Yɛ Mpayɩ Tʋ Bʋlɔ Ma Gyehova

Mpayɩ mɔɔ Gyehova ide itiã nu nɩ, ɩdɩ kɛɛ ɛyɛlɛ ovuãmɛ mɔɔ nɩ bɛta bɛyɩba yɩ wɔ asɔlɩ pika ɛkɛnɩ nɩ. (Ndw 141:2) Sɛ yɛkã mɔɔ ɩha yɛ nɩɩ mɔɔ yɛpɛ yɩ nwʋ ndwokɔ yekile yɛ sʋlɔ Ɛzɩlɛ yɩ, yesiã yɩ ɔhʋanɩhilelɛ, yekile anyɩnlɩzɔlɛ na yɛda yɛ ɔlɔlɛ ali yekile yi a, nɩ yekilee kɛɛ yɛ anyɩ ɩsɔ ɔhɔnwʋvalɛ mɔɔ yɛ nɩɩ yɩ wɔ nɩ. Ɩwɔ numɔ kɛɛ Gyehova nwʋ mpayɩ sikalɛ mɔɔ bɔbɔ wɔ bagua nu wɔ dɩyɛzumanlɛ tʋ kɛɛ nwʋmɔ ihyinyia paa wɔ yɛ ɔzʋ̃mɩnlɛ nu dɩyɛ, naasʋ̃ sɛ Gyehova nwʋ kɛɛ yɛzayɛ yɛbɔɔ mpayɩ na yɛkãã mɔɔ ɩwɔ yɛ ahʋnlɩnɩ nu, ye nzunzunlɩyɛ nɩɩ kezimɔ yɛtɩ nɣanlɩ yekile yi na yɛ nɩɩ yɩ tɩndɛ kyɛ a, yɩ anyɩ ide baaba paa!—Ɛɣɛ 15:8.

KILÁ VIDIYO MƆƆ ISE MPAYƖWƆLƐ ƖƔA ƖHƖNLA MƖ ƐBƖLAWƆLƐ NWƲ, NA AKƲ̃ YƖ NDWOKƆƔIZIALƐ EYIMMƆ BO MUNWA:

• Ɔnwʋmɔ ɔhʋanɩ azʋlɔtʋ ɛhɩnla dɩyɛ yɛ Eliyema Johnson yɩ sa ɩhanlɩ a?

• Mɩnla ɔhʋanɩ zʋ yɛ Eliyema Johnson iluwa mpayɩwɔlɛ zʋ ɩva yɩ nwʋ idiã Gyehova zʋ a?

• Mɩnla yɛ osuma wɔ Eliyema Johnson yɩ ozumanlɛnwʋnlɛ yɩ nu a?