KILISINYIAMAA BƐ ƐBƖLAWƆLƐ
Nninyeni Be Mɔɔ Ɩkɛma Dasɩlɛlilɛ Ayiyialɩyɛ Ikodu Mpʋnɩ
Dasɩlɛlilɛ ayiyialɩyɛ ɩdɩ kɛɛ asafʋ ayiyialɩyɛ nɣalɩyɛ nɩ la, ɩdɩ nhyɩhyɛlɩyɛ mɔɔ Gyehova iduwa ɔzʋlɔ ɩbʋwa yɛ ma yesizi yɛ ɔhɔnwʋmmɔ bɛ kɛnɣa na yɛbɔ ɛbɩla baaba. (Hib 10:24, 25) Ɩsɛ kɛɛ bɛfa miniti anlu kɔbʋmɩ asunwa bɛyɛ mɔɔ okuwu nɩɩ azɩlɛ-sini yɩ ɛhyɛlɛ nɩɩ mpayɩwɔlɛ ɩkɩnla nwʋmɔ. (Sɛ dasɩlɛlilɛ ayiyialɩyɛ nɩ ɩdʋwa asafʋ ayiyialɩyɛ zʋ a, ɩsɛ kɛɛ ɩyɛ sikalɛ.) Ɩsɛ kɛɛ mɔɔ ikilaa ɔzʋlɔ nɩ isiyeziye odwokɔ be mɔɔ ɩkɔwʋwa bɛzabɛ mɔɔ bɔkɔhɔ dasɩlɛlilɛ wɔ ɔzɔ eɣile yɩ nu nɩ. Kɛ ndianwʋ wɔ Fʋlɔ eɣile nɩ, sɛ mmeliyema sʋ̃maa bɛákʋla bɛba dasɩlɛlilɛ wɔ dapɛnɩ awielɩyɛ mɔɔ idua numɔ nɩ a, mɛyɩ nɩ ɩdɩ baaba kɛ bokozunzu mɔɔ bɛkɛhã wɔ dasɩlɛlilɛ nu nɩ nwʋ. Mɩnla nninyeni zɛ yɛ ɩkɔhʋla ɩkɔwʋwa yɛ mɔɔ yɛkɔhʋla yekozunzu nwʋmɔ wɔ dasɩlɛlilɛ ayiyialɩyɛ tʋ a?
Mɔɔ yɛkɔhʋla yɛkɛhã wɔ dasɩlɛlilɛ nu mɔɔ ɩwɔ Yɛ Kilisinyianɩ Ɛbɩlawɔlɛ Nɩɩ Dasɩlɛlilɛ—Dɩyɛzumanlɛ Kɛlɛta yi nu
Kezimɔ yɛkɛva ndwokɔ be mɔɔ izizi aɣile asã yɩ anzɛnyɩɩ ndwokɔ mɔɔ ɩwɔ amanɩyɛwɔlɛ be nu nɩ yɛkɔwɔ nkɔmmɔ tʋ
Kezimɔ ekeli ndwokɔ mɔɔ bɛta bɛkã bɛfa botualɩ nkɔmmɔwɔlɛ zʋ nɩ yɩ zʋ
Kezimɔ ekeli abiye mɔɔ iále Nyamɩnlɩ idi, ide ɛlanɩlanɩlɛ idi, ɩkã ɛdɩndɛlɛ fʋlɔ, nɩɩ abiye mɔɔ ɩwɔ ɔzʋ̃mɩnlɛ fʋlɔ nu nɩ dasɩlɛ
Kezimɔ ɛkɛva nninyeni mɔɔ ɩwɔ jw.org, JW Library® app, nɩɩ Bayɩbʋlʋ yɩ nu nɩ ɛkɛyɛ egyima
Kezimɔ ɛkɛva ye Nninyeni Mɔɔ Yɛfa Yekilehile nɩ numɔ ɔkʋ̃ ekeli egyima
Kezimɔ ɛkɛva wʋ nwʋ okowula dasɩlɛlilɛ egyima yɩ ɔfʋã pɔkyɩɩ be nu, dɩkɛɛ foonu zʋ dasɩlɛlilɛ, kɛlɛta ɛhɛlɛlɛ, bagua nu dasɩlɛlilɛ, siakehila, anzɛnyɩɩ Bayɩbʋlʋ dɩyɛzumanlɛ
Kezimɔ yekehila yɛ nwʋ bʋwɔ na yɛádɔlɩ asianɩ nu, yɛkɛlanɩ lanɩnlɩ yɛ ndwokɔ nu, yɛkɛla subanɩba ali, nɩɩ kezimɔ yekenyia adwɩnɩba wɔ dasɩlɛlilɛ nu
Ozumalɛdɩyɛ mɔɔ yenyia anzɛnyɩɩ vidiyo be mɔɔ ɩwɔ Má Ɛɣɩngalɛ Nɩɩ Ehilehilelɛ Ɔnwʋmɔ Ihyinyia Wʋ blohyʋɔ yi nu
Kezimɔ yɛkɔwʋwa na yɛahyɛ eliyema mɔɔ yɛ nɩɩ yɩ luwa dasɩlɛlilɛ nu ɛzɩzɩbɛ
Ɛhɛlɛlɛ odwokɔ be mɔɔ ɩfalɩ dasɩlilɛ nwʋ anzɛnyɩɩ ozumalɛnwʋnlɛ be mɔɔ yenyianlɩ wɔ dasɩlɛlilɛ nu mɔɔ ɩhyɛ ɛzɩzɩbɛ