ƆFƲÃ 1

Yɛkɛyɛ Mɩnla Na Yɛadiye Nyamɩnlɩ a?

Nyamɩnlɩ iduwa Bayɩbʋlʋ yɩ zʋ ɩtɩndɛ ikile yɛ. 2 Timoti 3:16

Gyehova ɩda yɩ abulongua zʋ, na ɩfa yɩ sunzuma nɩ ɩkã mmenii ma bɛkɛlɛ Bayɩbʋlʋ nɩ

Nɔhʋanlɛ Nyamɩnlɩ ɩmanlɩ mmenii be bɛhɛlɛlɩ yi ti nu odwokɔ wɔ buuku nwanzanwanza be nu. Ɔzɔ buuku nɩ yɛ lɛ Bayɩbʋlʋ. Ndwokɔ mɔɔ ɔnwʋmɔ ihyinyia mɔ Nyamɩnlɩ ɩpɛ kɛɛ ɛtɩ nɩ yɛ ɩwɔ numɔ a.

Nyamɩnlɩ yɛ izi mɔɔ ɩdɩ baaba ɩma yɛ a, iluwakɛɛ mɛ yɛɛ nɣɛlɛbɛ munwatĩĩ ɩzʋ̃ yɩ ɛkɛnɩ a. Sɛ etiye yɛ a, ɛkɛyɛ nɣɛlɛbɛvʋlɔ.—Gyemisi 3:17.

Bayɩbʋlʋ nɩ wɔ ɛdɩndɛlɛ sʋ̃maa; benyia be ɩkɩngaa Bayɩbʋlʋ nɩ wɔ yɩzayɩ yɩ ɛdɩndɛlɛ nu

Nyamɩnlɩ ɩpɛ kɛɛ abiyela mɔɔ ɩwɔ azɩlɛ yɩ zʋ nɩ ɩkɩnga Bayɩbʋlʋ yɩ. Bɛhɛlɛ yɩ wɔ ɛdɩndɛlɛ sʋ̃maa nu.

Sɛ ɛpɛ kɛɛ etiye Nyamɩnlɩ a, ɩsɛ kɛɛ akɩnga Bayɩbʋlʋ yɩ nɩ na ɛtɩ yɩ tʋ.

Mmenii sʋ̃maa zɛ betiye. Matiyu 24:14

Gyehova Dasɩvʋlɔ be ɩkɩngaa ɛhɛlɛlɛ odwokɔ be ikile benyia be, na akʋ̃ ɩ nɩɩ bɔ dɩyɛzumanlɛ tʋ

Gyehova Dasɩvʋlɔmaa bɔkɔhʋla bɔkɔwʋwa wʋ ma ɛkɛdɩ Bayɩbʋlʋ yɩ tʋ.

Bekehile Nyamɩnlɩ yɩ nwʋ nɔhʋanlɛ odwokɔ wɔ azɩlɛ munwatĩĩ zʋ.

Beyiyia numɔ wɔ Gyehova Dasɩvʋlɔmaa bɛ Bulombunli Ayiyialɩyɛ Aliyia nu

Sa ɔkʋla sʋ̃ asuma Nyamɩnlɩ yɩ nwʋ odwokɔ wɔ Gyehova Dasɩvʋlɔmaa bɛ Bulombunli Ayiyialɩyɛ Aliyia nu. Olótuwa hwɩɩ ansaana bɛahilehile wʋ.