“Bɔdwɩnɩ Nninyeni Eyimmɔ Nwʋ”

Mɩnla nninyeni a? Fɩlɩpɩmaa 4:8 ɩkã kɛɛ yɛdwɩnɩndwɩnɩ dɩyɛ bela mɔɔ ɩdɩ nɔhʋanlɛ, dɩyɛ mɔɔ ɩfata ayɛlɛyɩlɛ, dɩyɛ mɔɔ ɩdɩ baaba, dɩyɛ mɔɔ nwʋmɔ ɩtɩ, dɩyɛ mɔɔ ɩsɔ anyɩnlɩ, nɩɩ dɩyɛ mɔɔ bɛkamvʋ yɩ nɩ nwʋ. Eyi iáhile kɛɛ Bayɩbʋlʋ nɩ la yɛ ɩsɛ kɛɛ Kilisinyiamaa bɔdwɩnɩndwɩnɩɩ nwʋmɔ eɣile bela a. Naasʋ̃ mɔɔ yekezi pɔkɔ kɛɛ yɛkɔdwɩnɩndwɩnɩ nwʋmɔ nɩ, ɩsɛ kɛɛ ɩsɔ Gyehova anyɩ. Íni mɔɔ yɛdwɩnɩndwɩnɩ nninyeni mɔɔ ɩkɛma ɩkɛyɛ sɩ ɩkɛma yɛ kɛɛ yekeli nɔhʋanlɛ nɩ nwʋ.​—Ndw 19:14.

Kɛ yɛlɔ́dwɩnɩndwɩnɩ nninyeni mɔɔ ɔnwʋmɔ ɩádɩ nwʋ nɩ, ɩyɛ sɩ baaba. Kɛ yɛ mɛlɛkɛyɛlɛ la yɛ ɩsɛ kɛɛ yeminyia yɛ nwʋ kɛɛ yekeli zʋ a, mfomi ɩsɛ kɛɛ yɛkʋ̃ yetiyia Setanɩ, “mɔɔ mɛyɩ yɛ ikila tanɩ oyuwadɩ eyi zʋ” nɩ sʋ̃. (2Kɔl 4:4) Iluwakɛɛ mɛyɩ yɛ idii oyuwadɩ eyi zʋ nɩ ti, ɩma mɔɔ ɩba TV zʋ, ɣilediyo zʋ, Intanɛtɩ zʋ, nɩɩ mɔɔ betindimi nɩ nu sʋ̃maa nwʋ ɩádɩ. Sɛ yɛapa mɔɔ yɛfa yɛkɔ yɛ adwɩnɩ nu nɩ nu a, sa ɩkʋla ɩkã kezimɔ yɛdwɩ nɩɩ yɛ nyɛlɩyɛ wɔ ɔhʋanɩ tanɩ zʋ.​—Gye 1:14, 15.

KILÁ VIDIYO MƆƆ ISE PƲ́ NNINYENI MƆƆ ƖSƖKƐ NƆHƲANLƐLILƐ​—ANYƖNLƖLELƐDƖYƐ MƆƆ ƖÁVATA, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla yɛ nɩ eliyema nɩ ikilaa wɔ yi foonu yɩ zʋ a, na kɛ ɩhanlɩ yɩ izeli a?

• 

  Kɛ Galatiyiamaa 6:7, 8 nɩɩ Ndwomi 119:37 ɩwʋwalɩ eliyema nɩ izeli a?