Inu Okup Me Ikpa Nwọọn̄ Ugwem Re Mgbọ Geelek! Echi Obotap Ubọk Inyi Owu

Ire oma ikekisa fidio melek idodo ekisa iriọọn̄ nkeek ene, echi okup me emen ikpa Nwọọn̄ Ugwem Re Mgbọ Geelek! irọ mkpọ ni? Ire oma ikekisa ere egebe “Usini Ene Ekibe,” “Inu Obokọt Irọ,” melek “Week” irọ mkpọ si? Ire ofifi ofifi ere echi owa ke obokọt isa irọ mkpọ me mgbọ okisun̄ nkween̄mkpọ Baibul?—Mat 28:19, 20.

Fidio, Audio mè Ikpa: Ire oweek isasa ikpa eyi egonbe isibi isun̄ nkween̄mkpọ Baibul, ire ikaan̄ ere ge obogwat lek imun̄ otutuuk fidio, audio mè ikpa ni? Keme ge me lek okpọkọ ini echi okup me emen ikpa yi me jw.org. Kpọ me ota ijọn̄ ere egebe ibot usem inu nkween̄ okpọkọ ya mè gobo otutuuk fidio, audio mè ikpa okup inyi okpọkọ ya. (Kpọ ogugo 1.)

“Printed Edition”: Ire okisa ikpa eyi okup me jw.org igọọk ene ikween̄ mkpọ, isasa “Printed Edition” irọ mkpọ me esese esese mgbọ me nkween̄mkpọ ya mokọt itap ubọk inyi owu. Me inu nkween̄ ya, keme mkpọ ita etọkbe me agan̄ inyọn̄ mè gobo “Printed Edition.” Isasa eyi “Printed Edition” yi irọ mkpọ motap ubọk inyi okokeek mgbaan̄ mkpọ enyi ekikpa okaan̄be me lek ibot usem inu nkween̄ ya. Ire oweek inwenwene “Printed Edition” ikana digital edition, kpọk keme mkpọ ita etọkbe ya mè gobo “Digital Edition.”

“Ire Mbem Lek Ni?”: Okop echi okup iriaak me agan̄ ota me emen ikpa ya ikijeen̄ usini inu echi okukup ufiak ibe ene irọ ufuna ikọt imin isoon̄ igọgọọk ntitiin̄ ikisibi uko mè ikaan̄ si ntap-me-mun̄. (Kpọ ogugo 2.)

Inu Egebe Me Agan̄ Ota: Inu Egebe Me Agan̄ Ota iben mkpọ ekpabe igbaalek ofolek usini ibot usem. Ikpa yi, eyi okup me jw.org iben link obosa owu inan̄a me inu egebe me agan̄ ota ya igwu ikom inu me ere oyakabe me inu nkween̄ ya. (Kpọ ogugo 2.)