Dá Nɣanlɩdɩlɛ Ali

Nɣanlɩdɩlɛ ikile kɛɛ yɛkɛdɩ abiye yɩ bʋwabɩlɛ, kezimɔ ɩdwɩ̃ nɩɩ yɩ ahyinyiadɩ tʋ. Sɛ yɛlɛ ɔzɔ subanɩ eyi a, ɩáyɛ sɩ kʋlaa kɛɛ mmenii mvʋlɔ bɔkɔnwʋ yɩ. Na sɛ yenyia ɛpɛ paa kɛɛ yɛkɔwʋwa mmenii mvʋlɔ a, ɩkɔwʋwa yɛ ma yɛkɛla subanɩ eyi ali. Sɛ yɛda nɣanlɩdɩlɛ ali wɔ dasɩlɛlilɛ nu a, nɩ yɛdaa kezimɔ Gyehova ɩdɔ na ɩdwɩnɩ mmenii mvʋlɔ nwʋ nɩ ali na eyi ɩtwɩ̃ bɛ ibike yi.—Fɩl 2:4.

Kɛ mmɩlɩ mɔ yekilehile nkʋ̃ʋ̃ la yɛ yɛda nɣanlɩdɩlɛ ali a, mfomi yɛda yɩ ali sʋ̃ wɔ kezimɔ yetiye odwokɔ, yɛtɩndɛ, yɛfa yɛ eniiwudo yesizi ndwokɔ zʋ owudo, yɛyɛ yɛ anyunu, nɩɩ yɛ nyɛlɩyɛ nu po. Sɛ yebuko ye nu yekile abiye yɩ nwʋ anyɩnlɩlelɛ a, nɩ ikile kɛɛ yɛdaa nɣanlɩdɩlɛ ali. Yɛyɛ nninyeni mɔɔ yɩ anyɩ ideli nwʋ, yi dedi nɩɩ yɩ bʋwabɩlɛ ndwɩ. Yɛfa mmʋwalɩyɛ mɔɔ ihyinyia yɛma yɩ naasʋ̃ yɛáhyɛ yɩ kɛɛ ɩzɩnza. Sɛ mmenii mvʋlɔ bede ɔzɔ mmʋwalɩyɛ nɩ betiã nu a, ɩma yɛ anyɩ ide wɔ adʋwavʋlɔyɛlɛ egyima yi nu.

KILÁ VIDIYO MƆƆ BƐYƐ YƖ DƖLAMA MƆƆ ISE NYIÁ ANYƖNLƖLELƐ WƆ ADƲWAVƲLƆYƐLƐ EGYIMA YI NU—TÚ MPƲNƖ WƆ WƲ EHILEHILELƐ NU—​DÁ NƔANLƖDƖLƐ ALI, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla ɔhʋanɩ zʋ yɛ Anita ɩlalɩ nɣanlɩdɩlɛ ali mmɩlɩ mɔ Jade ɩába ndɛ nɩ a?

• 

  Mɩnla ɔhʋanɩ zʋ yɛ Anita ɩlalɩ nɣanlɩdɩlɛ ali mmɩlɩ mɔ Jade ɩhanlɩ kɛɛ nninyeni sʋ̃maa ɩhyɛ yɩ zʋ ti ɩlɔ́kʋla ikozuma dɩyɛ nɩ a?

• 

  Mɩnla ɔhʋanɩ zʋ yɛ Anita ɩlalɩ nɣanlɩdɩlɛ ali mmɩlɩ mɔ Jade ɩhanlɩ kɛɛ ízi nninyeni siyeziye nɩ a?