Asʋ̃ Eziyeziye Wʋ Nwʋ a?

Asʋ̃ eziyeziye wʋ nwʋ ɛma asianɩ be mɔɔ ebiye a, ikezi wɔ wʋ apaa yi nu nɩ a? Azɩlɛwʋsʋlɛ, ahũmi nɣezile, sɩnɩ mɔɔ ɩtɔ pɔkɔ nu, nɩɩ nzuloyilɛ ɩkʋla isi wɔ aɣilevile nu na ɩkʋla ɩsɩkɛ dɩyɛ baaba. Mɔɔ ɩkɩnla nwʋ nɩ, ahodiyiawumaa, basabasayɛlɛ, nɩɩ adimakɛlɛ azʋlɔtʋ ɩkʋla isi wɔ dɩka bela mɔɔ ɩáwɔ kɔkɔ bela. (Odw 9:11) Íni kɛɛ yenyia adwɩnɩ kɛɛ ɔzɔ asianɩ nɩ ebiye ɩlɔ́kʋla ikezi wɔ dɩka mɔɔ yɛda nɩ.

Ɩsɛ kɛɛ yenu bela ɩzʋ̃ nɣɛlɛbɛ nu isiyeziye yɩ nwʋ ɩma asianɩ. (Ɛɣɛ 22:3) Ɩwɔ numɔ kɛɛ Gyehova yɩ ahyɩhyɛdɩ ɩbʋwa yɛ wɔ asianɩ mmɩlɩ nu dɩyɛ, naasʋ̃ eyi iáhile kɛɛ íni kɛɛ yɛyɛ yɛ afʋã nu dɩyɛ yesiyeziye yɛ nwʋ.—Gal 6:5.

KILÁ VIDIYO MƆƆ ISE ASƲ̃ EZIYEZIYE WƲ NWƲ ƐMA ASIANƖ MMƖLƖ A? NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla ɔhʋanɩ zʋ yɛ yɛ nɩɩ Gyehova yɩ avinli abusunwawɔlɛ nɩ ɩkɔhʋla ɩkɔwʋwa yɛ wɔ asianɩ mmɩlɩ nu a?

• 

  Mɩnla ti mɔɔ ihyinyia kɛɛ . . .

  • • yɛ nɩɩ asafʋ nu mbanimbani yenyia nkitanwʋlilɛba ansaana asianɩ iazi, mmɩlɩ mɔ izi, nɩɩ mmɩlɩ mɔ izi nɩ mɛda a?

  • • yesiyeziye nninyeni mɔɔ yekehyinyia nɩ yesiye ɛkɛnɩ a?—g17.5-TW 6

  • • yesunzu asianɩ azʋlɔtʋ mɔɔ ɩkɔhʋla ikezi wɔ yɛ apaa yi nu nɩɩ mɔɔ yɛkɛyɛ wɔ ɔzɔ bʋwabɩlɛ nɩ nu a?

• 

  Mɩnla ɔhʋanɩ asã zʋ yɛ yɛkɔhʋla yɛkɔwʋwa mmenii wɔ mmɩlɩ mɔ asianɩ ɩdʋ bɛ nɩ a?