Nyia Akɛnɣazɩzɩbɛ Na Di Nɔhʋanlɛ Dɩkɛɛ Bɛnaya

Nɩ Bɛnaya dɩ sogyianii akɛnɣazɩzɩbɛvʋlɔ mɔɔ nɩ ɩkɩnla Bulombunli Devidi yɩ azogyiamaa yɩ nwʋ. Na mmɩlɩ be mɛda nɩ, ɩɣa ɩhɩnlanlɩ Bulombunli Sɔlɔmɔnʋ sʋ̃ yɩ azogyiamaa yɩ nwʋ. Nɩ Bɛnaya yɩ papa dɩ ɔsɔfʋ, na mɔɔ ɩdɩ yɛ lɛ kɛɛ nɩ azɔfʋ bɛáhɔ kʋnɛ na bɛáva akʋndɩ azʋlɔtʋ bedi egyima sʋ̃. Naasʋ̃ Bɛnaya nyianlɩ akɛnɣazɩzɩbɛ ɣa yɛlɩ sogyianii. Kɛ ndianwʋ nɩ, ihunli gyata wɔ bula be nu, na ihunli kɔbɩlanɩ be mɔɔ nɩ ɩdɩ sogyianii mɔɔ yɩ nwʋ yɛ sɩ nɩ. Devidi nyianlɩ Bɛnaya nu anwʋlazʋ paa, meti ɩmanlɩ ɩyɛlɩ yɩ ɔwɩɛnɩnlɛmaa nɩ bɔ zʋ ebani.—2 Sa. 23:​20-23.

Mmɩlɩ mɔ Absɔlɔmɩ nɩɩ Adonayɩgya dwodwuli diyialɩ Devidi nɩ, Bɛnaya hɔlɩ zʋlɔ valɩ nɔhʋanlɛlilɛ gyinanlɩ Devidi mɛda. (2 Sa. 8:18; 15:18; 1 Aw. 1:8) Mmɩlɩ mɔ Devidi yɩ alʋbɔ hɔlɩ anyunumi mɔɔ nɩ besii yɩ ɣa Sɔlɔmɔnʋ bulombunli nɩ, Bɛnaya hɔlɩ zʋlɔ hilalɩ kɛɛ Sɔlɔmɔnʋ kɛyɛ bulombunli. (1 Aw. 1:​32-40) Nɔhʋanlɛ nu nɩ, mmɩlɩ mɔ mmenii bɛádi nɔhʋanlɛ bɛma Gyehova nɩɩ yɩ awulombunli mɔɔ ɩyɩlɩ bɛ nɩ, Bɛnaya mɛyɩ, ɩvalɩ nɔhʋanlɛlilɛ igyinanlɩ bɛ mɛda.

Amɩyɛ sʋ̃, yehyinyia akɛnɣazɩzɩbɛ mɔɔ yɛkɛva yɛkɔhʋ̃ kediyia yɛ tamvʋlɔ kezile Setanɩ nɩɩ yɩ mɛdalilɛmaa nɩ. Na yezi yɛ kɛnɣa kɛɛ yɛkɔhɔ zʋlɔ yɛkɛva Gyehova yɩ ɔhʋanɩhilelɛ yɛkɔwɔ yɛ ɛbɩla. (Ɛfɩ. 6:11; 1 Pit. 5:​8, 9) Sɛ mbiyemmɔ yiaki Gyehova yɩ ɔzʋ̃mɩnlɛ po a, amɩyɛ mɛyɩ yɛfa nɔhʋanlɛlilɛ yɛkɔ zʋlɔ yekyina yɩ mɛda yɛsʋ̃mɩ yɩ, iluwakɛɛ yezi kɛɛ ikeyila yɛ.—2 Sa. 22:26.