KILISINYIAMAA BƐ ƐBƖLAWƆLƐ
Kezimɔ Yɛkɛva Bayɩbʋlʋ Dɩyɛzumanlɛ Nwʋ Vidiyo Azʋlɔtʋ Nɩ Yekeli Egyima
Yɛwɔ Bayɩbʋlʋ dɩyɛzumanlɛ nwʋ vidiyo anla mɔɔ yɛfa yedi egyima wɔ dasɩlɛlilɛ nu. Mɩnla tile nu pɔkɔ yɛ bɛva bɛyɛlɩ numɔ bela a?
Bɛyɛlɩ Mɩnla Ti Mɔɔ Ɩsɛ Kɛɛ Yesuma Bayɩbʋlʋ Yɩ Nɩ a?—Tɩndɩnlɩ nɩ kɛɛ ɩwʋwa mmenii ma bɛ anyɩ ileli Bayɩbʋlʋ yɩ nwʋ ɩávalɩ nwʋ ɔzʋ̃mɩnlɛ ɔkʋ̃ mɔɔ bɔwɔ nu. Ɩhyɛ mmenii ɛzɩzɩbɛ ma bɛpɩbɛ ndwokɔɣizialɛ mɔɔ mmenii bizia wɔ bɛ ɛbɩlawɔlɛ nu nɩ nwʋ munwalɩyɛ. Na ikilehile kezimɔ abiye kɛhã ma bɛ nɩɩ yɩ kɛyɛ Bayɩbʋlʋ dɩyɛzumanlɛ nwʋ nhyɩhyɛlɩyɛ.
Mɩnla Ti Mɔɔ Ɩsɛ Kɛɛ Yesuma Bayɩbʋlʋ Nɩ a? (yɩ sikalɛ) yɩ dɩ kɛɛ vidiyo tɩndɩnlɩ yɩ la naasʋ̃ sɛ ɛkyɩkyɛ tɩndɩnlɩ yɩ nu asã a, ɩkɛva numɔ ɔkʋ̃. Sɛ yɛfa yedi egyima wɔ azɩlɛ-sini mɔɔ mmenii béni alagyɩ nu a, ɩkɔwʋwa paa.
Bɛyɛlɩ Kɛ Ɩyɛ Mɔɔ Yɛyɛ Bayɩbʋlʋ Dɩyɛzumanlɛ a? kɛɛ ɩwʋwa mmenii ma bɛ anyɩ ileli yɛ Bayɩbʋlʋ dɩyɛzumanlɛ nhyɩhyɛlɩyɛ mɔɔ bɛále hwɩɩ nɩ nwʋ na ɩayɩ ndwokɔɣizialɛ mɔɔ mmenii ta bizia nɩ munwa. Akʋ̃ sʋ̃ ɩma abiye nwʋ kezimɔ ɩkɛhã ma bɛ nɩɩ yɩ kɛyɛ Bayɩbʋlʋ dɩyɛzumanlɛ nwʋ nhyɩhyɛlɩyɛ.
Bɛyɛlɩ Yɛma Wʋ Akwaaba Ba Wʋ Bayɩbʋlʋ Dɩyɛzumanlɛ Yɩ Tʋwɔlɛ kɛɛ yɛyɩ́ yehile Bayɩbʋlʋ. Ɩwɔ numɔ kɛɛ ɔzɔ vidiyo yɩ wɔ owukolɛ anwɩ̃ wɔ Sa Ɔkʋla Enyia Anyɩnlɩlelɛ Daabaa! buuku yi nu dɩyɛ, naasʋ̃ sa yɛkʋla yɛyɩ́ yekile yɛ Bayɩbʋlʋ dɩyɛzumanlɛmaa mmɩlɩ mɔ bosumaa Sa Ɔkʋla Enyia Anyɩnlɩlelɛ Daabaa! blohyʋɔ yɩ nɩ. Vidiyo yɩ kã ndwokɔ mɔɔ ɩwɔ buuku yi nu nɩɩ mɔɔ dɩyɛzumanlɛvʋlɔ yɩ kɔhʋla kehila yɩ ɔhʋanɩ mmɩlɩ mɔ bosumaa nɩ.
Ɩwɔ numɔ kɛɛ ɩsʋnɩ sianti mɔɔ bɛyɛlɩ vidiyo yɩ nu bela dɩyɛ, naasʋ̃ sa yɛkʋla yɛyɩ́ anzɛnyɩɩ yɛfa numɔ bela yɛnwʋa mmenii mvʋlɔ wɔ mmɩlɩ mɔ ɩfata kɛɛ yɛyɛ ɔzɔ nɩ. Yɛhyɛɛ ɛlawulowɔlɛmaa ɛzɩzɩbɛ kɛɛ bɔnwʋ vidiyo azʋlɔtʋ yɩ nu bʋwɔ na bɛva beli egyima bʋwɔ wɔ dasɩlɛlilɛ nu.