Kezimɔ ekenyia Bayɩbʋlʋ dɩyɛzumanlɛ eyi zʋ mfasʋ
Di bɔmʋnlɩ kɩnga kezimɔ ɛkɛyɛ yɩ mɔɔ behile wɔ ɛkɩ nɩ, na akʋ̃ yɩ́ VIDIYO nɩ.
ƆFƲÃ ƆKƲ̃
Sɛ esiyeziyee wʋ nwʋ ɛkɛma dɩyɛzumanlɛ yɩ a, kɩnga ɔfʋã mɔɔ ili bɔmʋnlɩ yɩ. Ndwokɔɣizialɛ mɔɔ bɛhɛlɛ yɩ nɣezile (A) nɩɩ ɛhɛlɛlɛ ndwokɔ yɩ (B) ɩtwɩ̃ adwɩnɩ isiye ndwokɔ aditili yɩ zʋ. Yɛ́ yɩ ndwɩ kɛɛ ɛhɛlɛlɛ ndwokɔ mɔɔ bɛhɛlɛ nwʋmɔ kɛɛ “kɩnga” nɩ ɩsɛ kɛɛ bɛkɩnga wɔ mmɩlɩ mɔ bosumaa dɩyɛ nɩ.
ƆFƲÃ ANWƖ̃
Anyunumi ndwokɔ (D) mɔɔ ɩwɔ Sumá Sʋ̃maa yɩ tʋ ɛkɛnɩ nɩ ikilehile ndwokɔ mɔɔ bɛbazunzu nwʋmɔ nɩ nu. Ndwokɔ adile ngyɩkɩ̃ɩ̃ ngyɩkɩ̃ɩ̃ nɩ (E) ɩda mɔɔ bɛbazunzu nwʋmɔ nɩ ali. Ɛ nɩɩ enii mɔɔ ɩ nɩɩ wʋ suma dɩyɛ nɩ bɛɣɩnga ɛhɛlɛlɛ ndwokɔ yɩ, ma ndwokɔɣizialɛ yɩ nwʋ munwalɩyɛ, na kilá vidiyo azʋlɔtʋ nɩ.
VIDIYO nɩɩ ODIYO mɔɔ ɩwɔ numɔ nɩ ɩbʋwa ma ɛtɩ mɔɔ bosumaa yɩ tʋ bʋwɔ. Vidiyo yɩ be ɩdɩ ndwokɔ ankasa mɔɔ izili. Ebiye sʋ̃ ɩdɩ dɩlama mɔɔ ikile ndwokɔ be mɔɔ ɩkɔhʋla ikezi.
Sunzu mfonyini nɩɩ mɔɔ bɛhɛlɛ wɔ nwʋmɔ nɩ nwʋ bʋwɔ (Ɛ), na dwɩnɩndwɩnɩ kezimɔ okowuwa Abiyemmɔ Bɛkã Kɛɛ nɩ nwʋ (F).
ƆFƲÃ ASÃ
Ɔfʋã mɔɔ ise Yɩ Dɔkɔwɔlɛ nɩɩ Kɛ Okowuwa Ekeze a? nɩ (G), ɩbɔ dɩyɛzumanlɛ yɩ munwala dɔkɔ. Kɛlɛ́ eɣile mɔɔ bowieli dɩyɛzumanlɛ yɩ nɩ. Ɔfʋã mɔɔ ise Bʋtayɩ nɩ (H) ɩbʋwa wʋ ma osuma sʋ̃maa anzɛnyɩɩ ɛfa mɔɔ ozuma nɩ ɛyɛ egyima. Wɔ Pɩbɛ́ Sʋ̃maa ɔfʋã yɩ tʋ nɩ (I) ekenyia ndwokɔ mvʋlɔ mɔɔ ɛkɛɣɩnga anzɛnyɩɩ vidiyo mɔɔ ekehila.
Numɔ Ndwokɔ
|
|
|
|
|
Kezimɔ ɛkɛbɩbɛ Bayɩbʋlʋ nu nkyɩkyɛmi azʋlɔtʋ
Awuuku ngyɩkɩ̃ɩ̃ ngyɩkɩ̃ɩ̃ 66 yɛ ɩkã ɩbɔ numɔ ɩyɛ Bayɩbʋlʋ munli nɩ a. Bɛhyɛ numɔ ɔfʋã anwɩ̃. Yɩ ɔfʋã mɔɔ ili bɔmʋnlɩ ɩdɩ Hibulu nɩɩ Alamɩkɩ Ɛhɛlɛlɛ yɩ (“Nhyɩhyɛlɩyɛ Dadampɔ”) na yɩ ɔfʋã mɔɔ ɩtɔ ɔzʋlɔ anwɩ̃ ɩdɩ Kilisinyianɩ Giliki Ɛhɛlɛlɛ yɩ (“Nhyɩhyɛlɩyɛ Fʋlɔ”).
Sɛ bɔtwɩ̃ adwɩnɩ besiye ɛhɛlɛlɛ odwokɔ be zʋ wɔ dɩyɛzumanlɛ eyi nu a, mɔɔ ɛkɛva ɔkɔnwʋ yɩ yɛ lɛ Bayɩbʋlʋ buuku yi dima (A), yi ti (B), nɩɩ nkyɩkyɛmi anzɛnyɩɩ nkyɩkyɛmi azʋlɔtʋ nɩ (D).
Kɛ ndianwʋ nɩ, Dwɔɔnʋ 17:3 ikile Dwɔɔnʋ buuku yi, yi ti 17, nkyɩkyɛmi 3.