Gyehova Ɩbɔ Yi Mmenii Nwʋ Banɩ

Nɩ Ahʋanɩnwʋmɔ Awuwa mɔɔ ili bɔmʋnlɩ nɩ ɩdɩ mmɩlɩ titili baaba. Nunuma mɔɔ Falo ɩnwʋnlɩ kɛɛ yɩ abakanɩ iwu nɩ, ɩhanlɩ ihileli Mosisi kɛɛ: “Bodwodwú, na bɛ nɩɩ Yizilayamaa mɔɔ bɛha nɩ munwatĩĩ bɔzʋ̃ mɩ manlɩ nu na bɔhɔ bɔzʋ̃mɩ Gyehova, kezimɔ bɛhanlɩ nɩ la.” (Ɛkɩ 12:22) Amba, Gyehova ɩlalɩ yɩ ali kɛɛ ɩbɔ yi mmenii bɔ nwʋ banɩ.

Nnɛ sʋ̃, sɛ yekilahila Gyehova yi mmenii bɔ nwʋ ndwokɔ nu a, ɩda ali petee kɛɛ Gyehova ɩkɔ ɔzʋlɔ ikile yi mmenii ɔhʋanɩ na ɩbɔ bɔ nwʋ banɩ. Yɛnwʋ eyi wɔ yɛ ɔwɔkɩ nninyeniziyelɛdɩka mɔɔ ɩwɔ ye egyimayɛlɛdɩka yi ti nɩ, bɔwɔ ɔfʋã be mɔɔ bɔfʋlɔ yɩ kɛɛ “Mmenii Mɔɔ Gyehova Yi Dima Ɩla Bɔ Zʋ.”

KILÁ VIDIYO MƆƆ ISE WARWICK ƆWƆKƖ NNINYENIZIYELƐDƖKA EGYELALƐ: “MMENII MƆƆ GYEHOVA YI DIMA ƖLA BƆ ZƲ,” NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla yɛ Bayɩbʋlʋ Zumanlɛmaa bɛva belili egyima ɔzʋmɩ 1914 mɔɔ ɩwʋwalɩ ma mmenii nyianlɩ Bayɩbʋlʋ yi nu dedi a, na mɩnla mfasʋ yɛ ɩzʋ̃ numɔ ɩɣalɩ a?

• 

  Mɩnla odwohilalɛ yɛ ɩɣalɩ wɔ 1916 nɩɩ 1918 nu a, na mɩnla dasɩlɛ yɛ nɩ ikile kɛɛ Gyehova ikilee yɩ ahyɩhyɛdɩ nɩ ɔhʋanɩ a?

• 

  Mɩnla ɔhʋanɩ zʋ yɛ Gyehova yi mmenii begyina pindinyii ɩávalɩ nwʋmɔ odwohilalɛ mɔɔ beyiyia nɩ a?

• 

  Mɩnla ntɩyasɩ fʋlɔ yɛ Gyehova yi mmenii benyianlɩ wɔ 1935 a, na kɛ eyi ɩhanlɩ bɛ izeli a?

• Sɛ ɔhɔ egyela ɛkɛnɩ kyɩ̃ a, mɩnla yɛ ɔnwʋnlɩ mɔɔ ɩmanlɩ enyianlɩ anwʋlazʋ kɛɛ Gyehova ikilee yi mmenii ɔhʋanɩ na ɩbɔɔ bɔ nwʋ banɩ a?