Mmɩlantɩyɛ Nɩɩ Nɣɛdɛkɛ—Bɔwɔ́ Mmɔdɩnɩ ‘Kɛɛ Bɛkɛyɛ Egyima Baaba Munwatĩĩ’

Wɔ kɛlɛta mɔɔ sunzuma yɩ ɩhanlɩ sʋ̃mavʋlɔ Pɔɔlʋ ma ɩhɛlɛlɩ ɩmanlɩ Tayɩtɔsɩ yi nu nɩ, ɩhɛlɛlɩ kɛɛ mmɩlantɩyɛ mɔɔ Tayɩtɔsɩ sʋ̃ ɩkɩnla nwʋmɔ nɩ, ɩsɛ kɛɛ bɔbɔ mmɔdɩnɩ bɛyɛ ‘nyɛlɩyɛ baaba wɔ dɩyɛ bela nu ma bekilá ɔzʋlɔ bɛyɛ ebiye.’ (Tay 2:6, 7) Aɣinzi nɩ, ihileli wɔ ɔzɔ tile yɩ nu la kɛɛ, Gyisɛsɩ ɩkɛdɩ Gyehova yi mmenii nɩ bɔ nwʋ na ama bɛawɔ mmɔdɩnɩ ‘bɛayɛ egyima baaba munwatĩĩ.’ (Tay 2:14) Ɔzɔ egyima baaba munwatĩĩ nɩ numɔ ɔkʋ̃ yɛ lɛ Nyamɩnlɩ yɩ Bulombunlililɛ nwʋ ɛlawulo mɔɔ yɛkɔwɔ na yɛahilehile nɩ. Sɛ ɛdɩ abɩlantɩyɛ anzɛnyɩɩ kɛdɛkɛ a, asʋ̃ ɔkɔhʋla ɛkɛva wʋ anwʋzɩzɩbɛ mɔɔ ɔwɔ nɩ ɔkɔzʋ̃mɩ kɛɛ ɔhʋanɩbukolɛ bʋwavʋlɔ anzɛnyɩɩ eɣile munwatĩĩ ɔhʋanɩbukolɛvʋlɔ a?—Ɛɣɛ 20:29

Sɛ ɛpɛ kɛɛ ɛba ɛyɛ ɔhʋanɩbukolɛvʋlɔ a, yɛ́ wʋ nhyɩhyɛlɩyɛ bʋwɔ. (Lk 14:28-30) Kɛ ndianwʋ nɩ, kɛ ɩkɛyɛ na wʋahila wʋ nwʋ wɔ mmɩlɩ mɔ ɛyɛɛ mmɩlɩ munwatĩĩ ɔzʋ̃mɩnlɛ egyima yɩ nɩ a? Kɛ ɩkɛyɛ na wʋahʋla wʋadwu wʋ koota nwʋ a? Siã Gyehova ma ɩwʋwa wʋ. (Ndw 37:5) Ɛ nɩɩ wʋ awʋvʋlɔ nɩɩ bɛzabɛ mɔɔ bogua ɔzʋlɔ bɛyɛɛ ɔhʋanɩbukolɛ egyima nɩ bozunzú wʋ nhyɩhyɛlɩyɛ nɩ nwʋ. Na akʋ̃, tú wʋ bʋtayɩ nɩ nwʋ agyiakɛ. Sa Gyehova iyila mmɔdɩnɩ mɔɔ ɔbɔɔ wɔ yɩ ɔzʋ̃mɩnlɛ egyima yi nu nɩ zʋ!

KILÁ VIDIYO MƆƆ ISE MMƖLANTƖYƐ NƖƖ NƔƐDƐKƐ MƆƆ BƐHYƐƐ GYEHOVA ANIMINYIAMƖ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Mɩnla ndwokɔ ɛzɩzɩbɛ yɛ abiyemmɔ belili ɔzʋlɔ ansaana bɛbayɛ ɔhʋanɩbukolɛmaa a, na kɛ ɩyɛlɩ mɔɔ bɔhʋlalɩ belili ɔzʋlɔ a?

• Kɛ ɩkɛyɛ na awʋvʋlɔ bɛahʋla bɛawʋwa bo nnwuakula ma bɛaɣa bɛayɛ ɔhʋanɩbukolɛmaa a?

• Mɩnla ti mɔɔ ihyinyia kɛɛ ɛyɛ dasɩlɛlilɛ nwʋ nhyɩhyɛlɩyɛ a?

• Mɩnla yɛ asafʋ yi nu maa bɔkɔhʋla bɛkɛyɛ na bɛava bɛahyɛ ɔhʋanɩbukolɛvʋlɔ be ɛzɩzɩbɛ na bɛawʋwa yɩ a?

• Sɛ abiye ɩdɩ ɔhʋanɩbukolɛvʋlɔ a, mɩnla nyilalɛ yɛ inyia a?