Pʋ́ Oyuwadɩ Nyɛlɩyɛ Mmɩlɩ Mɔ Ɛyɛɛ Ayɩfʋlɔ Nwʋ Nhyɩhyɛlɩyɛ Nɩ

Kilisinyiamaa mɔɔ bɛbayɛ ayɩfʋlɔ nɩ bɔwɔ abɔkɔ sʋ̃maa mɔɔ ɩsɛ kɛɛ besizi. Ebiye a, sa bɔkʋla bɛhyɛ bɛ kɛɛ bozumazuma ayɩfʋlɔ nɣezile mɔɔ bɛta bɛyɛ wɔ bɛ apaa yi nu nɩ be. Bɔ ɔhɔnwʋmmɔ nɩɩ bo mmusunwamaa bɔkɔhʋla bekehile bɛ adwɩnɩ wɔ kezimɔ ɩsɛ kɛɛ bɛyɛ ayɩfʋlɔ nɩ nwʋ. Mɩnla Bayɩbʋlʋ nu egyinalɛzʋ-ndwokɔ yɛ ɩkɔwʋwa mmeliyema mɔɔ bɛbagyia nɩ, ma bɛkɛyɛ be eɣile titili eyi nwʋ nhyɩhyɛlɩyɛ wɔ ɔhʋanɩ be zʋ mɔɔ ɩkɛma bekenyia tile ɔwʋwaba baaba na bɛánlunli bɔ nwʋ eɣile be a?

KILÁ VIDIYO MƆƆ ISE AYƖFƲLƆ MƆƆ ƖHYƐ GYEHOVA ANIMINYIAMƖ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Kɛ Bayɩbʋlʋ nu egyinalɛzʋ-ndwokɔ eyimmɔ ɩwʋwalɩ Nick nɩɩ Juliana izeli a?

  • 1Kɔl 10:31

  • 1Dwɔ 2:15, 16

  • Gal 5:19-21

  • 1Tim 2:9

• Mɩnla ti mɔɔ ɩsɛ kɛɛ mmeliyema mɔɔ bɛbagyia nɩ bɛyɩ aliyema benyia mɔɔ yɩ nwʋ ɩwʋkwa wɔ sunzuma ɔfʋã nu ma ɩyɛ ‘enii mɔɔ ikehila ayɩfʋlɔyɛlɛ nɩ zʋ’ a?—Dwɔ 2:9, 10.

• Mɩnla pɔkɔ yɛ Nick nɩɩ Juliana bɛzabɛ bezili a, na mɩnla ti a?

• Aninyia yɛ ɩsɛ kɛɛ isi ayɩfʋlɔyɛlɛ nɩɩ nwʋmɔ ɔbʋnlɩdʋlɛ nɩ nwʋ pɔkɔ titili a?—w06-TW 10/15 25 ¶10.