“Nɩ Azɩlɛ Yɩ Zʋ Maa Munwatĩĩ Bɛkã Ɛdɩndɛlɛ Ɔkʋ̃”

11:1-4, 6-9

Wɔ Babɛlɩ nɩ, Gyehova ɩmanlɩ mmenii azʋ̃nzɩzɩbɛmaa bɛbɩndɩnlɩ iluwa bɛ ɛdɩndɛlɛ mɔɔ ɩmanlɩ ɩyɛlɩ bɛsabɛsa nɩ zʋ. Nnɛ, ikohunwa hunwa ɔlɔmɩ sʋ̃maa sʋ̃maa mɔɔ bɔzʋ̃ amanlɩ nɩɩ ɛdɩndɛlɛ munwatĩĩ nu bo munwa na ɩmaa bɛkɛhã “ɛdɩndɛlɛ nwanzanwanza” na ama ‘bɛawɔ Gyehova yi dima na bɛava padile ɔkʋ̃ bɛazʋ̃mɩ yɩ.’ (Zɛf 3:9; Yik 7:9) Ɔzɔ “ɛdɩndɛlɛ nwanzanwanza” nɩ yɛ lɛ nɔhʋanlɛ mɔɔ ɩfalɩ Gyehova nɩɩ yi tile nu pɔkɔ mɔɔ yɛnwʋ yɩ wɔ Bayɩbʋlʋ nu nɩ nwʋ.

Kɛ ndwokɔ abɔkɔ fʋlɔ mɔɔ yɛkɛhakɛ la yɛ ikehile kɛɛ yesumaa ɛdɩndɛlɛ fʋlɔ a. Mfomi ikehyinyia kɛɛ yekozuma kɛɛ yɛkɔdwɩ̃ wɔ ɔhʋanɩ fʋlɔ zʋ sʋ̃. Ɔzɔ la yɛ mmɩlɩ mɔ yesumaa ɛdɩndɛlɛ nwanzanwanza mɔɔ mɛyɩ yɛ lɛ nɔhʋanlɛ yɩ nɩ, ɩma kezimɔ yɛdwɩ̃ nɩ sʋ̃ ɩsɩnza a. (Wul 12:2) Eyi ɩ́dɩ eɣile ɔkʋ̃ dɩyɛyɛlɛ, mfomi ɩsɛ kɛɛ yɛkɔlɩ ɔzʋlɔ yɛyɛ iluwakɛɛ mɛyɩ yɛ ɩma Nyamɩnlɩ yi mmenii bɛyɛ ɔkʋ̃ a.​—1Kɔl 1:10.