Yɛbawɔ Ɛlawulo Titili Be Mɔɔ Ɩfalɩ Nyamɩnlɩ Yi Bulombunlililɛ Nwʋ Wɔ November Nu

Gyisɛsɩ ɩhanlɩ “Nyamɩnlɩ yi Bulombunlililɛ nɩ nwʋ Odwokɔba.” (Lk 4:43) Ihilehileli mmenii sʋ̃ kɛɛ bɔwɔ mpayɩ ma ɔzɔ Bulombunlililɛ nɩ ɩɣɩla. (Mt 6:9, 10) Wɔ November nu nɩ, sa yɛyɛ nhyɩhyɛlɩyɛ titili be yɛfa yɛbɔ Nyamɩnlɩ yi Bulombunlililɛ nɩ nwʋ ɛlawulo. (Mt 24:14) Yɛ́ wʋ mmɩlɩ nhyɩhyɛlɩyɛ bʋwɔ na ama wʋava wʋ nwʋ wʋawula ɛlawulowɔlɛ yɩ nɩ nu. Sa bɛzabɛ mɔɔ bɛkɛyɛ ɔhʋanɩbukolɛ bʋwavʋlɔ egyima wɔ ɔzɔ eziyianɩ nɩ nu nɩ, bɔkʋla bɛfa dɔnhwɩlɩ 30 anzɛnyɩɩ 50 bɛyɛ.

Kɩngá ɛhɛlɛlɛ odwokɔ mɔɔ ɩfalɩ Nyamɩnlɩ yi Bulombunlililɛ nɩ nwʋ kile mmenii sʋ̃maa wɔ wʋ azɩlɛ-sini nɩ nu. Sɛ ɛfaa ɛhɛlɛlɛ odwokɔ be a, má ɔzʋ̃mɩnlɛ mɔɔ wʋ ediyelɛvʋlɔ nɩ ɩwɔ numɔ nɩ ɩwʋwa wʋ adwɩnɩ nu. Sɛ abiye yɩ anyɩ ɩba ideli odwokɔ yɩ nwʋ wɔ egyelalɛ mɔ ili bɔmʋnlɩ nɩ nu a, fá Ɔwɛn-Aban No. 2 2020 mɔɔ yɛlɛ yɛma nɩ be ma yɩ. Mɛyɩ mɛda nɩ, siá kɔ kegyela yɩ ndɛndɛ zʋ la. Na bɔ́ mmɔdɩnɩ kɛɛ ɛkɛva awuuku mɔɔ ɩwɔ ye Nninyeni Mɔɔ Yɛfa Yekilehile nɩ nu nɩ be ɔkɔwɔ́ Bayɩbʋlʋ dɩyɛzumanlɛ tʋ. Ɩlɛ́kyɛ Nyamɩnlɩ yi Bulombunlililɛ ɩbazɩkɛ aɣanɩ bela mɔɔ itwudwu itiyia yɩ nɩ. (Da 2:44; 1Kɔl 15:24, 25) Meti, bɛmá yɛva nwʋmɔ ɔhʋanɩ eyi yehile kɛɛ yegyĩ Gyehova nɩɩ yi Bulombunlililɛ nɩ yɩ mɛda!