KILISINYIAMAA BƐ ƐBƖLAWƆLƐ
Hyɛ́ Dedi Mɔɔ Ɛlɛ Yɩ Wɔ Nyamɩnlɩ Odwokɔ Yɩ Nu Nɩ Ɛzɩzɩbɛ
Bayɩbʋlʋ yɩ kɔhʋla kɛzɩnza yɛ ɛbɩlawɔlɛ. (Hib 4:12) Naasʋ̃, sɛ yɛkɔhʋla yekenyia fʋlɔdulɛ nɩɩ ɔhʋanɩhilelɛ mɔɔ ɩfa ɩma nɩ zʋ mfasʋ a, ɩsɛ kɛɛ yede yedi kɛɛ “ɩzʋ̃ Nyamɩnlɩ yɩ ɛkɛnɩ” amba. (1Tɛs 2:13) Kɛ ɩkɛyɛ na yɛahyɛ dedi mɔɔ yɛlɛ wɔ Bayɩbʋlʋ yɩ nu ɛzɩzɩbɛ a?
Kɩnga Bayɩbʋlʋ yɩ ɔfʋã be eɣile bela. Mmɩlɩ mɔ ɛkɩngaa nɩ, pɩbɛ dasɩlɛ mɔɔ ikile kɛɛ Gyehova yɛ ɩdɩ Bayɩbʋlʋ yɩ Ɛhɛlɛlɛvʋlɔ a. Kɛ ndianwʋ nɩ, pɩbɛlɩ fʋlɔdulɛ mɔɔ ɩwɔ Ɛɣɛlɛwulɛ buuku yi nu, na yɛ kezimɔ nɣɛlɛbɛ ndwokɔ mɔɔ ɩwɔ numɔ nɩ ɩkɔwʋwa yɛ wɔ yɛ ɛbɩlawɔlɛ nu nnɛ nɩ ndwɩ.—Ɛɣɛ 13:20; 14:30.
Sumá nwʋmɔ dɩyɛ kɔ aɣinzi. Nwʋ́ dasɩlɛ azʋlɔtʋ mɔɔ ikile kɛɛ Bayɩbʋlʋ yɩ ɩzʋ̃ Nyamɩnlɩ yɩ ɛkɛnɩ. Wɔ Buuku Mɔɔ Gyehova Dasɩvʋlɔmaa Bɛfa Bɛyɛ Ɛbɩbɛlɛ Nu nɩ, kila odwokɔtile mɔɔ ise “Bayɩbʋlʋ Yɩ,” na akʋ̃ kila dɩka mɔɔ ise “Ɩzʋ̃ Nyamɩnlɩ Yi Munwa Nu” nɩ. Sa ɔkʋla sʋ̃ osunzu ndwokɔ mɔɔ ɩwɔ New World Translation, Appendix A3 nɩ nwʋ ɛfa ɛhyɛ dedi mɔɔ ɔwɔ kɛɛ Bayɩbʋlʋ nu odwokɔ ɩlɛ́sɩnzanlɩ nɩ nu ɛzɩzɩbɛ.
KILÁ VIDIYO MƆƆ ISE SIANTI MƆƆ YƐWƆ DEDI . . . WƆ NYAMƖNLƖ ODWOKƆ YI NU, NA AKƲ̃ YƖ NDWOKƆƔIZIALƐ EYIMMƆ BO MUNWA:
Asɔlɩ pika banɩ be mɔɔ bɔnwʋnlɩ wɔ Karnak mɔɔ ɩwɔ Igyibiti nɩ, mɩnla ɔhʋanɩ zʋ yɛ idi dasɩlɛ kɛɛ Bayɩbʋlʋ nu ndwokɔ dɩ nɔhʋanlɛ a?
Kɛ ɩyɛ mɔɔ yɛnwʋ yɩ kɛɛ, Bayɩbʋlʋ nu ndwokɔ ɩlɛ́sɩnzanlɩ a?
Mɩnla ɔhʋanɩ zʋ yɛ Bayɩbʋlʋ mɔɔ ɩla nwʋ la ɩwɔ ɛkɛnɩ nɩ, ɩma ɔnwʋ yɩ kɛɛ ɩdɩ Nyamɩnlɩ yɩ Odwokɔ a?—Kɩnga Ayɩzaya 40:8