Sianti Mɔɔ Nɩ Bɔbɔ Afɔlɩ Azʋlɔtʋ

1:3; 2:1, 12; 3:1

Mosisi yɩ Mmɛla nɩ ɩhyɛlɩ Yizilayamaa nɩ kɛɛ bɔwɔ́ afɔlɩ azʋlɔtʋ. Na nɩ ɔzɔ afɔlɩ nɩ ɩsɔ Gyehova yɩ anyɩ na igyĩ ɛkɛnɩ ɩma Gyisɛsɩ yɩ elelɛ afɔlɩ yɩ nɩ, anzɛnyɩɩ mfasʋ mɔɔ ɩwɔ ɔzʋlɔ nɩ.—Hib 8:3-5; 9:9; 10:5-10.

• Kɛmɔ nɩ ɩsɛ kɛɛ bɛfa nnamɩ mɔɔ bɛtɩ pɔkɔ na bedi munli bɔbɔ afɔlɩ nɩ, ɔzɔ la sʋ̃ yɛ Gyisɛsɩ ɩvalɩ yɩ nnwʋanlɩ mɔɔ idi munli nɩ ɩwɔlɩ afɔlɩ a.—1Pit 1:18, 19

• Kɛmɔ sɛ bɔbɔɔ ɛyɩbalɛ afɔlɩ a, nɩ bɛyɩba dɩyɛ mɔɔ bɛlɛ bɔbɔɔ afɔlɩ yɩ munwala bɛma Nyamɩnlɩ mɔɔ bɛádiã ebiye nɩ, ɔzɔ la sʋ̃ yɛ Gyisɛsɩ sʋ̃ ɩvalɩ yɩ nwʋ munwala ɩmanlɩ Gyehova a

• Kɛmɔ nɩ sɛ abiye ɩbɔ azʋ̃nudwolɩyɛ afɔlɩ mɔɔ ɩsɔ anyɩnlɩ a, nɩ ikile kɛɛ azʋ̃nudwolɩyɛ wɔ ɩ nɩɩ Nyamɩnlɩ avinli nɩ, ɔzɔ la sʋ̃ yɛ bɛzabɛ mɔɔ bɔvɔ ngɔlɔ bɛ mɔɔ benyia kyɛfʋã wɔ Niibenyia Yi Nunuma Alɩyɛ yɩ nu nɩ, azʋ̃nudwolɩyɛ wɔ bɛ nɩɩ Nyamɩnlɩ avinli a