KILISINYIAMAA BƐ ƐBƖLAWƆLƐ
Nwʋ́ Wʋ Nwʋ Kɛmɔ Gyehova Nwʋ Wʋ Nɩ
“Gyehova yɩ anyɩ ideli yɩ mmenii nwʋ.” (Ndw 149:4) Ɩwɔ numɔ kɛɛ yɛáli munli dɩyɛ, naasʋ̃ Gyehova nwʋ subanɩba mɔɔ yɛwɔ nɩɩ mɔ yɛkɔhʋla yɛkɛyɛ eɣile be. Naasʋ̃ ɩyɛ a, ɩyɛ sɩ ɩma yɛ kɛɛ yɛkɔnwʋ subanɩba mɔɔ amɩyɛzayɛ yɛwɔ nɩ. Itwu mmɩlɩ be po a, yɛtɩ nɣanlɩ kɛɛ yɛázɛlɩ hwɩɩ iluwa kezimɔ mmenii mvʋlɔ nɩ yɛ di nɩ. Na ɩyɛ sʋ̃ a, yɛfa yɛ adwɩnɩ yesiye tanɩ be mɔɔ yɛyɛ ma idua nu nɩ zʋ na ɩma yɛtɩ nɣanlɩ kɛɛ Gyehova ɩálɔ yɛ. Sɛ yɛtɩ nɣanlɩ zɔ a, mɩnla yɛ yɛkɔhʋla yɛkɛyɛ a?
Kakɛ kɛɛ Gyehova nwʋ nninyeni kɔ aɣinzi tɛla kezimɔ amɩyɛ yɛnwʋ yɩ nɩ. (1Sa 16:7) Eyi kile kɛɛ, ɩnwʋ nninyeni sʋ̃maa wɔ ye nu tɛla kezimɔ amɩyɛ yɛnwʋ yɛ nwʋ. Ɩdɩ baaba kɛɛ Bayɩbʋlʋ yɩ ɩwʋwa yɛ ma yɛdɩ kezimɔ Gyehova nwʋ yɛ nɩ tʋ. Sɛ yɛpɛ kɛɛ yɛtɩ eyi tʋ bʋwɔ a, gyɩsɛ yesunzu Bayɩbʋlʋ nu ndwokɔ azʋlɔtʋ mɔɔ ɩma yɛnwʋ kezimɔ Gyehova dɔ yɩ azʋ̃mɩvʋlɔ nɩ nwʋ.
KILÁ VIDIYO MƆƆ ISE MÁ WƲ AHƲNLƖNƖ ƖDƆ WU KUNLU WƆ GYEHOVA YƖ ANYUNU, NA AKƲ̃ YƖ NDWOKƆƔIZIALƐ EYIMMƆ BO MUNWA:
Ndianwʋ mɔɔ ɩfalɩ tɔlɔnwadulɛvʋlɔ yɩ nɩɩ yɩ papa nwʋ nɩ, mɩnla yɛ ikilehile yɛ ɩfalɩ kezimɔ Gyehova nwʋ yɛ nɩ nwʋ a?
Sɛ abiye mɔɔ ɩyɛ tanɩ mɔɔ numɔ yɛ ɔnlʋmɔ tu agyiakɛ mɔɔ ɩfata na isiyeziye ɩ nɩɩ Gyehova bɛ avinli a, mɩnla ɔhʋanɩ zʋ yɛ ɩkɔhʋla ɩkɛma yɩ ahʋnlɩnɩ kɔdɔ yi kunlu wɔ Gyehova anyunu a?—1Dwɔ 3:19, 20
Mɩnla ɔhʋanɩ zʋ yɛ Devidi nɩɩ Gyehohyafatɩ nwʋ dɩyɛ mɔɔ eliyema benyia yɩ ɣɩnganlɩ na ɩdwɩnɩndwɩnɩnlɩ nwʋmɔ nɩ wʋwalɩ yɩ a?