Asʋ̃ Gyehova Dasɩvʋlɔmaa De Di Kɛɛ Bɔwɔ Nɔhʋanlɛ Ɔzʋ̃mɩnlɛ Ɔkʋ̃ Kyeinyii Nɩ Nu a?

Ɩsɛ kɛɛ bɛzabɛ mɔɔ bɛáva bɔ ɔzʋ̃mɩnlɛ bedi ɛyɛlɛ nɩ kila kɛɛ sɛ Nyamɩnlɩ nɩɩ Gyisɛsɩ de bɔ ɔzʋ̃mɩnlɛ yɩ tiã nu a. Sɛ bɛále betiã nu a, mɛyɩ nɩ mɩnla ti mɔɔ ɩsɛ kɛɛ bɔkɔ zʋlɔ bɔbʋwa nu a?

Nɩ mmenii sʋ̃maa sunzu kɛɛ ɔzʋ̃mɩnlɛ nɩɩ ɔhʋanɩ sʋ̃maa wɔ kɛnɩ mɔɔ yi munwala kɔ nnwʋanlɩ nu, naasʋ̃ nɩ Gyisɛsɩ ɩ nɩɩ bɛ ɩáyɛ adwɩnɩ. Mfomi ɩhanlɩ kɛɛ: “Ɔhʋanɩ mɔɔ ɩdɩ dɩnɣa na ɩyɛ ɛgyɩkɩ̃ɩ̃ nɩ kɔ nnwʋanlɩ nu, na mmenii ɛgyɩkɩ̃ɩ̃ be yɛ bɔnwʋ yɩ a.” (Matiyu 7:14) Gyehova Dasɩvʋlɔmaa de di kɛɛ bɔnwʋ ɔzɔ ɔhʋanɩ yɩ. Kɛ ɔzɔ a, ankɩ beyiaki bɔhɔ bɛbɩbɛ ɔzʋ̃mɩnlɛ fʋlɔ mɛda ɔhʋanɩ.