Bʋwá Wʋ Bayɩbʋlʋ Dɩyɛzumanlɛmaa Ma Bɛ Nɩɩ Gyehova Bɛvá Ɔhɔnwʋ

Gyehova ɩpɛ kɛɛ yɛzʋ̃ ɔlɔlɛ nu yɛsʋ̃mɩ yɩ. (Mt 22:37, 38) Ɔlɔlɛ mɔɔ Bayɩbʋlʋ dɩyɛzumanlɛmaa bɔwɔ bɛma Nyamɩnlɩ yɛ ɩkɛhã bɛ ma bɛkɛyɛ nzɩnzanlɩyɛ mɔɔ ɩfata na bɛahʋla bɛagyina odwohilalɛ sʋ̃ yi munwa. (1Dwɔ 5:3) Ɔzɔ ɔlɔlɛ ɔkʋ̃ yɩ la yɛ ɩkɛhã bɛ ma bokonluma a.

Bʋwá bɛ ma bɔnwʋ kɛɛ Nyamɩnlɩ ɩdɔ bɛ. Biziá ndwokɔ be dɩkɛɛ: “Mɩnla yɛ eyi ikilehile wʋ ɩfalɩ Gyehova nwʋ a?” anzɛnyɩɩ “Kɛ eyi ɩma ɔnwʋ ɔlɔlɛ mɔɔ Nyamɩnlɩ ɩwɔ ɩma wʋ nɩ ise a?” Bʋwá bɛ ma bɛva bɛ anyɩ bediã azɩ bɔnwʋ kezimɔ Gyehova ɩbʋwaa bɛ nɩ. (2Mm 16:9) Kezimɔ Gyehova idiye wʋ mpayɩwɔlɛ pɔkyɩɩ be nɩ, kã nwʋmɔ odwokɔ kile bɛ na hyɛ bɛ ɛzɩzɩbɛ ma bɛva bɛ anyɩ bediã azɩ behila kezimɔ Gyehova itiye bɛzabɛ sʋ̃ bɛ mpayɩwɔlɛ. Sɛ Bayɩbʋlʋ dɩyɛzumanlɛmaa bɛtɩ nɣanlɩ kɛɛ Nyamɩnlɩ ɩdɔ bɛ na bɛzabɛ sʋ̃ bɛda yɩ ali kɛɛ bɔdɔ Gyehova a, ɩma yɛ anyɩ ide.

KILÁ VIDIYO MƆƆ BƐYƐ YƖ DƖLAMA MƆƆ ISE BƲWÁ WƲ BAYƖBƲLƲ DƖYƐZUMANLƐMAA MA BƐ NƖƖ GYEHOVA BƐVÁ ƆHƆNWƲ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla odwohilalɛ yɛ Jade iyiyialɩ a?

• 

  Kɛ Anita ɩwʋwalɩ Jade izeli a?

• 

  Kɛ ɩyɛlɩ mɔɔ Jade ɩhʋlalɩ igyinanlɩ yi odwohilalɛ yɩ munwa a?