OKPA ONYAN̄ 26–ONYAN̄ IBA 1

ASAYA 28-29

Okwa Eyi 28 mè Uriaak | Usem Ebesa Ibene (Nkikek mgbọ 1)

INU UNYE OTU EWE OKUP ME USEM AWAJI

1. Kisa Ukpọk-Otu mè Ejit Kwun̄ Kisa Min Jioba

(Nkikek mgbọ 10)

Asaya itumu ikeme ebi ibot uwu uriaak me mgbọ kan̄, mije ugwem isi iba kiban̄ (Asaya 29:13; ip-1 299 ¶23)

Jisọs si isa usem Asaya irọ mkpọ ofolek ebi ibot uwu uriaak me mgbọ kan̄ (Mat 15:7-9; w21.05 9 ¶7)

Jioba ikiweek ibe ebi usun̄ kan̄ ekesa “otutuuk ejit” kiban̄ esiki ibot enyi ọmọ (Rom 6:17; w24.06 10 ¶8)

Ogugo: 1. Gwun̄ ute enerieen̄ ge okinyi usem me nkween̄mkpọ ntitiin̄. TV okijeen̄ ototun̄ ukan̄ ge ikinwọọn̄ nkween̄mkpọ ototun̄ ukan̄ me agba lek kan̄. 2. Gwun̄ ute ya yaage okinwọọn̄ nkween̄mkpọ ototun̄ ukan̄ me lek ebi ototun̄ ukan̄ kan̄. — Jioba ikimun̄ mè ikimọnọ ibene mgbọ geelek eji ekirọ mkpọ eji ekijeen̄ ebi ofifi ene

2. Week Inu Unye Otu Ewe Okup Me Usem Awaji

(Nkikek mgbọ 10)

Asaya 29:1—Keke orọ erieen Arien ogbebe Jeruselem? (it “Arien” ¶1; it “Arien” Eyi 3)

Ufọọk-otu kwun̄
Kpasi inu unye otu ewe ke oboma ikpakpa me ere Baibul nde keyi?

Ufọọk-otu kwun̄

3. Ifufuk Baibul

(Nkikek mgbọ 4) Asaya 29:13-24 (th inu nkween̄ 2)

TAP LEK ME ITUTUMU IKỌ AWAJI IJAAN̄

4. Ibebene Ukpatu

(Nkikek mgbọ 2) ME MGBỌ OKASIBIBE UKO. Week riọọn̄ ibot usem ene ya okaan̄be ulọk me lek, mè neen̄ iyayaka imun̄ ọmọ me ofifi mgbo. (lmd inu nkween̄ 1 agba eyi 5)

5. Igọgọọk Ulọk

(Nkikek mgbọ 3) INANAN̄A ME UWU IRE UWU. Fọọk idodo ge ene ya odobe me ota usem enyi ekpabe. (lmd inu nkween̄ 9 agba eyi 3)

6. Irọrọ Ene Ebi Udun̄ Kè Karais

(Nkikek mgbọ 2) INANAN̄A ME UWU IRE UWU. Tumu mkpọ ofolek nkween̄mkpọ Baibul. (lmd inu nkween̄ 10 agba eyi 3)

7. Irọrọ Ene Ebi Udun̄ Kè Karais

(Nkikek mgbọ 4) lff inu nkween̄ 18 agba eyi 6-7 (lmd inu nkween̄ 11 agba eyi 3)

ILULUK UGWEM KUBỌK EBI EYI KARAIS

Okwa Eyi 89

8. “Inu Òkibele Ọmọ Ejit Ke Nkirọ Mgbọ Geelek”

(Nkikek mgbọ 8) Igbaan̄ ikpa.

Me mgbọ ge, Jisọs itumu ibe: “Inu òkibele [Jioba] ejit ke nkirọ mgbọ geelek.” (Jọn 8:29) Ike Jisọs orọbe, eji si ekisa isasa otutuuk efuuk kiji ikirọ mkpọ ike Jioba oweekbe. Ikerere ibe ikekiro ikeyi ikakifet owuwa mgbọ, ire eji irọ, ikirọ eji oruru.

Ogugo: Ere echi ejeen̄be me emen fidio “Kirọ Mkpọ Ike Jioba Oweekbe.” 1. Joel Adams. 2. Garrick Diaz. 3. Lars Carlsen.

Fit FIDIO yi Kirọ Mkpọ Ike Jioba Oweekbe. Mè do ebi ikigban̄ ibe:

Keke ke okween̄ ofolek ikekirọ mkpọ ike Jioba oweekbe osiki ichichini ntọ-mkpọ kubọk tukutuku, irọrọ ugwem barabat mè irọrọ mkpọ me lek ugumu?

Ufọọk-otu kwun̄

9. Ufiak Ntitiin̄

(Nkikek mgbọ 7)

10. Nkween̄mkpọ Baibul Eyi Ntitiin̄

(Nkikek mgbọ 30) lfb inu nkween̄ 56, ibebene okpọkọ 10, mè inu nkween̄ 57