ƆFƲÃ 7

Aninyia Dɩyɛ Yɛ Lɛ Gyisɛsɩ a?

Gyehova ɩzʋ̃manlɩ Gyisɛsɩ wɔ azɩlɛ yɩ zʋ. 1 Dwɔɔnʋ 4:9

Gyisɛsɩ ɩda Gyehova yɩ sa nyini zʋ wɔ sʋlɔ

Sɛ yɛpɛ kɛɛ yɛsɔ Gyehova anyɩ a, ɩsɛ kɛɛ yetiye yɩ Ɣa yɩ sʋ̃. Ansaana ɩbawɔ Adamɩ nɩ, Gyehova ɩwɔlɩ bɔvʋlɔ kezile be mɔɔ ɩwɔ tumɩ wɔ sʋlɔ.

Mɛɛlɩ yɩ ɛɣɩnzɛlɛ nu nɩɩ Gyisɛsɩ yɩ awʋbɔ mɛda

Mmɩlɩ be nu nɩ, Gyehova ɩzʋmanlɩ ɔzɔ bɔvʋlɔ eyi ma baalɛ amunli be mɔɔ bɛfɩlɛ yɩ kɛɛ Mɛɛlɩ nɩ ɩwʋlɩ yɩ wɔ Bɛtɩlɛhamɩ. Bɛdɩnlɩ yɩ dima Gyisɛsɩ.—Dwɔɔnʋ 6:38.

Gyisɛsɩ ikilehile mmenii mvʋlɔ ɩfalɩ Gyehova nwʋ

Kɛ́ enii mɔɔ ɩwɔ azɩlɛ yɩ zʋ nɩ, Gyisɛsɩ ɩlalɩ yɩ Zɩ subanɩ ali pɛpɛɛpɛ. Nɩ yɩ ti nu iko, ɩwɔ ɔlɔlɛ na nɩ mmenii kʋla bike yɩ. Izili yɩ kɛnɣa ihilehileli mvʋlɔ Gyehova yɩ nwʋ nɔhʋanlɛ odwokɔ.

Gyisɛsɩ ɩáyɛ tanɩ kyɩ̃ naasʋ̃ bɛápɛ yɩ odwokɔ. 1 Pita 2:21-23

Gyisɛsɩ itunwo kuakula baalɛ be wɔ owulo nu na ɩsa benyia be adimakɛlɛ

Gyisɛsɩ ɩzalɩ adimakɛlɛ azʋlɔtʋ na idunwonli awuvʋlɔ be ma bɛɣalɩ nnwʋanlɩ nu dɔkʋ̃.

Azɔfʋ mbanimbani behyili Gyisɛsɩ, sianti yɛ lɛ kɛɛ, ɩbalɩ bɛ awohwi ehilehilelɛ nɩɩ bɛ ɛbɩla tanɩ nɩ nwʋ ɛdamɛ.

Azɔfʋ mbanimbani bɛlahɩlɩlahɩlɩ Wulomi tumivʋlɔmaa ma behyinli Gyisɛsɩ na bohunli yɩ.