“Bɔ́ Wʋ Ahʋnlɩnɩ Nwʋ Banɩ”

Gyehova valɩ yɩ sunzuma nɩ hanlɩ Sɔlɔmɔnʋ ma ɩhɛlɛlɩ kɛɛ: “Bɔ́ wʋ ahʋnlɩnɩ nwʋ banɩ tɛla dɩyɛ bela mɔɔ ɔbɔ nwʋmɔ banɩ nɩ.” (Ɛɣɛ 4:23) Aɣɛlɛbɔ odwokɔ yɛ lɛ kɛɛ, Nyamɩnlɩ yɩ mmenii Yizilaya bɛákɔ zʋ “bɛfa bɛ ahʋnlɩnɩ munwala” bɔsʋ̃mɩ yɩ. (2Mm 6:14) Bulombunli Sɔlɔmɔnʋ po manlɩ ɔhʋanɩ ma yɩ yɩ mmɔ mɔɔ bɛázʋ̃mɩ Gyehova nɩ lanɩnlɩ yɩ ahʋnlɩnɩ ma ɩhɔ ilili anyamɩnlɩ mvʋlɔ mɛda. (1Aw 11:4) Kɛ ɩkɛyɛ na wʋawɔ wʋ ahʋnlɩnɩ nwʋ banɩ a? Mɛyɩ yɛ nɩ ɩdɩ odwokɔtile ma dɩyɛzumanlɛ odwokɔ mɔɔ ɩɣalɩ January 2019 Ɔwɩɛnɩlɛ Aɣanɩ, owukolɛ 14-19 nu a.

KILÁ VIDIYO MƆƆ ISE ƆWƖƐNƖLƐ AƔANƖ YI NU OZUMALƐDƖYƐ—BƆ́ WƲ AHƲNLƖNƖ NWƲ BANƖ, NA AKƲ̃ YƖ NDWOKƆƔIZIALƐ EYIMMƆ BO MUNWA:

Mɩnla yɛ ankɩ ɩkɔhʋla ɩkɛma Kilisinyiamaa mɔɔ belili ɔzʋlɔ nɩ be dedi kɛyɛ mɛlɛkɛ a? Na mɩnla ɔhʋanɩ zʋ yɛ dɩyɛzumanlɛ odwokɔ eyi ɩwʋwalɩ bɛ ma bɔwɔlɩ bɛ ahʋnlɩnɩ nwʋ banɩ a?

• 

  Brent nɩɩ Lauren

  textarea-1

• 

  Umjay

  textarea-2

• 

  Happy Layou

  textarea-3

Mɩnla ɔhʋanɩ zʋ yɛ ɔzɔ dɩyɛzumanlɛ odwokɔ yɩ ɩwʋwalɩ wʋ a?