Kɔ́ Ɔzʋlɔ Siyeziye Wʋ Nwʋ Wɔ “Mmɩlɩ Mɔ Ili Awielɩyɛ” Eyi Yɩ Awielɩyɛ Nɩ Nu

Mmɩlɩ mɔ yekyinaa “mmɩlɩ mɔ ili awielɩyɛ” eyi yɩ awielɩyɛ yi munwa nɩ, yekilaa ɔhʋanɩ sʋ̃ kɛɛ atɩɩtɩɩ ɩkɔhɔlɩ ɔzʋlɔ la ɩkɔhɔ yɩ anyunu. (2Tim 3:1; Mt 24:8) Gyehova yi mmenii bɛ sa ɩkã ɔhʋanɩhilelɛ mɔɔ ɩba wɔ mmɩlɩ mɔ ɩsɛ nu na ɩbɔ bɔ nnwʋanlɩ nwʋ banɩ wɔ asianɩ mmɩlɩ nu. Meti, yɛ nnwʋanlɩlelɛ wɔ ɔzɔ mmɩlɩ nɩ, igyĩ sutiye mɔɔ yɛkɛyɛ wɔ nnɛ yɛkɛva yekeziyeziye yɛ nwʋ wɔ nnwʋnlamɩ nɩɩ sunzuma ɔfʋã nu nɩ zʋ.—Lk 16:10.

• Siyeziye wʋ nwʋ wɔ sunzuma ɔfʋã nu: Yɛ́ nhyɩhyɛlɩyɛba fa suma dɩyɛ. Sumá ahʋanɩ azʋlɔtʋ mɔɔ yeduwa zʋ yedi dasɩlɛ nɩ. Sɛ ɛ nɩɩ wʋ mmeliyema bɛ avinli ɩtɩdɩ wɔ mmɩlɩ ɛgyɩkɩ̃ɩ̃ be nu a, áma bɔlɔ ɩkã wʋ. (Ayɩ 30:15) Ɛ nɩɩ Gyehova nɩɩ Gyisɛsɩ mɛyɩ, bɛ avinli ɩlɛ́tɩdɩlɩ.—od-TW 175-176 ¶15-17

• Siyeziye wʋ nwʋ wɔ nnwʋnlamɩ ɔfʋã nu: Ɩsɛ kɛɛ abusunwa bela isiye alɩyɛ mɔɔ ɩkyɛ ansaana ɩazɩkɛ, nzulo, nnuno nɩɩ nninyeni mvʋlɔ wɔ baagɩ be nu. Na sɛ nwʋmɔ ɩba ihyinyia kɛɛ bɛfa bɔ nwʋ besiye wɔ dɩka be wɔ mmɩlɩ tɩndɩnlɩ be nu a, bɛava bɛali egyima.—Ɛɣɛ 22:3; g17.5-TW 4, 6

KILÁ VIDIYO MƆƆ ISE ASƲ̃ EZIYEZIYE WƲ NWƲ ƐMA ASIANƖ MMƖLƖ A? NA AKƲ̃ YƖ NDWOKƆƔIZIALƐ EYIMMƆ BO MUNWA:

• 

  Kɛ ɩkɛyɛ na yɛaziyeziye yɛ nwʋ wɔ sunzuma ɔfʋã nu yɛama asianɩ mmɩlɩ a?

• 

  Mɩnla ti mɔɔ ɩsɛ kɛɛ . . . 

  • yɛ nɩɩ asafʋ nu mbanimbani nyia nkitanwʋlilɛba a?

  • yesiyeziye nninyeni mɔɔ yekehyinyia nɩ yesiye ɛkɛnɩ a?

  • yesunzu asianɩ azʋlɔtʋ mɔɔ ɩkɔhʋla ikezi wɔ yɛ apaa yi nu nɩɩ mɔɔ yɛkɛyɛ wɔ numɔ bela nwʋ a?

• 

  Mɩnla ahʋanɩ asã zʋ yɛ yɛkɔhʋla yɛkɔwʋwa mmenii wɔ mmɩlɩ mɔ asianɩ ɩdʋ bɛ nɩ a?

BIZIÁ WƲ NWƲ KƐƐ, ‘Mɩnla ɔhʋanɩ zʋ yɛ COVID-19 adimakɛlɛ nɩ, ɩma mʋnwʋ mfasʋ mɔɔ ɩwɔ ɔzʋlɔ kɛɛ mikeziyeziye mʋ nwʋ mikeziye a?’