Tú Kɔ Dɩka Mɔɔ Mmʋwalɩyɛ Nwʋ Ihyinyia

Kɛ yekodu yɛkɔhɔ dɩka fʋlɔ na yɛadɛlɛ yɛ ɔzʋ̃mɩnlɛ nu nɩ, ihyinyia dedi baaba paa. (Hib 11:8-10) Sɛ ɛpɛ kɛɛ ɔkɔbʋwa wɔ dɩka mɔɔ mmʋwalɩyɛ nwʋ ihyinyia a, ɛ nɩɩ wʋ asafʋ nu mbanimbani wɔ nwʋmɔ nkɔmmɔ. Mɩnla yɛ ɩkɔwʋwa wʋ ma ɔkɔnwʋ dɩka mɔɔ ɩsɛ kɛɛ ɔkɔ a? Sunzú mɔɔ yɛ awuuku azʋlɔtʋ ɩkã ɩfalɩ dɩka mɔɔ mmʋwalɩyɛ nwʋ ihyinyia mɔɔ yɛkɔhɔ yɛkɔzʋ̃mɩ nɩ nwʋ. Ɛ nɩɩ mmeliyema mɔɔ bodu bɔhɔ dɩka mɔɔ mmʋwalɩyɛ nwʋ ihyinyia nɩ wɔ nwʋmɔ nkɔmmɔ. (Ɛɣɛ 15:22) Bɔ́ Gyehova mpayɩ fa pɩbɛ yɩ ɔhʋanɩhilelɛ. (Gye 1:5) Pɩbɛ́ dɩka mɔɔ ɛpɛ kɛɛ ɔkɔ nɩ nwʋ ndwokɔ sʋ̃maa na sɛ ɩkɛyɛ bʋwɔ a, pɛ́ mmɩlɩ kehila ɛkɛ ansaana wʋazi nwʋmɔ pɔkɔ.

KILÁ VIDIYO MƆƆ BƐYƐ YƖ DƖLAMA MƆƆ ISE FÁ DEDI YƐ EGYIMA KEZILE MƆƆ NWƲMƆ ƆHƲANƖ IWUKO ƖMA WƲ NƖ—TÚ KƆ DƖKA MƆƆ MMƲWALƖYƐ NWƲ IHYINYIA, NA AKƲ̃ YƖ́ ODWOKƆƔIZIALƐ EYI YI MUNWA:

• Mɩnla nzɩnzanlɩyɛ yɛ nɩ ɩsɛ kɛɛ Gabriel yɛ a, na mɩnla yɛ ɩwʋwalɩ yɩ a?