Fá Anwʋlazʋ Kyina Ozukuasɛmɩ Nu Anwʋkyɩlɩ Munwa

Ɛbɩlawɔlɛ wɔ awielɩyɛ mmɩlɩ eyi nu nɩ yɛ sɩ baaba. Kɛmɔ yebikee oyuwadɩ eyi yɩ awielɩyɛ nɩ, ndwokɔzɩzɩbɛ sʋ̃maa zɛ kɛɣa. Itwu mmɩlɩ be a, kɛ nninyeni mɔɔ yehyinyia yɩ munwala yɛ yenyia a. (Hab 3:16-18) Mɩnla yɛ ɩkɔwʋwa yɛ na yɛava anwʋlazʋ yeagyina ozukuasɛmɩ nu anwʋkyɩlɩ munwa a? Ɩsɛ kɛɛ yɛkɔ zʋlɔ la yenyia Gyehova, yɛ Nyamɩnlɩ yɩ nu anwʋlazʋ. Ɩwɔ anʋhʋba kɛɛ ikehila yɩ azʋ̃mɩvʋlɔ na sa ɩfa mɔɔ yehyinyia ɩma yɛ ɩávalɩ nwʋmɔ bʋwabɩlɛ bela mɔɔ yekeyiyia nɩ.—Ndw 37:18, 19; Hib 13:5, 6.

Mɔɔ ɔkɔhʋla ɛkɛyɛ:

• Siã ɔhʋanɩhilelɛ, nɣɛlɛbɛ nɩɩ mmʋwalɩyɛ wɔ Gyehova yɩ ɛkɛnɩ.—Ndw 62:8

• Nyia ɛpɛ kɛɛ ɛkɛyɛ egyima mɔɔ ɛlɛ́yɛlɩ ebiye kyɩ̃ nɩ.—g-E 1/10 8-9, alɩka

• Áma eyiaki nninyeni mɔɔ ɛyɛ wɔ sunzuma ɔfʋã nu nɩ, dɩkɛɛ eɣile bela Bayɩbʋlʋ ɛɣɩngalɛ, dɩyɛzumanlɛhɔlɛ nɩɩ dasɩlɛlilɛ mɔɔ ɔkɔhɔ

KILÁ VIDIYO MƆƆ ISE KYINÁ ALIYIA MƆƆ IKEGYINA ƐKƐNƖ PINDINYII—“BƐMÁ BO KUNLU IDWOLI MƆƆ BƐLƐ YƖ NƖ NWƲ,” NA AKƲ̃ YƖ NDWOKƆƔIZIALƐ EYIMMƆ BO MUNWA:

• Mɩnla ndwokɔzɩzɩbɛ yɛ mmusunwa be beyiyialɩ a?

• Mɩnla yɛ nwʋmɔ ihyinyia paa wɔ ɛbɩlawɔlɛ nu a?

• Kɛ ɩkɛyɛ na yɛawʋwa mmenii mɔɔ beyiyia ozukuasɛmɩ nu anwʋkyɩlɩ a?