KILISINYIAMAA BƐ ƐBƖLAWƆLƐ
Bɔ́ Wʋ Nwʋ Banɩ Wɔ Ɔvʋakɩlɛmaa Nwʋ
Setanɩ nɩɩ bɛzabɛ mɔɔ bɛkɩnla yɩ nwʋ nɩ bɛfa awohwi ndwokɔ bɔfʋlavʋla nɔhʋanlɛ mɔɔ ɩkɛyɛ na ye dedi ɩayɛ mɛlɛkɛ. (2Kɔl 11:3) Kɛ ndianwʋ nɩ, Asiliyiamaa nɩ bɛvalɩ ndwokɔ be mɔɔ yɩ ɔfʋã be dɩ nɔhʋanlɛ na yɩ ɔfʋã be sʋ̃ dɩ awohwi nɩɩ awohwi ndwokɔ bogolɔlɩ Nyamɩnlɩ yi mmenii nɩ bɛ abɔkɔ. (2Mm 32:10-15) Nnɛ sʋ̃, ɔzɔ ɔhʋanɩ yɩ zʋ la yɛ ɔvʋakɩlɛmaa boduwa bɛdahɩlɩ mmenii a. Kɛ ɩsɛ kɛɛ yɛyɛ yɛ dɩyɛ wɔ ɔvʋakɩlɛmaa be ehilehilelɛ nwʋ yese a? Nwʋ yɩ kɛɛ ɩdɩ pɔyɩzɩnɩ na twɩ̃ wʋ nwʋ wɔ nwʋmɔ kʋlaa! Áma ɛkɩnga anzɛnyɩɩ obuwa bo ndwokɔ na áma ɛkã nwʋmɔ odwokɔ kile mmenii mvʋlɔ. Má wʋ anyɩ ɩla ɛkɛnɩ na nwʋ ndwokɔ mɔɔ bɛyɛ yɩ kɛɛ, ɩmá wʋ adwɩnɩ ɩyɛ anwɩ̃ anwɩ̃ wɔ Gyehova nɩɩ yɩ ahyɩhyɛdɩ yɩ nwʋ na pʋ yɩ ndɛndɛ zʋ la!—Dwu 3, 4.
KILÁ VIDIYO MƆƆ ISE “BƆHƲ̃ ƐZƖZƖBƐ ƐZƖZƖBƐ BƐVÁ BƐBƖ DEDI NƖ”!—VIDIYO YƖ ƆFƲÃ BE, NA AKƲ̃ YƖ NDWOKƆƔIZIALƐ EYIMMƆ BO MUNWA:
Mɩnla ti mɔɔ nwʋmɔ ihyinyia kɛɛ yɛma yɛ anyɩ ɩda ɛkɛnɩ mmɩlɩ mɔ yɛwɔ intanɛtɩ pɩlatɩfɔmɩ be zʋ nɩ a?
Kɛ ɩkɛyɛ na yɛava fʋlɔdulɛ mɔɔ ɩwɔ Wulomimaa 16:17 nɩ yɛayɛ egyima a?