Abɔdɩ Ɩhyɛ Anwʋlazʋ mɔɔ Yɛwɔ Wɔ Gyehova Yɩ Nɣɛlɛbɛ Nu Nɩ Ɛzɩzɩbɛ

Asʋ̃ Gyehova izi dɩyɛ mɔɔ ɩdɩ baaba ɩma yɛ eɣile bela a? Nyɛ! Sɛ yede eyi yedi a, mɛyɩ sa yedidi yɩ ɔhʋanɩhilelɛ zʋ na yɛahile kɛɛ yɛdɩ nɣɛlɛbɛmaa. (Ɛɣɛ 16:3, 9) Naasʋ̃, sɛ yɩ ɔhʋanɩhilelɛ nɩɩ yɛ nzunzunlɩyɛ iáyiyia a, sa ɩkʋla itwe anwʋlazʋ mɔɔ yɛlɛ wɔ yi nu nɩ ikila. Sɛ yɛdwɩnɩndwɩnɩ Gyehova yɩ abɔdɩ nwʋ a, sa ɩkʋla ɩhyɛ anwʋlazʋ mɔɔ yɛwɔ wɔ yɩ nɣɛlɛbɛ nu nɩ ɛzɩzɩbɛ.—Ɛɣɛ 30:24, 25; Wul 1:20.

KILÁ VIDIYO MƆƆ ISE ASƲ̃ BƆWƆLƖ A? KƐ ƖYƐ MƆƆ NDWODWUWA BƐÁBƲMƖBƲMƖ ZƲ A? NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Mɩnla yɛ ndwodwuwa bɛyɛ eɣile bela a?

• Mɩnla ti mɔɔ ndwodwuwa bɛábʋmɩbʋmɩ bɔ nwʋ a?

• Kezimɔ bɛábʋmɩbʋmɩ ɔzʋlɔ nɩ, kɛ ɩsɛ kɛɛ mmenii bɔ mmɔdɩnɩ sumazuma eyi se a?

KILÁ VIDIYO MƆƆ ISE ASƲ̃ BƆWƆLƖ A? ƆWƲLƆ MMƲWA MƆƆ BƆFƲLƆ YƖ BUMBLEBEE YI ODULƐ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Mɩnla ndwokɔ ɛzɩzɩbɛ yɛ mmenii beyiyia mmɩlɩ mɔ bɛkãã alopileni mmaalɛ a?

• Kɛ ɩyɛ mɔɔ ɔwʋlɔ mmʋwa mɔɔ bɔfʋlɔ yɩ bumblebee ɩkʋla itu mɔɔ ɩádɔ azɩ a?

• Mɩnla ɔhʋanɩ zʋ yɛ eɣile be mmenii bɔkɔhʋla bekenyia ɔwʋwaba eyi yɩ nɣɛlɛbɛ zʋ mfasʋ a?

Wɔ dɩka mɔɔ ɛda nɩ, mɩnla dasɩlɛ yɛ ɔnwʋ yɩ wɔ abɔdɩ nu mɔɔ ɩda Gyehova yɩ nɣɛlɛbɛ ali a?