Nɔhʋanlɛlilɛ Nɩɩ Ye Nzunzunlɩyɛ

Kɛ mɔɔ yɛkã nɩɩ mɔɔ yɛyɛ yɩzayɩ nkʋ̃ la yɛ yɛfa yekile kɛɛ yedi nɔhʋanlɛ yɛma Gyehova a, mfomi ye nzunzunlɩyɛ sʋ̃ kɩnla nwʋ. (Ndw 19:14) Meti mɔɔ Bayɩbʋlʋ hyɛ yɛ ɛzɩzɩbɛ kɛɛ yɛdwɩnɩndwɩnɩ dɩyɛ bela mɔɔ ɩdɩ nɔhʋanlɛ, ɩfata ayɛlɛyɩlɛ, ɩdɩ baaba, nwʋmɔ ɩtɩ, ɩsɔ anyɩnlɩ, nɩɩ mɔɔ bɛkamvʋ yɩ nwʋ. (Fɩl 4:8) Ɩwɔ numɔ kɛɛ, yɛlɔ́kʋla yekezi nzunzunlɩyɛ tanɩ mɔɔ ɩba yɛ adwɩnɩ nu nɩ ɔhʋanɩ dɩyɛ, naasʋ̃ bɔnwʋzʋhyɛlɛ kɔhʋla kɔwʋwa yɛ ma yɛkɔbʋ nzunzunlɩyɛ tanɩ na yɛadwɩnɩndwɩnɩ nninyeni baaba nwʋ. Sɛ yedi nɔhʋanlɛ wɔ ye nzunzunlɩyɛ nu a, ɩkɔwʋwa yɛ ma yekeli nɔhʋanlɛ sʋ̃ wɔ yɛ nyɛlɩyɛ nu.—Mk 7:​21-23.

Wɔ ɛhɛlɛlɛ ndwokɔ mɔɔ ilili zʋlɔ yɩ bela tʋ nɩ, kɛlɛ nzunzunlɩyɛ kʋ̃ mɔɔ ɩsɛ kɛɛ yɛpʋ:

Wul 12:3

Lk 12:15

Mt 5:28

Fɩl 3:13