Mɔɔ Ɔkɔhʋla Kɛva Kɛyɛ Wʋzawʋ Wʋ Dɩyɛzumanlɛ Nɩɩ Abusunwazʋ̃mɩnlɛ

Kɛ asafʋ ayiyialɩyɛ, mansini anzɛnyɩɩ manlɩ-avinli ayiyialɩyɛ tʋ nkʋ̃ la yɛ yɛsʋ̃mɩ Gyehova a, mfomi yɛkɔhʋla yɛkɔzʋ̃mɩ Gyehova kɛ mmenii nkʋkʋ̃ nkʋkʋ̃ anzɛnyɩɩ abusunwa. Sa ɔkʋla fa adwɩnɩhilelɛ mɔɔ ɩwɔ azɩ kɛnɩ nɩ be ɛyɛ wʋzawʋ wʋ dɩyɛzumanlɛ anzɛnyɩɩ abusunwazʋ̃mɩnlɛ:

• Siyeziye wʋ nwʋ ma asafʋ ayiyialɩyɛ azʋlɔtʋ. Sa ɔkʋla suma ndwomi mɔɔ yɛkɔdʋ wɔ asafʋ ayiyialɩyɛ tʋ nɩ, na wʋawʋwa wu mmusunwamaa ma bo nu bela iaziyeziye munwalɩyɛ mɔɔ ɩkɛma.

• Bɛɣɩngá Bayɩbʋlʋ nu odwokɔ be, mɛyɩ mɛda nɩ bɔwɔ́ nwʋmɔ mfonyini anzɛnyɩɩ bɛhɛlɛ́ ozumalɛdɩyɛ mɔɔ benyianlɩ wɔ nu nɩ bediã ɛkɛnɩ.

• Bɛɣɩngá mpayɩwɔlɛ be mɔɔ ɩwɔ Bayɩbʋlʋ yɩ nu na bozunzú kezimɔ ɩkɔwʋwa bɛ ma bɛ mpayɩwɔlɛ kodu mpʋnɩ nɩ nwʋ.

• Behilá asafʋ vidiyo be na bɛ nɩɩ mmenii mvʋlɔ wɔ nwʋmɔ nkɔmmɔ anzɛnyɩɩ bɛhɛlɛ́ odwokɔ be bɛvalɩ nwʋ.

• Beziyeziyé bɔ nwʋ bɛma dasɩlɛlilɛ. Ebiye a, sa bɔkʋla bɛyɛ kezimɔ bekeli dasɩlɛ nɩ nwʋ yekile.

• Behilá abɔdɩ na bɔdwɩnɩndwɩnɩ nwʋmɔ anzɛnyɩɩ bɔwɔ mɔɔ bɔnwʋ bɛvalɩ Gyehova nwʋ nɩ nwʋ nkɔmmɔ.a