Ma Gyehova Yɩ Ɔzʋ̃mɩnlɛ Nwʋ Hyinyia Wʋ Dɩkɛɛ Manayenɩ

Nɩ Manayenɩ kɩnla bɛzabɛ mɔɔ nɩ bedi nninyeni anyunu wɔ Antɩyɔkɩ asafʋ yɩ nu nɩ nwʋ. Ɩ nɩɩ bulombunli Hɛlɔdʋ hɔlɩ sukuulu ɔkʋ̃. (Egy. 13:1) Meti nɩ Manayenɩ zi ɔnwʋma na ɩkɛyɛ kɛɛ nɩ yɩ abusunwa sʋ̃ wɔ ozukua paa.

Ɩávalɩ nwʋmɔ eyimmɔ munwatĩĩ nɩ, Manayenɩ ɣa yɛlɩ Kilisinyianii na ɩwʋwalɩ asafʋ yɩ. Ɩáfa yi sukuuluhɔlɛ anzɛnyɩɩ mmenii mɔɔ bɛlɛ tumi mɔɔ izi bɛ nɩ ɩpɩbɛ animinyiamɩ ɩma yɩ nwʋ, mfomi ɩyɛlɩ egyimazɩzɩbɛ ɩva ɩwʋwalɩ yi mmeliyema.

Manayenɩ yi ndianwʋ yɩ bʋwa yɛ ma yɛnwʋ kɛɛ mfasʋ wɔ zʋlɔ paa kɛɛ yɛkɔzʋ̃mɩ Gyehova tɛla kɛɛ yɛkɛbɩbɛ anwʋnyia anzɛnyɩɩ yekele dima wɔ oyuwadɩ eyi nu. Dɩkɛɛ Manayenɩ nɩ, ɩsɛ kɛɛ yɛma Gyehova yɩ ɔzʋ̃mɩnlɛ nwʋ hyinyia yɛ tɛla debela wɔ oyuwadɩ yɩ nu. (Mt. 6:33) Akʋ̃ sʋ̃, ɩwɔ numɔ kɛɛ sukuuluhɔlɛ nwʋ hyinyia dɩyɛ, naasʋ̃ ɩsɛ kɛɛ ‘yɛbɔ mmɔdɩnɩ yɛnwʋ nninyeni mɔɔ nwʋmɔ hyinyia paa nɩ.’ Na yɛbɔ mmɔdɩnɩ paa kɛɛ yɛlɛ́ma dɩyɛ bela kɛzɩkɛ ɔzʋ̃mɩnlɛ mɔɔ yɛfa yɛma Gyehova nɩ.—Fɩl. 1:​9, 10.