Nyiá Mfasʋ Sʋ̃maa Wɔ Wʋzawʋ Wʋ Dɩyɛzumanlɛ Zʋ

SIANTI MƆƆ IHYINYIA: Nyamɩnlɩ yɩ Odwokɔ mɔɔ yɛzayɛ yekozuma nɩ ɩbʋwa yɛ ma yɛnwʋ nɔhʋanlɛ yɩ “yɩ tɛtɛlɛ, yɩ tɩndɩnlɩ, yɩ sʋlɔhɔlɛ nɩɩ yɩ azɩhɔlɛ bʋwɔ” baaba. (Ɛfɩ 3:18) Isia ɩbʋwa yɛ ma yɛ nwʋ ɩáɣa odwokɔ na yɛ nwʋ ɩtɩ wɔ tanɩyɛlɛmaa oyuwadɩ eyi nu, na ɩma ‘yɛsɔ nnwʋanlɩ odwokɔ nɩ nu ɛzɩzɩbɛ ɛzɩzɩbɛ.’ (Fɩl 2:15, 16, NWT) Nyamɩnlɩ yɩ Odwokɔ mɔɔ yɛzayɛ yekozuma nɩ ɩma yenyia nwʋmɔ ɔhʋanɩ yesi pɔkɔ wɔ nninyeni mɔɔ yesuma a, ɩkɔwʋwa yɛ nɩ nwʋ. Yɛkɛyɛ mɩnla na yeanyia mfasʋ sʋ̃maa wɔ mmɩlɩ mɔ yɛfa yɛkɩnga na yesuma Bayɩbʋlʋ nɩ zʋ a?

KEZIMƆ ƐKƐYƐ YƖ:

• Sunzuã nkyɩkyɛmi be tʋ na kɛlɛ́ ndwokɔ be kua wʋzawʋ wʋ Bayɩbʋlʋ mɔɔ ɛfa osuma dɩyɛ nɩ nu. Sa ɔkʋla sʋ̃ ɛkɛlɛ okua kɛlɛta, tabɩlɛtɩ anzɛnyɩɩ foonu zʋ.

• Mmɩlɩ mɔ ɛkɩngaa Bayɩbʋlʋ yɩ nɩ, biziá wʋ nwʋ ndwokɔ eyimmɔ: ‘Aninyia? Mɩnla? Mɩnla mmɩlɩ a? Ɛhɩnla dɩka a? Mɩnla ti a? Mɩnla ɔhʋanɩ zʋ a?’

• Nwʋ́ numɔ bʋwɔ. Fá awuuku mɔɔ bɛfa bɛpɩbɛlɩ nninyeni nu nɩ, na fa pɩbɛ odwokɔtile anzɛnyɩɩ Bayɩbʋlʋ nu nkyɩkyɛmi be nu bʋwɔ kɔ aɣinzi

• Dwɩnɩndwɩnɩ́ mɔɔ ɛkɩngaa nɩ nwʋ na ama wʋanwʋ kezimɔ mɔɔ osumaa nɩ ɩfalɩ wʋ nwʋ

• Fá mɔɔ osuma nɩ di egyima wɔ wʋ ɛbɩlawɔlɛ nu eɣile bela.​—Lk 6:47, 48

KILÁ VIDIYO MƆƆ ISE ‘SƆ́ NNWƲANLƖ ODWOKƆ NƖ NU ƐZƖZƖBƐ ƐZƖZƖBƐ’​—ILUWA WƲZAWƲ WƲ DƖYƐZUMANLƐ MƆƆ ITU MPƲNƖ ZƲ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Mɩnla ndwokɔ yɛ abiyemmɔ bɛhã bɛvalɩ yɛzayɛ ye dɩyɛzumanlɛ mɔɔ yɛkɛyɛ nɩ nwʋ a?

• Mɩnla ti mɔɔ ɩsɛ kɛɛ yɛbɔ mpayɩ ansaana yɛawɔ yɛzayɛ yɛ dɩyɛzumanlɛ tʋ mmɩlɩ bela a?

• Mɩnla yɛ ɩkɔhʋla ɩkɔwʋwa yɛ ma yɛkɛdɩ Bayɩbʋlʋ nu odwokɔ be yɩ tʋ bʋwɔ a?

• Mɩnla ndwɩyɛlɛ azʋlɔtʋ yɛ yɛkɔhʋla yɛkɛyɛ wɔ yɛ Bayɩbʋlʋ mɔɔ yɛfa yesuma dɩyɛ nɩ nu a?

• Mɩnla ti mɔɔ nninyeni nwʋ mɔɔ yɛkɔdwɩnɩndwɩnɩ nɩ, nwʋmɔ ihyinyia baaba wɔ mmɩlɩ mɔ yesumaa Bayɩbʋlʋ yɩ nɩ a?

• Mɩnla yɛ ɩsɛ kɛɛ yɛfa mɔɔ yesuma nɩ yɛyɛ a?