“Bezizí Bɔ Ɔhɔnwʋmmɔ Bɛ Kɛnɣa, Na Bɔwʋwá Bɔ Nwʋ Nkʋ̃kʋ̃ Nkʋ̃kʋ̃”

5:11-14

Sa Kilisinyianii bela ɩkʋla ɩhyɛ mmenii mvʋlɔ ɛzɩzɩbɛ. Kɛ ndianwʋ nɩ, yɛhyɛ yɛ ɔhɔnwʋmmɔ Kilisinyiamaa ɛzɩzɩbɛ baaba wɔ mmɩlɩ mɔ yɛádindianlɩ dɩyɛzumanlɛ nɩɩ dasɩlɛlilɛ nu, ɩávalɩ nwʋmɔ dɩyɛ bela mɔɔ ‘itiyiaa yɛ’ dɩkɛɛ yɛ pɔkɔdɩlɛ mɔɔ ɩáyɛ baaba nɩɩ ndwokɔ ɛzɩzɩbɛ mvʋlɔ mɔɔ yeyiyia nɩ. (1Tɛs 2:2) Akʋ̃ sʋ̃, sɛ yedi bɔmʋnlɩ yɛdwɩnɩndwɩnɩ mɔɔ yɛkɛhã nɩ nwʋ na yɛpɩbɛlɩ ndwokɔ mɔɔ yɛkɔhʋla yɛkɛva yɛkɛhyɛ ɛzɩzɩbɛ a, sa ɩma yɛkʋla yesi yɛ ɔhɔnwʋmmɔ dedimaa mɔɔ behyinyia ɛzɩzɩbɛhyɛlɛ nɩ bɛ kɛnɣa.

Ɛhɩnla dɩka yɛ ekenyia ɛzɩzɩbɛhyɛlɛ ndwokɔ be mɔɔ ɛkɛva ɔkɔwʋwa abiye mɔɔ iyiyiaa ndwokɔ ɛzɩzɩbɛ pɔkyɩɩ be nɩ a?

Wɔ wʋ asafʋ yɩ nu nɩ, aninyia yɛ ɛpɛ kɛɛ ɛhyɛ yɩ ɛzɩzɩbɛ a?