Sa Ɔkʋla Osuma Dɩyɛ Be Wɔ Kilisinyiamaa Mɔɔ Bɔwɔ Ozumalɛnwʋnlɛ Nɩ Bɛ Ɛkɛnɩ

Wɔ yɛ asafʋ yi nu nɩ, yɛwɔ mmeliyema mmenyia nɩɩ mmaalɛ be mɔɔ bɛva alʋbɔ sʋ̃maa bɔzʋ̃mɩ Gyehova. Sa yɛkʋla yesuma dɩyɛ be wɔ kezimɔ bɛfa bɔ nwʋ munwala betiã Gyehova zʋ nɩ nu. Sa yɛkʋla yebizia bɛ Gyehova yɩ ahyɩhyɛdɩ nɩ nwʋ ɔwɔkɩ ndwokɔ azʋlɔtʋ, ndwokɔ ɛzɩzɩbɛ mɔɔ beyiyia kyɩ̃, nɩɩ kezimɔ Gyehova ɩwʋwalɩ bɛ ma begyinanlɩ yi munwa nɩ nwʋ ndwokɔ. Sa yɛkʋla po yɛtʋ salɛ yɛfʋlɔ bɛ ma bɛba yɛ Abusunwa Ɔzʋ̃mɩnlɛ tʋ na bɛahã bɛ ozumanlɛnwʋlɛ bɛahile yɛ.

Sɛ ɛdɩ Kilisinyianii mɔɔ wʋ nwʋ ɩwʋkwa a, nyiá ɛpɛ kɛɛ ɛkɛhã wʋ ozumalɛnwʋnlɛ nwʋ odwokɔ ekehile Kilisinyiamaa mmɩlantɩyɛ nɩɩ nɣɛdɛkɛ. Gyekɔpʋ nɩɩ Dwosefi bɛhanlɩ bo ozumalɛnwʋnlɛ nwʋ odwokɔ behileli bɔ tʋmaa. (Gyn 48:21, 22; 50:24, 25) Aɣinzi nɩ, Gyehova ɩhanlɩ ihileli mmusunwa ti kɛɛ bɛhã yɩ nnwʋánlɩ egyima behile bo nnwuakula. (Dit 4:9, 10; Ndw 78:4-7) Nnɛ sʋ̃, awʋvʋlɔ nɩɩ mmeliyema mvʋlɔ mɔɔ bɔwɔ asafʋ yi nu nɩ, sa bɔkʋla bɛkã nnwʋánlɩ nninyeni mɔɔ bɔnwʋ kɛɛ Gyehova yɩ ahyɩhyɛdɩ nɩ ɩyɛ nɩ nwʋ ndwokɔ bekile mmɩlantɩyɛ nɩɩ nɣɛdɛkɛ nɩ.

KILÁ VIDIYO MƆƆ ISE ƖSƐ KƐƐ YƐKƆ ƆZƲLƆ YƐYƐ ƆKƲ̃ WƆ MMƖLƖ PO MƆ BƐVA BƐ SA BEDIÃ YE EGYIMA ZƲ NƖ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Amanlɩ be bɛvalɩ bɛ sa bedianlɩ ye egyima yɩ zʋ. Kɛ Austria bɛtɩlɩ bɔwʋwalɩ ye mmeliyema mɔɔ bɔwɔ ɛkɛnɩ nɩ bezeli a?

• Kɛ ye mmeliyema nɩ bɔhɔlɩ zʋ bɛhyɛlɩ be dedi nu ɛzɩzɩbɛ a?

• Ɛlawulowɔlɛmaa mɔɔ bɔwɔ Romania nɩ bɔhwɩnlɩ bɔ nwʋ wɔ Gyehova yɩ ahyɩhyɛdɩ nwʋ. Mɩnla ti a? Na kɛ ɩyɛlɩ mɔɔ bezia bɛɣalɩ a?

• Mɩnla ɔhʋanɩ zʋ yɛ ozumalɛnwʋnlɛ eyimmɔ ɩhyɛ wʋ dedi nu ɛzɩzɩbɛ a?