Bɔhɔ́ Ɔzʋlɔ Bɛva Magezini Azʋlɔtʋ Nɩ Beli Egyima

Ɔzʋmɩ 2018 nɩ, magezini mɔɔ yɛfa yɛma nɩ, numɔ ɔkʋ̃ bela ɩkã odwokɔtile ɔkʋ̃ la nwʋ odwokɔ. Magezini azʋlɔtʋ eyi ɩkɩnla ye Nninyeni Mɔɔ Yɛfa Yekilehile nɩ nwʋ. Meti sa yɛkʋla yɛfa yedi egyima wɔ dasɩlɛlilɛ nu. Akʋ̃ sʋ̃, sɛ yekelii kualɛ anzɛnyɩɩ yetuu ɔhʋanɩ a, sa yɛkʋla yɛfa ebiye yewula yɛ nwʋ. Bɛáyɛ magezini yi kɛɛ yɛva yɛyɛ Bayɩbʋlʋ dɩyɛzumanlɛ, mfomi ɩkʋla ɩma abiye inyia ɛpɛ kɛɛ ikozuma sʋ̃maa ɩkɛvalɩ Nyamɩnlɩ nwʋ.

Sɛ ɔbɔ nkɔmmɔwɔlɛ be tʋ a, kɩngá ɛhɛlɛlɛ odwokɔ be na fá odwokɔtile be mɔɔ ɩwɔ magezini be nu mɔɔ enii kʋ̃ nɩ yɩ yɩ anyɩ ikeleli nwʋmɔ nɩ di egyima. Kɛ ndianwʋ nɩ, sɛ ɩtɩdɩɩ nnwuakula anzɛnyɩɩ iyiyiaa atɩɩtɩɩ be a, sa ɔkʋla ɛkã kɛɛ: “Aɣile asã yɩ la, mɩɣɩnganlɩ odwokɔ be mɔɔ ɩfalɩ wʋ bʋwabɩlɛ yɩ nwʋ. Sa mʋkʋla mɩfa mikile wʋ a?” Sɛ ɔnwʋ kɛɛ yɩ anyɩ ideli nwʋmɔ a, sa ɔkʋla ɛfa magezini mɔɔ ɩwɔ wʋ nwʋ nɩ be ɛma yɩ anzɛnyɩɩ ɔkʋla ɛfa ebiye ɔnwʋa yɩ wɔ foonu zʋ. Sa ɔkʋla ɛyɛ ɔzɔ po wɔ egyelalɛ mɔɔ ili bɔmʋnlɩ yi nu la. Ɩwɔ numɔ kɛɛ kɛ yɛ bʋtayɩ titili yɛ lɛ kɛɛ yɛkɛhyɩhyɛ awuuku dɩyɛ, naasʋ̃ sa magezini azʋlɔtʋ eyimmɔ ɩbʋwa yɛ ma yenyia bɛzabɛ mɔɔ bɔwɔ ɛpɛ kɛɛ bɛkɛva mɔɔ bosuma nɩ bekeli egyima nɩ.—Egy 13:48.

2018

2019

2020