Mɩnla Adwɩnɩ Yɛ Gyehova Ɩlɛ Wɔ Nwʋ a?

Ansaana yekezizi abɔkɔ nɣezile anzɛnyɩɩ ngyɩkɩ̃ɩ̃ ngyɩkɩ̃ɩ̃ nɩ, asʋ̃ yebizia yɛ nwʋ kɛɛ, ‘Mɩnla adwɩnɩ yɛ Gyehova ɩlɛ wɔ nwʋ a?’ Ɩwɔ numɔ kɛɛ yɛlɔ́nwʋ mɔɔ ɩwɔ Gyehova yɩ adwɩnɩ nu munwala kyɩ̃ dɩyɛ, naasʋ̃ ɩla mɔɔ ɩpɛ kɛɛ yɛnwʋ yɩ munwala ali wɔ Bayɩbʋlʋ yi nu na ama iaziyeziye yɛ ɩama “egyima baabayɛlɛ bela.” (2Tim 3:16, 17; Wul 11:33, 34) Gyisɛsɩ ɩnwʋnlɩ Gyehova yɩ apɛdɩ na ɩva ilili bɔmʋnlɩ wɔ yɩ ɛbɩlawɔlɛ nu. (Dwɔ 4:34) Bɛmá yɛyɛ mɔɔ yɛkɔhʋla bela yezi pɔkɔ mɔɔ ɩkɔzɔ Gyehova yɩ anyɩ yɛva yezumazumanlɩ Gyisɛsɩ.​—Dwɔ 8:28, 29, NWT; Ɛfɩ 5:15-17.

KILÁ VIDIYO MƆƆ ISE BƆWƆ́ MMƆDƖNƖ KƐƐ BƆKƆNWƲ MƆƆ GYEHOVA ƖPƐ NƖ (LƐV 19:18), NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Mɩnla ti mɔɔ ɩsɛ kɛɛ yɛfa Bayɩbʋlʋ nu egyinalɛzʋ-ndwokɔ yɛbɔ yɛ ɛbɩla a?

• Sɛ yesii ndwomi mɔɔ yekediye nwʋ pɔkɔ a, mɩnla Bayɩbʋlʋ nu egyinalɛzʋ-ndwokɔ yɛ ɩsɛ kɛɛ yɛma ɩbʋwa yɛ adwɩnɩ nu a?

• Sɛ yesii pɔkɔ wɔ yɛ nwʋ eziyeziyelɛ nɩɩ yɛ ntalɩwulalɛ nwʋ a, mɩnla Bayɩbʋlʋ nu egyinalɛzʋ-ndwokɔ yɛ ɩsɛ kɛɛ yɛma ɩbʋwa yɛ adwɩnɩ nu a?

• Mɩnla bʋwabɩlɛ mvʋlɔ nu yɛ ɩsɛ kɛɛ yɛfa Bayɩbʋlʋ nu egyinalɛzʋ-ndwokɔ yedi egyima a?

• Kɛ ɩkɛyɛ na yɛadu mpʋnɩ wɔ mmɔdɩnɩ mɔɔ yɛbɔɔ kɛɛ yɛkɔnwʋ mɔɔ Gyehova ɩpɛ nɩ nu a?