Nyɛlɩyɛba Nɩɩ Annidi, Ɩkʋla Ɩtwɩ̃ Abiye Ɩba Nɔhʋanlɛ Yɩ Nu

Mbɔmɩ sʋ̃maa nɩ, nyɛlɩyɛba mɔɔ ɛyɩlɛmaa mɔɔ bɛdɩ Kilisinyiamaa bɛda yɩ ali nɩ, ɩkʋla ɩma bo hũmmɔ bɛba nɔhʋanlɛ yɩ nu. Naasʋ̃ ɩyɛ a, ihyinyia kɛɛ bekyina ndwokɔ ɛzɩzɩbɛ eyi yi munwa alʋbɔ sʋ̃maa. (1Pit 2:21-23; 3:1, 2) Sɛ eyiyiaa atɩɩtɩɩ a, kɔ́ ɔzʋlɔ fa baabayɛlɛ di tanɩ zʋ nkunimi. (Wul 12:21) Wʋ nyɛlɩyɛba nɩ ɩkɔhʋla ikenyia wu hũ yɩ zʋ tumi ɩkɛdɛla Bayɩbʋlʋ nu ndwokɔ sʋ̃maa mɔɔ ɛkɛhã ekehile yɩ nɩ.

Bɔ́ mmɔdɩnɩ kɛɛ ɛkɛdɩ kezimɔ wu hũ ɩtɩ nɣanlɩ nɩ tʋ. (Fɩl 2:3, 4) Dá ntɩyasɩ nɩɩ kunlumiba ali, na yɛ́ mɔɔ ɔkɔhʋla kɛɛ ekeli wʋ asɛdɩ kɛɛ ɛyɩlɛ nɩ nwʋ egyima bʋwɔ. Yɛ́ ediyelɛvʋlɔ baaba. (Gye 1:19) Sí abʋtalɩ, na ma wʋ hũ ɩnwʋ kɛɛ ɔdɔ yɩ. Sɛ wu hũ ɩáda kunlumiba nɩɩ annidi nɩ be ali ikile wʋ po a, sa ɔkʋla enyia anwʋlazʋ kɛɛ Gyehova yɩ anyɩ ɩsɔ wʋ nɔhʋanlɛlilɛ yɩ nɩ.—1Pit 2:19, 20.

KILÁ VIDIYO MƆƆ ISE GYEHOVA ƖHYƐ YƐ ƐZƖZƖBƐ MA YƐSƲWA YƐ ADƖSƲWA, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Grace Li yɩ agyiahʋnlɩ yɩ tʋwɔlɛ la nɩ, kɛ nɩ yɩ ɛbɩlawɔlɛ nu ɩdɩ ise a?

• Mɩnla yɛ ɩmanlɩ ɩɣa ɩnwʋnlɩ Bayɩbʋlʋ nu nɔhʋanlɛ yɩ nɩ a?

• Eliyema Baalɛ Li yɩ onlumanlɛ mɛda nɩ, mɩnla ɔhʋanɩ zʋ yɛ igyinanlɩ yɩ ndwokɔ ɛzɩzɩbɛ nɩ yi munwa a?

• Mɩnla mpayɩ yɛ Eliyema Baalɛ Li ɩwɔlɩ ɩvalɩlɩ yi hũ nwʋ a?

• Mɩnla nyilalɛ yɛ Eliyema Baalɛ Li inyianlɩ iluwa yɩ nyɛlɩyɛba nɩɩ annidi mɔɔ ɩlalɩ yɩ ali nɩ ti a?