Asʋ̃ Eziyeziye Wʋ Nwʋ Ɛma Basabasayɛlɛ Mɔɔ Ɩkɔhʋla Ɩkɛɣa Wʋ Manlɩ Nu a?

Mmɩlɩ mɔ awielɩyɛ yɩ ibikee nɩ, yekilaa ɔhʋanɩ kɛɛ awulilɛ, basabasayɛlɛ nɩɩ kʋnɛ ɩkɔhɔ yɩ anyunu. (Yik 6:4) Kɛ ɩkɛyɛ na yɛaziyeziye yɛ nwʋ yɛama ndwokɔ ɛzɩzɩbɛ mɔɔ ɩkɔhʋla ikezi eɣile be nɩ a?

• Siyeziye wʋ nwʋ wɔ sunzuma ɔfʋã nu: Yɛ Bayɩbʋlʋ nu egyinalɛzʋ-ndwokɔ nɩɩ Bayɩbʋlʋ nu ndwokɔ mɔɔ ɩhyɛ wʋ dedi wɔ Gyehova nɩɩ yɩ ahyɩhyɛdɩ yɩ nu ɛzɩzɩbɛ, na ɩbʋwa wʋ sʋ̃ ma wʋágyina ɔfʋã bela nɩ ndwɩ. (Ɛɣɛ 12:5; jr-TW 125-126 ¶23-24) Nnɛ yɛ ɩdɩ mmɩlɩ mɔ ɩsɛ kɛɛ yɛfa ɔhɔnwʋmmɔ ɛzɩzɩbɛ ɛzɩzɩbɛ wɔ asafʋ yɩ nu a.—1Pit 4:7, 8

• Siyeziye wʋ nwʋ wɔ nnwʋnlamɩ ɔfʋã nu: Sɛ bʋwabɩlɛ nɩ ɩlɛ́ma ɔhʋanɩ ma ekevinde a, yɛ nhyɩhyɛlɩyɛ mɔɔ ɩkɛma wʋ sa ɩkɛhã nninyeni mɔɔ ekehyinyia. Akʋ̃ sʋ̃, yɛ nhyɩhyɛlɩyɛ mɔɔ sɛ ɩba yɩ kɛɛ ɩsɛ kɛɛ otu a, wʋayɛ yɩ ɔzɔ. Tá kilahila baagɩ mɔɔ ɛva alɩyɛ nɩɩ nninyeni mvʋlɔ ogua numɔ nɩ nu na fá nninyeni be mɔɔ ɛkɛva ɔkɔwɔ wʋ nwʋ banɩ dɩkɛɛ gloves, nose mask nɩɩ ozukua kɩnla nwʋ. Nwʋ kezimɔ ɛ nɩɩ asafʋ nu mbanimbani keli nkitanwʋ na ma bɔnwʋ kezimɔ bɛzabɛ sʋ̃ bɛ sa ɩkɛhã wʋ.—Ayɩ 32:2; g17.5-TW 3-7

Mmɩlɩ mɔ basabasayɛlɛ izi nɩ, kɔ́ ɔzʋlɔ di wʋ sunzuma ɔfʋã nu nhyɩhyɛlɩyɛ zʋ. (Fɩl 1:10) Áma efinde finde gyɩsɛ nwʋmɔ ɩba ihyinyia paa kɛɛ ɛkɛyɛ ɔzɔ. (Mt 10:16) Ɛ nɩɩ mmeliyema hyɛ́ wʋ alɩyɛ nɩɩ nninyeni mvʋlɔ.—Wul 12:13.

KILÁ VIDIYO MƆƆ ISE ASƲ̃ EZIYEZIYE WƲ NWƲ ƐMA ASIANƖ MMƖLƖ A? NA AKƲ̃ YƖ NDWOKƆƔIZIALƐ EYIMMƆ BO MUNWA:

• Kɛ Gyehova ɩkɔhʋla ɩkɔwʋwa yɛ wɔ asianɩ mmɩlɩ nu ikeze a?

• Mɩnla nninyeni be zɛ yɛ yɛkɔhʋla yɛkɛyɛ yɛkɛva yekeziyeziye yɛ nwʋ a?

• Mɩnla ɔhʋanɩ zʋ yɛ yɛkɔhʋla yɛkɔwʋwa bɛzabɛ mɔɔ asianɩ ɩdʋ bɛ nɩ a?