Fá Wʋ Adwɩnɩ Siye Gyehova Zʋ Eɣile Bela

Sɛ yɛányia egyima yɛyɛ a, ɩyɛ a, ɩyɛ sɩ ɩma yɛ kɛɛ yɛkɛva Nyamɩnlɩ yɩ Bulombunlililɛ nɩɩ yɩ ɛdɩnɣɛlɛ yekeli bɔmʋnlɩ wɔ yɛ ɛbɩlawɔlɛ nu. Eyi ɩkʋla ɩma yɛyɛ egyima mɔɔ ɩkã ɔzʋ̃mɩnlɛ mɔɔ yɛfa yɛma Gyehova nɩ azɩ anzɛnyɩɩ ɩ nɩɩ Bayɩbʋlʋ egyinanlɛzʋ-ndwokɔ iáyiyia. Naasʋ̃, sa yɛkʋla yenyia anwʋlazʋ kɛɛ Gyehova ɩfa yɩ anwʋzɩzɩbɛ ‘idi ɩma bɛzabɛ mɔɔ bɛ ahʋnlɩnɩ idi munli wɔ yɩ nwʋ’ nɩ. (2Mm 16:9) Dɩyɛ bela ɩlɔ́kʋla ikezi yɛ Zɩ mɔɔ ɩwɔ ɔlɔlɛ nɩ ɔhʋanɩ kɛɛ ɩkɔwʋwa yɛ na ɩava mɔɔ yehyinyia bela ɩama yɛ. (Wul 8:32) Meti, sɛ yesii egyima mɔɔ yɛkɛyɛ nwʋ pɔkɔ a, ɩsɛ kɛɛ yɛfa yɛ nwʋ yetiã Gyehova zʋ na yɛfa yɛ adwɩnɩ yesiye yɩ ɔzʋ̃mɩnlɛ zʋ.—Ndw 16:8.

KILÁ VIDIYO MƆƆ BƐYƐ YƖ DƖLAMA MƆƆ ISE ƆZƲ̃ WƲ ƐKƐLA MUNWATĨĨ NU SƲ̃MƖ GYEHOVA, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla ti mɔɔ bɛmaa Jason bɩlayɩbɩ nɩ, iáde yi a?

• 

  Kɛ yɛkɛva Kolosiyiamaa 3:23 nɩ yɛkɛyɛ egyima yekeze a?

• 

  Kɛ Jason yɩ ndianwʋba nɩ ɩhanlɩ Thomas izeli a?

• 

  Kɛ yɛkɛva Matiyu 6:22 yɛkɛyɛ egyima yekeze a?