ADECH 8

Tho pa Yesu Konyin Nedi?

Yesu otho ŋey wanyal limo kwo. Yohana 3:16

Rumachien ma ndelo adek munyo Yesu otyeko tho, nitye mon ma jokidho kama oido oyik’iye go to jokonwaŋo del pere. Jehova oido otyeko chierino Yesu.

Yesu nenere ri jofuonjirok pere, rumachien okadho i polo

Rumachien, Yesu oneno ri jofuonjirok pere.

Jehova ochierino Yesu odoko Yesu to lokere chwech ma chuny makitho. Jofuonjirok pa Yesu joneno go munyo gik i polo.

Were ochierino Yesu to loko go Kere ma Ker pa Were. Menyirok 11:15

Yesu dhumo ji mojonitye i piny munyo obedo i kom pere madhum i polo

Yesu omiyo kwo pere paka chul ri ji jye. (Mathayo 20:28) Luwo kwoŋ chul no, Were bino miyo wan kwo makirum.

Jehova oyero Yesu bedo Kere ma ledhumo piny. Ji 144,000 jolechierino wok i piny to jokidho i polo. Yesu kodi ji 144,000 joledhum i Ker pa Were ma polo.—Menyirok 14:1-3.

Ker pa Were bino loko piny me kabedo maber swa. Lweny, turo chik, chandi, kodi kech jye bino rumo woko. Ji jolebedo i kisangala madit swa.—Zabul 145:16.