lek N̄a”

(Nkikek mgbọ 10)

Urum ebi Ijeren ebi ikup me usun̄ akọn̄ ikinan̄a me Baibilọn ifo.

Kpunu ofifi inu geege obet lek Jioba (Asaya 46:9; w20.06 5 ¶14)

Kpunu inu geege obokọt ikput Jioba ibe ikarọ nkeek kan̄ iso (Asaya 46:10, 11; w25.06 18¶15)

Ebi geelek itotoon̄ ejit me lek ataak awaji mè iyaka ire, me lek ikpoko, kpebekaan̄ ubelejit (Asaya 46:6, 7; w99 5/15 14 ¶18-19)

2. Week Inu Unye Otu Ewe Okup Me Usem Awaji

(Nkikek mgbọ 10)

Asaya 46:10—Ire Jioba iriọọn̄ “me ibebene” ibe ke Adam mè Îfu merọ ijo inu ni? (w11 1/1 14 ¶2-3)

Ufọọk-otu kwun̄
Kpasi inu unye otu ewe ke oboma ikpakpa me ere Baibul nde keyi?

Ufọọk-otu kwun̄

3. Ifufuk Baibul

(Nkikek mgbọ 4) Asaya 45:1-11 (th inu nkween̄ 5)

TAP LEK ME ITUTUMU IKỌ AWAJI IJAAN̄

4. Ibebene Ukpatu

(Nkikek mgbọ 3) ILOLOOK ATA ETIP ME ERE UWA-ENE. Kpa wele mkpọ ofolek Orirọ Isasa Ikeek Mkpa Kè Jisọs nyi ogwu okisi uwu uriaak ebi kpechieek me lek kè Karais. (lmd inu nkween̄ 5 agba eyi 3)

5. Igọgọọk Ulọk

(Nkikek mgbọ 4) INANAN̄A ME UWU IRE UWU. Tumu mkpọ ofolek nkween̄mkpọ Baibul nyi ogwu obọbọkọ ikpa ogwen Orirọ Isasa Ikeek Mkpa Kè Jisọs me ota mgbọ onube. (lmd inu nkween̄ 9 agba eyi 5)

6. Irọrọ Ene Ebi Udun̄ Kè Karais

(Nkikek mgbọ 5) lff inu nkween̄ 19 ibebene mè agba eyi 1-3 (lmd inu nkween̄ 11 agba eyi 3)

ILULUK UGWEM KUBỌK EBI EYI KARAIS

Okwa Eyi 38

7. Jioba Mokọt Itap Ubọk Inyi Eji Me Mgbọ Geelek

(Nkikek mgbọ 7) Igbaan̄ ikpa.

Mgbọ geelek eji esikichichini ufialek, ire Jioba Awaji kiji gaalek ke eji ebekọt itoon̄ otutuuk ejit kiji me lek ibe itap ubọk inyi eji.—Iburu 13:5, 6.

Fuk Okwa Itọn̄ 55:22. Tumu mkpọ ofolek irek chi ge ge, mè do ebi ikigban̄ nkeek kiban̄ ofolek irek cha.

Ogugo: Bọn ute irieen̄ mè ibaan̄ ikichichini esese esese chieen̄ ufialek. 1. Gwun̄ ute enerieen̄ ge okifieek ejit okweek irek me inyọn̄ otitop me oyet me mgbọ ichepbe ikwaan̄ kan̄. 2. Ogwu akọn̄ ge okido gwun̄ ute enerieen̄ ge okup me uwu mkpọn ikọ unye unye. 3. Gwun̄ ute enenwaan̄ ge me uwu ugwuun okibeek uriaak me ejit kan̄ me agba lek mkpilaak orukan̄ ogwu olom. 4. Olom mè nwa ge ikikaan̄ saasaak mgbọ ema enwọn̄ọbe mfufiat.

Me lek irek chi ge ge, ge oniin̄ ge obokọt isa ijeen̄ ibe ke otoon̄ ejit me lek Jioba mè oniin̄ ge ibokọt isa itap ubọk inyi owu.

Me mgbọ ochepbe ikwaan̄ kwun̄ mè iyaka ire, mgbọ kiyọt owu me lek ikọkọt ikaan̄ mkpọ obokisa ikpọchieen̄ me lek ebi ototun̄ ukan̄ kwun̄

Ufọọk-otu kwun̄
Me mgbọ ebi mkpulu echitbe ikwaan̄ kiji

Ufọọk-otu kwun̄
Me mgbọ okifiaak orukan̄ ge okukup unye unye

Ufọọk-otu kwun̄
Me mgbọ ufialek ge orọbe owu, kubọk mfufiat mè iyaka ire, mkpa ogwu omabe

Ufọọk-otu kwun̄

8. Mfufuk Ikwaan̄ Ebi Local Design/Construction Eyi 2026

(Nkikek mgbọ 8) Usem.

Fit FIDIO yi.

9. Nkween̄mkpọ Baibul Eyi Ntitiin̄

(Nkikek mgbọ 30) lfb inu nkween̄ 70-71